1 # Dalam mbang padeih hè ini, Sở Pato Megru, dom tỉnh, ban ba tabiak bruk ngak jaman, pasiam jaman ka anek saih dom pakat bac. Ini lac tacei pato di Thủ tướng Nguyễn Xuân Phúc dalam mbnag nyaom rajaei bilan 4. Thủ tướng tacei brei ngak piah palahik bruk sang bac oh hu jaman oh siam ka pren yava anek saih, oh daok hu bruk anek saih oh khin menyum ia kayua mboh jaman njom nerak tachauk.

            2   # Melam 3/5, Harei pataom papar sap pakat negar mbang ka 13 kayua rayo sap ndom Việt Nam pambuak bruk song rayo papar sap papar  binguk  Nghệ An peih tabiak di ban Vinh. Mai pataom mbaok hu  Ủy viên mintri Chính trị, Phó Thủ tướng Vương Đình Huệ, dom  Ủy viên trung ương Đảng song lambaok dom mintri  , dom ban, dom gah trung ương. Ni lac tuk piah ka dom urang  ngak rayo papar sap pataom mbaok song klah rabha ilamu ka dom tác phẩm papar sap biak gheih, klah rabha dom ilamu ka bruk ngak, pambuak bruk  sản xuất, duah jalan nao bahrau ka  papar sap dalam tuk vak tagok khang công nghệ thông tin. 

          3# Tukvak tapa, di ralo tỉnh ban dalam taneh ia hu bruk urang loa  jak ba suan hukum ka  “Hội Thánh Đức Chúa Trời” mboh oh siam lagaih, jak ba bhap bini, abih di nyu nan lac anek saih, sinh viên tame, ngak srau kadau puk palei. Anak bruk nan, Sở Thông tin saong Truyền thông ban Đà Nẵng bahrau hu harak payua dom gah pambuak tal piah pambuak bruk pathau khan ka bruk ngak di kol ieu lac “Hội thánh Đức Chúa Trời”. Sa-ai Nguyễn Đức Tiến, Trưởng Ban Công tác sinh viên Đại học Đà Nẵng brei thau:

          (Đại học Đà Nẵng hu harak payua dom labik pato megru đại học thành viên saong dom dhar kapul di Đại học Đà Nẵng piah paglaong hatai saheng di sinh viên, pacang cakak bruk njauk urang pachot dui tame dom kapul, nyaom suan hukum, jhak tal bruk bac da-a di dom adei.

         4  # Dalam bilan  urang ngak thun ni , Công đoàn tỉnh Bình Dương hu panuac ieu dom doanh nghiệp dalam tỉnh kham merat iek glang siam jang rai duik mbang ngui dok dang ka urang ngak. Tapen di nan, gah Công đoàn pambuak bruk peih ngak siam dom bruk ngak piah pasiam labik ngak bruk, nao ravang urang đoàn, urang ngak hu rai duik kan kandah, peih bruk ndom nyai nao mai di urang pal akaok doanh nghiệp song urang ngak , peih bruk pathau khan adat hukum ka urang ngak di dom doanh nghiệp.

          5# Pasak roh duah pablei salih saong daong doanh nghiệp (BSA) brei thau, meng kreh bilan 6 thun ini meda pambuak bruk saong dom mban ngành dalam ban sit Cần Thơ  peih "Phiên chợ xanh tử tế", di pasak peih bruk pablei salih saong nyaom darak parang iek Cần Thơ. Ini lac labik pambuak urang ngak kaya nong hacih, siam haong darak pasar yau ye Global Gap, VietGap; lac tuk piah ka urang ngak nong di dom hợp tác xã saong nông trại dalam ban ba dom kaya nong siam, hacih mai yaih khan tal urang blei mbang

         Patui di ni dom khau tin dunya:

6 # Harei  3/5 cảnh sát Đức hu tong tame  khu lều bạt di urang  nhập cư , kayua dahlau di nan 3 harei urang  tỵ nạn taong gauk song  cảnh sát tuk pacang veik bruk trục xuất sa urang likei nhập cư umo 23 thun. bruk gaok gauk  di ban  En-oan-gen (Ellwangen) harei 30/4  hu  cảnh sát mboh lac “biak bạo lực” song bruk ni ngak huac kanda ka  khả năng hòa nhập xã hội di labaih 1,6 triệu urang di cư tal  Đức kuhria meng di thun 2014.

          7# Liên hợp quốc harei kabroi brei thau, 5 triệu menuac  bhum Sa-hen ( Sahel) di Tây Phi njauk daong pandap mbang menyum dalam dom bilan anak tal hadei di mbang pandiak bhang meng bloh. Dom quĩ cứu trợ urak ini oh ginup piah pacang cakak sa bruk eik lipa dalam bhum. Urak ini danak dak lương thực dunya, Quĩ Nhi đồng Liên hợp quốc saong Gah Nông lương Liên hợp quốc hu panuac ieu daong 676 triệu đôla Mỹ  iah daong ka bhap bini dalam bhum

8 # Dom chuyên gia y tế harei kabroi  brei thau, sa bilan hajan meda ngak  ka Yê-men dang anak bruk mbuan tamuh jit  iak chraoh bahrau .Labaih 1 triệu mbang medhil ruak iak chraoh di  Yê-men meng di thun  2016, ngak ka labaih  2 ribau urang metai. Bilan hajan di  Yê-men dui atah meng kreih bilan  4 tal puac bilan 8. Liên hợp quốc brei thau , hu  22 triệu dalam  25 triệu urang di  Yê-men njauk dong pahla  ./.

                                                                                               Hanipha/VOVTPHCM