1/ # Tỉnh Tiền Giang urak ni hu 88 labik glut jaleih tapen krong. Piah khik ka siam ka bruk nao mai, pajeng ba pandap panda song pacang cakak ia sua, urak ni dom pakat karja song bhap bini di bhum glut jaleih peih dom jalan ngak yau pasiam veik ar pacang, caik gom, biển báo… di dom labik “pandiak” song dok rah tabiak bruk glut jaleih.

2/ Di Đà Nẵng, mintri pato megru barau peih nyaom pakacah gru pato joi kadha Giáo dục quốc phòng saong an ninh pakat trung học phổ thông pakat negar thun 2017. Jaik 300 gru pato dom sang bac Trung học phổ thông di 52/63 tỉnh, ban dalam taneh ia hu mbaok tame nyaom pakacah ini. Nyaom pakacah lac tuk piah palih ruah, pok meyaom  gru pato mek hu angan gru pato joi kadha Giáo dục quốc phòng saong an ninh pakat Trung học phổ thông pakat negar; jalan pato saong jalan ngak hu kein lagaih danak dak kadha Giáo dục quốc phòng saong an ninh.

          3/   # Bahrau ni, Viện Y học dân tộc (ban raya Hồ Chí Minh) song Tỉnh đoàn Tây Ninh peih mbang iek ruak, brei pandap ka urang kan kathaot di xã Trường Hòa, huyện Hoà Thành. Kapul hu iek ruak song brei jru saoh ka 300 urang kan. Jeng dalam mbang ni, kapul hu jao brei 250 pok pandap, yaok pok  yaom 300 ribau đồng ka dom urang ruak kan kathaot.Tong abih pok jien 165 triệu đồng, kayua Viện Y học dân tộc song Tỉnh đoàn Tây Ninh dong brei.

4/ Di pasak nyaom meyai tỉnh Hậu Giang, Ủy ban bhap bini tỉnh ini pambuak saong kapul Mỹ thuật Việt Nam peih parang iek mỹ thuật khu vực VIII bhum taneran kraong Cửu Long mbang ka 22 thun 2017. Labaih 200 BLAH rup cih, rup patau di labaih 180 tác giả hu palih ruah piah parang iek saong jao giải. Parang iek mỹ thuật bhum taneran kraong Cửu Long mbang ka 22 di hậu Giang hu parang iek tác phẩm duh ka bhap bini takre nghệ thuật luac tuk rah tabiak saong tamat di harei 16/9.

        5/   # mbang akaok meti di tỉnh Kiên Giang Kapul urang dong urang ruak kathaot  tỉnh Kiên Giang pambuak bruk song sang iek ruak Đa khoa tỉnh Kiên Giang song  Pasak Medic Hoà Hảo ban raya Hồ Chí Minh peih bruk dut iek tầm soát viêm gan virus siêu vi C brei saoh ka urang kathaot, hu rai duik kan kandah di sang iek ruak đa khoa tỉnh. Hu labaih 150 urang kan kathaot, jiak si kan hu dut iek tầm soát brei saoh. Bru kdut iek tầm soát brei saoh viêm gan virus C hu peih ngak  meng ni tal abih bilan 9/2017.

6/ Kadung jien daong uranaih Đồng Nai pambuak saong UB bhap bini ban sit Biên Hòa peih bruk alin hadiah jien bac yam tapa kan kandah bac daa naih joi saong daong pren nao tal sang bac thun bac 2017 – 2018. Tui nan, hu 125 adei anek saih gaok kan kandah dalam ban sit hu alin hadaih jien bac yam tapa kan kandah bac naih joi saong daong pren tal sang bac mbang ini ngan saong yaok paok jien bac yaom meng 1 triệu tal 1 triệu 500 ribau đồng. Ini lac bruk ngak hu makna hu kadung jien daong uranaih Đồng Nai peih bruk alin yaok thun dahlau di thun bac barau.

                 Patui di ni dom khau tin dunya:

          7/  # Dom urang pabak  dịch vụ in-tơ-nét brei thau 2 jalan cáp quang tasik lac Liên Á (IA) song Asia America Gateway (AAG) hu rah tabiak bruk klaoh cáp, ngak ảnh hưởng dung lượng pambuak dunya meng Việt Nam tal Hong Kong (Trung Quốc). Urak ni, labik klaoh di 2 jalan cáp AAG song Liên Á hu duah mbohh, min makna song tuk vak pasiam  bruk nan jeng oh ka hu đơn vị khik ramik jalan cáp brei thau tal dom gah pabak dịch vụ in-tơ-nét di Việt Nam

          8/ Cảnh sát Anh brei thau, labaih 200 urang njauk caong hu bruk daong di dom bác sỹ hadei di tuk njom khí ga di takai tasik di ban Brighton, gah meraong taneh ia Anh. Dahlau nan, cảnh sát puk palei pang hu panuac phàn nàn di bhap bini ka bruk hu aih ngin khí ga di takai tasik, ngak ralo urang daok padeih padai di labik ini njauk pandik meta hong tarakong biak khang

         9/ # Hội đồng Quốc phòng negar Thái Lan brei tapa bruk ba  268 kỹ sư quân sự hu mbaok tame bruk khik ramik siam mekre di  Liên hợp quốc di Nam Xu-đăng. Mintri Quốc phòng Thái Lan tui kuhria hu ba sa đơn vị tiên tiến tal merong Xu-đăng dalam bilan 12 thun ni piah caga ka bruk hu mbaok ginup di  đội quân ni dalam bilan 1 thun 2018. ./.