1./ Cục Văn hóa Cơ sở - Mintri ilamu, Thể thao saong Du lịch pambuak bruk haong Sở Ilamu, Thể thao saong Du lịch tỉnh Quảng Ngãi peih harei pataom pathau khan nao mai pahadar 70 thun harei Thương binh - Liệt sĩ. Hu mbaok tame harei pataom, hu labaih 300 urann pathau khan di 17 tỉnh, ban bhum gah meraong. Dom kadha daoh tamia di harei pataom mbang ini pataom tame pahadar dom anh hùng liệt sĩ ndih trun ka bruk peih paha bangsa, khik caga taneh ia, pok meyaom dom kreih camin hadah ngak siam bruk thau dar, thau phor.

            2./  Sở Y tế Sơn La hu peih bruk blai dreih pahla ka 200 uranaih jaoh jo  di tỉnh. Danak dak hu peih ngak kayua dom  bác sỹ, phẫu thuật viên, điều dưỡng 7 khoa chức năng di sang iek ruak đa khoa tỉnh song 10 bác sỹ sang iek ruak tuyến trung ương. Dom kamuan umo ala 16 thun njau kdom ruak hàm mặt yau: sluak cambuai, hở hàm ếch song dom ruak dị tật vận động, tiết niệu, ung bướu...hu blai dreih saoh .Danak dak hu peih ngak meng ni tal harei  7/7 di sang iek ruak đa khoa tỉnh Sơn La. 

.         3./ Harei 3/7, công ty TNHH MaiCo, phường An Phú, ban sit Thuận An, tỉnh Bình Dương pambuak bruk haong Hội Chữ thập đỏ tỉnh saong pasak brei darah sang iek ruak Chợ Rẫy , ban raya Hồ Chí Minh peih bruk brei darah halan hatian. Hu labaih 500 urang tut angan tame brei darah. Tapa nan, pasak tame darah sang iek ruak Chợ Rẫy taduan hu labaih 208 đơn vị darah samu 72.800ml darah.

         4./ Sở ngak nong song patagok palei pala tỉnh Đồng Nai brei thau, urak ni dalam tỉnh hu 79 trang trại rong glang hu harak brei angan lac rong glang siam tui jalan (VietGAHP), dalam nan hu 25 trang trại rong menuk , 53 trang trại rong pabui song 1 trang trại rong limo.Tỉnh hu  489 cơ sở hu brei harak giấy chứng nhận cơ sở hacih saat, 2 bhum siam oh hu jit ruak song 2  bhum siam oh hu jit ruak menuk ada song Newcastle di tapon athur rong di dom huyện Thống Nhất song Trảng Bom.

            5./ Tỉnh đoàn Kiên Giang tabiak bruk dam dara halan hatian hè 2017 ngan saong kadha “Dam dara Kiên Giang ba gauk tame padang ngak palei pala bahrau saong đô thị văn minh”. Bruk dam dara halan hatian hè thun ini pataom tame ngak dom bruk di dom labik yau bhum bãi ngang tapen tasik saong pulao kaoh, bhum kan kandah, labik daok saong labik bac da-a di dam dara, dom pulao di tỉnh.

   6./  Tui ong Nguyễn Chí Công, Akaok Chi cục hacih saat pandap mbang tỉnh An Giang brei thau tal beir harei 2/7, 605 bệnh nhân lac urang ngak Công ty TNHH An Giang Samho, khu công nghiệp Bình Hòa, huyện Châu Thành, Tỉnh An Giang njauk jru mek pandap mbang pren yava tani tanat song gilac mai sang, mbang njauk jru mek oh hu urang halei metai atau nguy kịch. Jang yau Chi cục An hacih saat pandap mbang tỉnh An Giang hu payua mẫu dom mẫu pandap mbang song mẫu iamek di labik rah tabiak payua ka pasak  Y tế dự phòng tỉnh dut iek.

         7./ Sở pato megru ban raya Hồ Chí Minh brei thau điểm chuẩn tame tal 10 di dom sang bac trung học phổ thông công lập dalam ban. Njauk yau sahneng mboh dahlau di rilo menuac, thun ini, điểm chuẩn tame 10 công lập di ban raya Hồ Chí Minh trun biak rilo. Sang bac hu điểm chuẩn glaong abih dalam thun ini di ban raya Hồ Chí Minh lac sang bac Trung học phổ thông Nguyễn Thượng Hiền mek 40 điểm. Patui di nan lac sang bac Trung học thực hành Đại học Sư phạm ban raya phố Hồ Chí Minh mek 39,25 điểm, Sang bac Trung học phổ thông Bùi Thị Xuân mek 37,75 điểm, sang bac Trung học phổ thông Nguyễn Thị Minh Khai mek 36,75 điểm… Thun ini, điểm chuẩn dom sang bac top angaok trun meng 1 tal jaik 3 điểm duk saong thun dahlau. 

           Patui id ni dom khau tin dunya:

          8./ Labaih sa meteh dalam 55 negar thành viên Liên minh châu Phi (AU) dok dang anak bruk eik lipa trak .Tui pathau khan “Chỉ số urang eik lipa di dunya di labik châu Phi” hu khan bahrau ni , yaom lac eik lipa hu patrun di châu Phi meng thun 2000, song dom negar jeng dok kurang padai brah  di tanut glong

          9./ Takik di abih 9 urang njauk rambus hadei di tuk sa sruh radaih xe hơi ginuh tame sa tapon menuac nao takai di gah pai ban Bót-xtần, mbang Ma-xa-chu-xét, Mỹ. Tui urang jakar pak nan, ini lac sa bala radiah peih. Yaom lac ini sa bala radaih paoh, min tanut báo động khủng bố hu jhul tagok kayua taneh ia Mỹ daok caga peih bruk pahadar harei Quốc khánh di harei 4/7 saong abih di nyu nan lac hadei di dom bruk tấn công khủng bố meng radaih ginuh tame menuac nao takai di châu Âu bahrau ini.

10./  Cảnh sát Đức tagok dom mbang tui iek tapen jalan negaranak nyaom biai pakat glong di nyaom dom gah kinh tế tagok song bahrau tagok di dunya  (G20), tui kuhria hu rah tabiak dalam 2 harei 7-8/7 anak tal di ban  Hăm-buốc (Hamburg), Đức. Dom bruk tui iek ka jalan tapen negar biak khang kajap piah cakak dom bruk đe dọa tiềm ẩn meng bruk nhập cảnh./.