1 # Harei 1-8, di Hà Nội, njauk di tuk pahadar  88 thun harei  meng kan gah Tuyên giáo di  Đảng (1-8-1930 - 1-8-2018), Tổng Bí thư Nguyễn Phú Trọng hu mai rivang song ngak bruk song Ban Tuyên giáo Trung ương. Brei panuac di var ngak bruk,  Tổng Bí thư Nguyễn Phú Trọng ndom lac, anak meta, gah tuyên giáo njauk biak sangka tal bruk ngak di  mạng xã hội, Internet ngan song  xã hội; peih ngak samar jang bruk  quy hoạch báo chí. 

2# Rilo bruk pandiak hu ba tabiak di mbang Họp báo thường kỳ bilan 7 kayua jabat rajaei peih ngak di bair harei kabroi di Hà Nội. Mbang nyaom kayua akaok mintri, Chủ nhiệm jabat rajaei, urang brei panuac rajaei Mai Tiến Dũng dang akaok. 

- Ndom ka bruk ngak suan di mbang pakacah THPT negar barau blaoh di tỉnh Sơn La urak ini daok gaok kan kandah dalam bruk bayan điểm gốc ka thí sinh, Thứ trưởng mintri pato megru Nguyễn Hữu Độ brei thau: bruk di Sơn La hu mintri Công anba tangin tame ngak catang. Tui nan, urak ini mintri Công an hu ba dom pandap barau piah ramik pasiam dữ liệu gốc, mintri pato megru meda maong tame bruk dut iek di mintri Công an piah hu jalan langyah siam, piah khik caga công bằng ka dom  thí sinh. 

 – Javap jalei puac di mbang nyaom nan ka dom bruk langyah patui di nan ngan saong  trung tướng Bùi Văn Thành song  thượng tướng Trần Việt Tân, urang brei panuac di rajaei  Mai Tiến Dũng brei thau:  Tui jalan langyah  hành chính, meng bruk  brei padeih abihh  chức vụ dalam Đảng, padeih ngak Ủy viên Ban Chấp hành Đảng mintri Công an Trung ương, ong Trần Việt Tân oh dok ngak Thứ trưởng mintri  Công an. Dreih yau nan, ong Bùi Văn Thành oh dok ngak Thứ trưởng mintri Công an.  Ngan Song dom chức vụ Tổng cục trưởng song  Phó tổng cục trưởng dahlau di nan di  ong Thành, thẩm quyền quyết định di Thủ tướng song akaok mintri Công an. Daok bruk giáng cấp hàm ngan song 2 ong Tân song ong Thành lac  thẩm quyền di akaok negar yau nan ye Ban cán sự Đảng Chính phủ hu pok tagok akaok negar quyết định. Akaok mintri  Mai Tiến Dũng brei thau, Bruk ni dok hu peih ngak tui njauk jalan ngak song samar pathau khan piah ka bhap bini thau . 

3 # "TP.Hồ Chí Minh  thau lac khin  patagok samar brei hu anek menuac. Ban raya jeng daok pasang iek brei trun biên chế saong meda pilih ruah dom menuac  naih gheih, hu ilamu, thau sahneng duah saong khin ngak piah ba tame ngak dom bruk praong piah daong jhul  KT patagok "- nan lac asal kadha bo ong Nguyễn Thiện Nhân, Ủy viên Bộ Chính Trị, Bí thư Thành ủy TPHCM ndom tal dalam nyom biai sơ kết bruk dak padang Đảng 6 bilan akaok thun saong ba tabiak jalan ngak ka  6 bilan puac thun di Thành ủy TPHCM rah tabiak harei 1.8 hu mbaok di ong Phạm Minh Chinh, Ủy viên Bộ Chính Trị, Bí thư Trung ương Đảng, Trưởng ban tổ chức Trung ương. Anak bruk biên chế di ban raya daok praong tabiak, dalam tuk dalam taneh ia daok trun hu labaih 2% dalam thun bloh, ong Phạm Minh Chính hu panuac caong  TP HCM njauk khoán quỹ lương ka dom urang ngak bruk oh chuyên trách pakat xã, phường

          Patui di ni dom khau tin dunya:

          4 # Urang vak di rayo sap ndom VN dok di  Bắc Kinh, Trung Quốc brei thau: Beir harei kabroi (1/8), di  huyện Huệ Đông, ban  Huệ Châu, tỉnh Quảng Đông  rah tabiak sa mbang radeih ginuh gauk trak ngak ka  9 urang metai song  2 urang njauk rambuac. Tui panuac khan, radeih đầu kéo dui tui radeih  srau bê tông peih nduac tui jalan huyện Long Môn tal huyện Huệ Đông njauk klaoh talei dui ngak ka radeih  srau bê tông kateik tagok 2 radeih ô tô peih tui sa jalan, ba tal mbang bala biak trak nan. Tal mesup harei ni (2/8) labik jalan rah tabiak bala nan hu brei radaieih peih nao mai veik 

  5 # Cảnh sát Nga bahrau chap 4 urang dalam  nyaom nhạc Pussy Riot dom minite hadei di tuk dom urang nan hu palao tabiak truh guk. Sa urang di nyaom klah rabha di angaok  mạng xã hội makna lackapul njauk cap kreik  kayua  ngak suan hukun pataom rilo menuac urang di labik  công cộng sa bruk ngak suan hukn . Anak jalan tame trại giam, urang nan  njauk cáo buộc bruk hu biak rilo urang cang nyaom  nhạc Pussy Riot di gah langiu nan lac suan adat  . Dahlau di nan, nyaom nhạc Pussy Riot njauk kết án 15 harei guk hadei di tuk 4 urang nao tame  mblang chaoh blong dalam mbang  chung kết World Cup 2018 di  Pháp song  Croatia dok rah tabiak

     6  # Negar pháp dok rah tapa mbang pandiak bhang dui atah song  nhiệt độ glong kỷ lục dalam dom harei anak tal, ngak kan kandah tal rai duik di bhap bini. Dom sang  máy điện hạt nhân mbuan si brei padeih bruk. Beir harei  01/8, nhiệt độ di rilo labik  tagok tal  38 - 39 độ C song meda tagok glong jang  meng di harei ni, dalam nan hu dom  tỉnh gah merong  song Tây Nam hu nhiệt độ labaih 40 độ C. Tui jabat  khí tượng pakat negar  Pháp, mbang pandiak bhang dui atah ni takik di abih tal akaok adit hadei./.