1# Harei kabroi 2/1, Ủy ban Trung ương Mặt trận Negar Việt Nam haong Hội Nhà báo Việt Nam hu peih ngak dalam praong prang bruk jao Giải báo chí pakat negar “Báo chí haong bruk mesruh pacang caga tham nhũng, palai pajoa” (mbang ka 1). Ong Trần Đại Quang – akaok negar mai pataom mbaok saong brei panuac. Ong Trần Đại Quang hu panuac lac, pacang caga tham nhũng, palai pajoa lac bruk njauk ngak chip, saong lac bruk ngak suai livik di  Đảng, bhap bini saong bol bala drei. Ong Trần Đại Quang brei thau, ini lac bruk kan kandah, njauk kham merat khang, brei ngak siam, ngak gam gam meng pakat negar tal puk palei. 

        2   # Ủy ban bhap bini tỉnh Phú Yên bahrau brei adat rami ramik patagok gah kaya ikan tal thun 2025, pamong tal thun  2030 song yaom jien buh tame ngak abih tih labaih 2.100 tỷ dồng. Tui nan, meng ni tal thun 2020 tỉnh hu buh dahlau jiak  1.500 tỷ đồng piah ngak 13 danak dak prong , daong jhul gah kaya ikan tagok khang kajap .

          3# Tỉnh Đoàn Đắk Nông bahrau peih bruk pok meyaom 50 anek saih, sinh viên bangsa takik bac da-a naih gheih dalam thun bac 2016 - 2017. mBan peih bruk hu alin hadiah 50 Bằng khen ka dom anek saih bac da-a naih joi saong pakacah gam tame dom sang bac đại học dalam taneh ia. Dom sinh viên hu pok meyaom mbang ini jeng hu hatai caong lac, hadei di tuk bac tamat đại học, cao đẳng hu mai veik tỉnh ngak bruk.

          4  #Tui  Liên đoàn Lao động tỉnh Đồng Nai, Tết Nguyên đán 2018, Liên đoàn hu jao 500 harak radeih (yaok harak radeih yaom 1,2 triệu đồng) brei ka urang ngak dom tỉnh gah brak, gah kreih negar nao palei raok Tết; 2.000 pok pandap (yaok pok yaom 500.000 đồng) brei ka dom urang ngak hu rai duik kan kandah . Dom pakat Công đoàn, doanh nghiệp di  Đồng Nai dok kham peih ngak dom danak dak iek glang Tết ka urang ngak. Urang hu brei harak radeih lac urang ngak.

         5 # Di ban sit Long xuyên, tỉnh An Giang, Sang bac Đại học HaWaii, Sang bac Đại học Khoa học Xã hội saong Nhân văn- Đại học Quốc gia TP HCM saong UBND tỉnh An Giang pambuak gauk peih Ginum biai pakat duya "Pambuak pagam Việt Nam- Ginum biai rilo gah" mbang ka 9, hu jaik 400 urang lac dom urang ilamu khoa học song dom chuyên gia gah du lịch mai meng dom viện, sang bac dalam saong lingiu taneh ia, dom urang khik ramik du lịch mai meng dom Mintri, dom gah, dom tỉnh ban bhum taneran kraong CL. Ginum biai ini rah tabiak meg ini tal harei 4/1/2018.

 Patui di ni dom khau tin dunya

         6   # 9 urang guk metai song  14 urang karei njauk rambua, yaok pluh urang guk nduac tabiak truh dalam sa mbang srau kadau rah tabiak di sa sang guk di  Braxin dalam harei akaok thun bahrau.  Tui khau tin di karja  Braxin, hu 106 urang guk nduac tabiak sang guk di ban Goi-a-ni-a (Goiânia), jiak ban ine Bra-xi-li-a ( Brasilia).

         7 # Dom dịch vụ Internet di CHDC Congo hu ngak bruk veik hadei di tuk karja taneh ia ini tabiak bruk cakak dom dịch vụ ini dalam 3 harei patuh tabiak bruk trun jalan phản đối bruk daok kuhria dui atah nhiệm kỳ di Tổng thống Joseph Kabila (Giô-dép Ca-bi-la).

         8  # Urang jakar ngak praong di Hàn Quốc bahrau khan lac, dom menuac padam pui negar ni dalam harei  2/1 padam hu labaih  80% pui khuah di angaok ceik  Xam-gác (Samgak) di  Bu-xan (Busan) hadei di tuk ba tal  13 sruh trực thăng mai padam pui./.