1# Harei 3/1, Hội Chữ thập đỏ  negar Việt Nam peih bruk taom gaok báo chí brei thau ka danak dak papar binguk tapak "Pren khang ngak pahala" ngan saong kadha "Tết ka urang kan kathaot saong urang njauk jru mek klik kruac" Xuân Mậu Tuất 2018.  Ini lac danak dak yaok thun di Hội piah ieu bruk rik daong di dom gah, dom doanh nghiệp, dom urang ngak pahla tame daong ka urang kan kathaot mbang Tết.

            2  # Tui kuhria, dalam tuk tết Mậu Tuất 2018, palei bingu Bình Kiến, ban Tuy Hòa, tỉnh Phú Yên hu pabak ka darak pasa  labaih 10 phein bingu, dalam nan hu labaih 2/3 lac phein bingu mai. Bingu hu pablei tabiak langiu tỉnh, rilo meng lac dom tỉnh Tây Nguyên song dom  tỉnh, ban gah merong. Urak ni, yaom mai Tết (janih mai oh ka cakak hala) tui thun pala meng 4 thun tagok hu yaom meng 500 ribau - 1 triệu đồng/ sa phein

         3 # Dom harei akaok thun bahrau 2018, urang nong tỉnh Ninh Thuận chreih chrai lô tuk  yuak padai, kayua thei jeng hu laba. Meng năng suấthu 6,5 tấn/ha, yaom pablei 4.800 đồng/kg padai pasah saong 5.700 đồng/kg padai thu, urang ngak nong duah hu meng 30 - 37 triệu đồng/1 ha; tui nan laba hu jaik meteh

         4  # Meng thun 2018 tal thun  2020, dalam asal kadha di Đề án Y tế palao tasik, tỉnh Bà Rịa -Vũng Tàu  pataom tame peih ngak dom bruk: paglaong ilamu pacang caga ruak nghề nghiệp, jit ruak ka bhap bini , urang ngak bhum palao tasik . Langiu di nan, tỉnh hu peih ngak  dom kỹ thuật ngoại khoa samu song sang iek ruak ka  2; peih bruk dong y tế meng atah (sang iek ruak Bà Rịa tal pasak Y tế Quân dân y Côn Đảo) 

          5# mBan khik iek inem krung ilamu Óc Eo tỉnh An Giang, Viện Hàn lâm Khoa học xã hội Việt Nam pambuak bruk haong UBND tỉnh An Giang peih ginum biai tuk camereip ka bruk kuac rok roh duah labik inem mek khảo cổ học Óc Eo-Ba Thê. Ilamu Óc Eo hu meng labaih 2 ribau thun dahlau di bhum taneh Tây Nam Bộ, brei mboh bruk patagok di văn minh menuac sia daok di bhum Đông Nam Á. 

Nhạc cắt

          Patui di ni dom khau tin dunya

 6  # Harei 3/1, 2 urang di Nhật Bản metai song dom urang karei dok dalam  kan kandah mbuan si metai hadei di tuk gar pandap mbang kayua  mbang har mô-chi (mô-chi). Mbang mô-chi song gar har ba tal metai lac sa bruk bhian rah tabiak di  Nhật Bản yaok thun, dom  dịch vụ khẩn cấp di Nhật Bản hu panuac kakei urang brei kaoh har jeng dom candiah sit jang song mbang nyu dalam suia lavik 

         7 # Tapa duah thau hatai sahneng di menuac sia kayua sang bac Đại học Băng-cốc (Bangkok) peih ngak, rilo menuac Thái Lan caong Rajaei di Thủ tướng Pra-dút Chan-ô-cha (Prayut Chan-o-cha) pataom tame jhul patagok kinh tế dalam thun 2018. Bruk duah thau nan hu jaik 1 nghìn 200 menuac, umo meng 18 thun, daok ngak dom bruk karei di gauk, piah duah thau ka hatai sahneng di bhap bini ka dom caong khin ngan saong Rajaei di Thủ tướng Pra-dút dalam thun 2018.   

8 # Harei  3/1, sa sruh kapan haoh mesruh  MiG-29K di  lin tasik  Ấn Độ laik trun di sa mblang kapan haoh  di  bang Goa, gah pai negar Ấn Độ.Tui sa urang jakar ngak praong di bol lin , boh kapan haoh hadei di tuk par tagok meng mblang kapan haoh Đa-bô-lim (Dabolim) njauk pui khuah. Biak patuah phi  công chat tabiak hu dahlau di tuk kapan haoh laik trun       haluk 

Hanipha/VOV-TPHCM