1# Pasak Cứu hộ, khik ramik saong patagok sinh vật, Bein Quốc gia Bạch Mã, tỉnh Thừa Thiên-Huế brei thau, Chi cục Kiểm lâm tỉnh Thừa Thiên-Huế bahrau ba brei ka pasak 1 drei mangiu glai piah palao tame glai veik. Hu thau, drei mengiu glai ini, lac janih athur glai daok biak takik, mbuan si lhik abih, daok dalam nyaom IB, oh brei man pateok, oh brei pablei salih.

2 # Urak ni tỉnh Đồng Nai dok dong ka 2 labik, nan lac ban sit  Long Khánh song huyện Tân Phú padang 46 labik pablei rilaow, njam patam, boh karaoh siam. Tui kuhria tal puac bilan 12-2017, dom labik pablei pandap mbang hacih saat di 4 darak hu ngak salah bloh dom adat hukum song hu peih Tabiak piah pabak ka ka urang blei mbang.

          3# Hare 3/12, di mblang bein Lưu Hữu Phước, quận Ninh Kiều, mBan An toàn giao thông ban sit Cần Thơ pambuak bruk haong dom gah chức năng peih mbaok Harei pataom "bhap bii haong ilamu nao mai angaok jalan" mbang ka II thun 2017. Hu mbaok rilo urang jakar, urang lin, urang đoàn, dam dara, sinh viên, anek saih saong bhap bini ban sit Cần Thơ. Tapa nan, Công ty bảo hiểm nhân thọ Prudential hu alin hadiah 27 pok jien bac brei ka dom anek saih hu amaik ame njauk bala angaok jalan, brei 50 baoh nduan bảo hiểm ka 50 urang pathau khan naih gheih dalam ban sit C. Thơ.

4 # Tui dhar gilang pariak sarak karja tỉnh Tiền Giang, tuk vak 2003 – 2017, hu brei mesraiy labaih 5.718 tỉ đồng ka labaih 640.000 boh sang kathaot song urang dalam sarak karja. Tapa nan, phun jien di gilang pariak hu dong ka labaih 70.000 urang duah hu bruk ngak tani tanat rai duik. 

          5# Sang iek ruak Quân y 120, Quân khu 9 brei thau, bahrau daong paklah metai ka sa urang njauk kakheik kaoh haluh tian, tung pruac tabiak gah lingiu, biak mbuan si metai. Urang patuah hu daong paklah di metai nan lac sa-ai Trần Văn Tú , ndih tapui thun 1980, ngak  thợ mộc, palei daok di ban sit Chợ mới, tỉnh An Giang.  Thạc sĩ, BS Nguyễn Xuân Mích - Chủ nhiệm Khoa Ngoại, Sang iek ruak quân y 120 – urang dang akaok kapul blac raih brei thau: Ini lac bala takik gaok , hu ba samar tal sang iek ruak. Urak ini, urang ruak daok siam veik pren yava saong dak caga hu nao sang.

6 # Hu peih pablei meng harei 15/10, tal harei  3/12, Ga Biên Hòa, tỉnh Đồng Nai hu palbei tabiak 27.060 harak radeih Tết Nguyên đán 2018, tagok labaih 12% dut song tuk vak ni thun dahlau. Urak ni, harak radeih dok biak takik, rilo meng lac dok harak radeih di tuai blei bloh min oh nao song bayar veik. Taeng harak radeih di  hệ thống pablei tabiak tal tuk vak ni oh daok ka  tuk vak tabung glong dahlau song hadei  tết. Harak radeih meng harei  8 tal  13/2 dok dom gaghe  phụ.

          7# Hadei di jaik 1bilan rah tabiak dalam chreih chrai ngan saong dom bruk ilamu, pablei salih, pachreih hu 3,7 triệu mbang menuac sia mai rivang iek, melam ini 3/12, Harei pataom ilamu dunya ban raya Hồ Chí Minh - Gyeongju 2017 peih bruk tamat talaih di Nhà hát Hòa Bình, ban raya Hồ Chí Minh. Harei pataom ilamu dunya Gyeongju hu rah tabviak ngan saong kadha “Taom gaok ilamu brei ka 1 châu Á kaya meda”. Meng nan nyu jhul patagok talei pambuak bruk, thau gauk jang di dua taneh ia Việt Nam - Hàn Quốc jeng yau dom taneh ia karei di dunya. 

           Nhạc cắt

Patui di ni dom khau tin dunya:

8 # Di tỉnh Xiêm Riệp, Campuchia hu peih bruk taduan mek dom inem krung ngak meng meh njauk lahik dalam dom thun mesruh metak. Dalam dom thun jiak di ni, rajaei Campuchia  jeng duah mboh rilo inem krung hu parang pablei grauk labik di dunya, rilo meng lac dom negar  châu Âu song  châu Mỹ. Dom inem krung tuk duah mboh hu Campuchia ngak harak gar patom mai. 

          9# Labaih 420 ribau baoh gom angaok jalan atah 2,2 km hu truac hadah meng menyek mbang labaih hu pataom mek meng dom nhà hàng saong dom baoh sang bhap bini dalam bhum. Tui pathau khan di Mintri ngak nong, ngak glai saong ngak ikan thun 2014, hu labaih 45 triệu tấn menyek mbang hu pablei di Tô-ki-ô, Nhật Bản , dalam nan hu 9 tấn hu pandar dalam dom sang bhap bini. Piah duh ka bruk truac hadah bingu anh đào ini, yaok thun, labaih 5.400 lít menyek mbang hu pataom mek meng dom nhà hàng saong dom sang bhap bini daok tapen kraong./.