#/ Patui mbang nyaom ka sa, QH 14, harei ni 27/7, Qh hu ngak bruk di hội trường. Di var ngak bruk mesup, QH pilih ruah Phó akaok negar, Chánh án Tòa án bhap bini tối cao, Viện trưởng Viện kiểm sát bhap bini tối cao; pang Chánh án Tòa án bhap bini tối cao tuyên thệ;  ginum biai di kapul ka số lượng menuac dalam rajaei. Beir harei kbroi QH brei tapa sarak ka danak dak bruk ngak pasang iek di QH thun 2017,Sarak  ka cơ cấu số lượng menuac dalam rajaei song ginum biai di kapul ka bruk pok ngak dom Phó Thủ tướng rajaei, dom akaok mintri song dom thành viên karei di rajaei.

# Pahadar 69 thun harei TBLS, harei kabroi 26/7, kapul urang dahlau daih ngak bol lin tỉnh Đắc Nông peih bruk pok meyaom dom thương binh ngak mbang – pablei salih naih joi. 63 thương binh ngak mbang pablei salih naih joi hu pok meyaom mbang ini lac dom urang lin wa hồ hu tapa dua mbang mesruh metak mek veik độc lập bangsa, yasa taneh ia saong khik caga taneh ia palei negar. Urang dahlau daih ngak bol lin angan Dương Xuân Bản, daok di xã Quảng Khê, huyện Đăk Glong  lac: “Hadei di tuk njauk rambuah ye ngak bruk biak kan, min meng hatai takre ruah duah  dahlak hu ngak bahrau abih dom pandap sản xuất di drei piah lagaih saong ba mai kein laba. Tui  jalan  pato di Wa lac thương binh joh min oh klaak saoh”.

#/ Di labik taneh kubo liệt sỹ Đồi 82, huyện Tân Biên, Tỉnh ủy, Hội đồng bhap bini, Ủy ban bhap bini, Ủy ban Mặt trận negar  Việt Nam tỉnh Tây Ninh peih bruk truy điệu song an táng 344 talang liệt sỹ urang lin halan hatain  VN klak rup di CPC song 7 talang liệt sỹ duah mboh  dalam tỉnh. Meng thun 2000 mbiah tal ni, tapa 15 mbang duah talang liệt sỹ di negar CPC, Jabat chức năng tỉnh Tây Ninh song quân khu 7 patom mek hu 3.881 talang liệt sỹ, ba mai dar di taneh kubo liệt sỹ Đồi 82 huyện Tân Biên, tỉnh Tây Ninh. 

# Thun bac barau, gah pato megru ban raya HCM brei peih praong ralo sang khik uranaih brei ka anek kambuan urang ngak, abih di nyu nan lac daong khik anek ka dom urang ngak tăng ca. Urak ini, ralo urang ngak daok kham merat payua anek di dom sang bac tư, nhóm uranaih baoh sang, yaom lac jien biak glaong. Amuk Nguyễn Thị Thu, phaok akaok UB bhap bini ban raya HCM hu pandar gah pato megru ban raya brei hu sarak lagaih ngan saong gru pato khik iek uranaih langiu mong, min oh lui dom amaik ame saong urang ngak đóng ralo jien. Taphia di nan, gah pato megru brei pambuak saong dom khu công nghiệp – khu chế xuất, ieu ralo doanh nghiệp daong jien payua anek di urang ngak tăng ca.

#/ Tổng công ty cổ phần Thủy tinh song Gốm xây dựng (Viglacera CTCP) hu peih bruk padang ngak sang mac sứ Viglacera Mỹ Xuân di Khu công nghiệp Mỹ Xuân A, huyện Tân Thành, tỉnh Bà Rịa –Vũng Tàu. Sang mac ngak sứ vệ sinh cao cấp Viglacera Mỹ Xuân padang ngak samu gauk song hu padang di mblang taneh prong 50.155 m2, ngak hu 750.000 pandap dalam sa thun. Dự án hu yaom jien ngakabih tih labaih 481 tỷ đồng, song tui kuhria hu ngak salah bloh hadei di 9 bilan padang ngak

# Tui ong Võ Văn Tám, Phaok Giám đốc Sở Lao động Thương binh saong Xã hội tỉnh Vĩnh Long, meng ini tal puac thun 2016, dalam taneh ia saong lingiu negar caong hu ralo urang ngak. Tỉnh daok pataom tame pilih ruah urang ngak hu tay nghề saong ilamu chuyên môn kỹ thuật. Meng akaok thun tal ini, tỉnh Vĩnh Long hu ba bruk ngak ka labaih 14.900 urang ngak, meblah labaih 78% bruk dalam thun, dalam nan urang ngak nao ngak bruk di negar langiu lac 538 urang, ralo meng lac nao dom taneh ia châu Á.

#/ Tui mban bangsa tỉnh Kiên Giang, bilan hè thun 2016, dom puk palei dalam tỉnh hu peih 297 tal pato sap Khmer ka 7.325 sư sãi song anek taco mik va bangsa Khmer. Dom tal bac ni hu peih tabiak di dom puk palei hu rilo mik va urang Khmer daok, yau Giang Thành, Hòn Đất, Châu Thành, Giồng Riềng, Gò Quao,ban sit Hà Tiên song ban Rạch Giá. Langiu di dom sang bac phổ thông song sang bac bangsa gam bac gam dok,dom tal bac sap Khmer rilo meng hu peih di dom baha Phật giáo Nam tông Khmer dok dalam tỉnh, gru pato di tal bac lac dom ong bhik, à cha, urang hu angan je dalam mik va bangsa naih sap Khmer .

Patui di ini dom khau tin dunya:

#  Đặc phái viên Liên hợp quốc ka Xyri, ong  Sta-phan Đờ Mi-xtu-ra brei thau hu ieu pataom sa vòng ginum meyai sron mbon barau ka Xyri di puac bilan 8 tal. Brei panuac anek báo giới hadei di mbang taom mbaok  đặc phái viên Mỹ ka Xyri  Mai-cơn Rát-nây saong Thứ trưởng Ngoại giao Nga Gen-na-đi Ga-ti-lốp, ông Mi-xtu-ra oh khan cambaih tukvak vòng ginum meyai barau ini, min brei thau lac dom taneh ia ba tabiak jalan sron mbon Xyri Nga saong Mỹ brei kham merat jang dalam dom harei tal.

#/ Rajaei Thái Lan jia lac abih tih brah đấu thầu 3,81 triệu tấn dalam bilan 7/2016 oh ảnh hưởng tal yaom brah dalam taneh ia. Dalam nan, 2,18 triệu tấn brah hu pablei ka dom DN dalam negar song nhà xuất khẩu hu pambuak bruk pablei salih song negar langiu tui bruk ba tabiak tuk camereip, 1,63 triệu tấn brah hu pabak di mbang đấu thầu dalam mbang ni/.  

#/ Urang ngak praong Braxin harei ini brei thau, cảnh sát taneh ia ini barau cap kreik sa urang hu pambuak tal kokl IS, âm mưu taong tame thế vận hội bilan hè Ô-lim-píc 2016 hu rah tabiak meng harei 5/8 tal harei 21/8 tal di Ri-ô đơ Gian-nê-rô. Ini lac urang medil puac di abih hu pambuak tal sa kapul daong IS hu 12 urang. Dahlau di nan, gah an ninh hu cap kreik 10 urang medil lac khủng bố di ralo bang di taneh ia ini. Urang ka 11 pametai rup eng tuk cảnh sát taong tame./.