1# ndom ka bruk ngak suan gah khik iek rừng, Phó Thủ tướng Thường trực Trương Hòa Bình jao ka mintri ngak nong saong patagok palei pala dang tabiak pambuak bruk haong dom mintri, dom gah, dom tỉnh ban patagok bruk pasang iek ngak tuii adat hukum khik caga saong patagok glai, langyah catang dom bruk ngak suan. Phó Thủ tướng pandar UBND dom tỉnh langyah catang bruk ngak suan di dom kapul nyaom, menuac urang caik rah tabiak bruk jah tak glai, palai pajoa glai ngak pandik hatai menuac sia dalam tukvak tapa. Pathau khan tagok  Thủ tướng Chính phủ thau dahlau di harei 31/5/2018.

2   # Yaom lac langik siam lagaih min bruk lac ngak njauk ye laik yaom daok ngak ka rai duik di urang ngak sara  di  tỉnh Phú Yên  laik tame kan kandah tuk yaom sara daok 600 đồng/kg min. Kayua yan nan ye, piah tani tanat rai duik rilo taneh sara njauk klaak saoh atau urang ngak sara pasiam veik piah salih tapa rong pala kaya ikan. Kayua sara laik yaom khang, nan ye thun ni taneh ngak sara di rilo huyện dalam tỉnh trun dok labaih 130 ha. Taneh dok veik urang ngak sara klaak saoh atau pasiam veik ngak danao rong dom janih kaya ikan 

3# Di Ninh Thuận daok tame bilan yuak padai Đông Xuân 2017-2018 ngan saong ralo siam mekre ka urang ngak nong. Padai pala njauk, hu 7,5 tấn/ha, yaom pablei glaong, jaik 5.800 đồng/kg padai thu. Tui kuhria, padai vụ ini, urang ngak padai hu laba labaih 20 triệu đồng/ha. Ini lac bilan padai kein laba di abih kuhria meng dahlau mai di Ninh Thuận.

4 # Dhar kapul dam dara Thiện Tâm, xã Phước Thiền huyện Nhơn Trạch, tỉnh Đồng Nai  bahrau peih danak dak  “Daong pren tal sang bac – Klah rabha anit ranam” di  2 huyện: Thăng Bình song  Bắc Trà My (tỉnh Quảng Nam). Dalam danak dak, dhar kapul dam dara  Thiện Tâm hu alin  780 pok pandap ka anek saih, bhap bini hu rai duik kan kandah di labik ni saong yaom jien  abih tih lac labaih 270 triệu đồng. Tong abih  yaom jien peih ngak danak dak kayua dhar kapul jak ba meng urang hội, dam dara song dom urang ngak pahla rik dong.

5# Tỉnh Kiên Giang daok patagok dom jalan ngak piah pacang caga jit ruak hadang raong, khik caga siam mekre, khik kajap bruk ba tabiak dalam thun 2018 lac palao raong 123.000 ha, sản lượng 69.000 tấn hadang. Tui nan, gah thủy sản tỉnh Kiên Giang pato pasram ilamu raong hadang saong pacang caga jit ruak ka urang nong daok di dom bhum raong hadang praong, bhum hu jit ruak, bhum bahrau salih tapa raong atau raong veik

Nhạc cắt

          Patui di ni dom khau tin dunya :

          6# Patau Campuchia Norodom Sihamoni (Nô-rô-đôm Xi-ha-mô-ni) bahrau dang tabiak peih Lễ tịch điền di ban Svay Rieng (Xvay Riêng), dalam  tỉnh Svay Rieng, atah di ban ine  Phnom Penh labaih130 km mai gah pai. Ni lac  lễ hội pakat negar yaok thun di  Campuchia, brei mboh bruk salih bilan meng bilan thu tapa bilan hajan song yam tame bilan pala drak di bhap bini Campuchia.

          7# Karja Palestine cakak trun 20% jien bilan saong oh ka bayar jien bilan ka urang jakar ngak bruk di Dải Gaza (Ga-da). Jaik 38.000 urang jakar di labik ini oh ka taduan hu jien bilan yaom lac tal harei mek jien bilan. Dom urang jakar jeng daok caong mek jien dahlau di tuk tame bilan eik Ramadan di urang Islam, lac meng harei 16 bilan 5 ini.

         8  # Mintri Ngoại giao Đức hu panuac ieu urang jakar  Armenia song gah  đối lập samar duah sa jalan siam mekre sron mbon song hukum negar ka bruk khủng hoảng chính trị urak ni, meng bruk hu mbaok tame ginum biai, peih talaik piah samar padang tabiak sa rajaei bahrau.  Mintri  Ngoại giao Đức khan lac  Berlin tuk halei jeng pachreih tui  Armenia dalam bruk kham merat padang ngak sa  xã hội dân chủ./.

                                                                                       Hanipha/VOVTPHCM