1 # Ga Đà Nẵng bahrau hu buh brei labaih 3 tỷ đồng piah pasiam veik, piah duh ka tuai damuai tuk Tết Nguyên đán Mậu Tuất. Hu thau,, Ga Đà Nẵng jeng hu Tổng Công ty Đường sắt Việt Nam buh brei jamriak pasang iek harak radaih automatc saong meng akaok bilan 1/2018, hu lisei huak brei saoh ka tuai nao radaih.

 2 # Công an huyện Ngọc Hồi, tỉnh Kon Tum hu peih bruk am cuhk lak labaih 1 tạ pháo song rilo janih karei di gauk. Ni lac pandap kayua kapul Cảnh sát khik ramik hành chính ka trật tự xã hội- Công an huyện Ngọc Hồi, tỉnh Kon Tum chap mek hu dalam tuk nao khik iek dalam tỉnh. Tong abih pháo nan hu ngak meng Trung Quốc. Hu thau dahlau di nan, Công an huyện Ngọc Hồi hu am cuh klak labaih  7 tạ pháo patuh.

3# Tal tukvak ini, dom bein pala thanh long di Bình Thuận daok  pataom tame iek glang thanh long, caga pablei Tết Mậu Tuất 2018. Piah caga baoh pablei Tết, ông Lê Minh, urang ngak nong palei Trũng Liêm, xã Hàm Chính, huyện Hàm Thuận Bắc, hu truac pui meng 2 bilan dahlau, urak ini baoh hijao praong nde kapuak tangin. Ong Minh iek glang tani tanat, pruh ia, buh khak siam lagaih piah ka baoh thanh long nyu mekre siam, pablei tabiak hu negar lingiu dalam tuk  Tết jaik tal

       4# Thun ni, tui kuhria ban raya HCM hu sa kapul  pambuak bruk 5.000 urang piah dong ka bruk pacang caga ruak pandiak tabiak darah dalam ban. Gah  y tế ban raya HCM tong yaom, yaom lac thun ni , jit ruak pandiak tabiak darah hu avar jang dom thun dahlau sa bilan, min ban raya peih ngak dom mbang pametai lăng quăng, xử lý sruh jit, tong  phạt hành chính dalam bruk pacang caga pandiak tabiak darah nan ye pacang hu bruk tagok ruak, beir  jang rilo dut song tabung glong jit ruak dom thun dahlau.   

         5 # Biar harei 4/1, 2 mintri Công Thương saong jien padai brei tagok yaom dom jnaih menyek, meng 253 đồng tagok 495 đồng sa  lít, sa kg saong khik tamo yaom xăng pablei rai. Gah điều hành jeng khik tamo yaom jien kaoh tabiak piah padang kadung jien khik tani tanat yaom xăng menyek ngan saong dom jnaih xăng menyek yau urak ini.

            Patui di ni dom khau tin dunya

 6 # Harei  4/1, sa ribuk bilan liar khang hu  nhiệt độ biar jang ia patau ngak ka labaih 200 mbang par di  Chi-ca-gô (Chicago) negar  Mỹ klak abih .Mblang kapan haoh dunya  Chi-ca-gô Ô-he (Chicago O' Hare) klak abih tih 180 mbang par, dalam tuk nan mblang kapan haoh Mít-uây (Midway) jeng klak labaih 50 mbang par.

7# Tui kuhria mboh bahrau di abih, dom urang metai kayua bala radaih pui harei (4/1) di tỉnh Phri Xtết (Free State), Nam Phi tagok tal 14 urang, dalam nan hu jaik 100 urang karei njauk rambur. Bala nan rah tabiak tuk radaih pui ginuh tame sa sruh radaih pajeng pandap di labik daok kreh ban sit Hen-nen-man  (Hennenman) saong Crun-xtát  (Kroonstad), ngak ka 1 toa radaih khuah, rilo pandap laik taparah  tapen jalan.

             8 # Cơ quan Cảnh sát negar Nhật Bản brei thau, dalam thun 2017, urang metai kayua radeih phaoh gauk di negar ni trun tal tanut biar di abih song ala  3.700 urang. Tui tong yaom di Gah Cảnh sát negar Nhật Bản, yaom lac urang metai kayua radeih phaoh gauk hu patru, min urang umo prong metai kayua radeih phaoh gauk di ở Nhật Bản dang di tanut glong (hu labaih 55%)./.

                                                                           Hanipha/VOVTPHCM