1 # Tapa 5 thun ngak tui Chỉ thị 19 di mBan Bí thư Trung ương Đảng ka patagok bruk pan akaok ba jalan di Đảng ngan saong bruk pato bruk ngak ka urang ngak palei pala, ban sit Đà Nẵng hu pato bruk ngak ka labaih 5.000 urang ngak palei pala. Urang ngak palei pala duah hu bruk ngak hadei di tuk bac bruk ngak lac 83%; dalam nan hu doanh nghiệp pilih ruah 25%, eng drei duah bruk ngak lac 71%, doanh nghiệp blei panda saong hu mbaok tame dom tổ hợp tác, hợp tác xã lac 6%

          2 # Di  Phú Yên hajan daok takik, ia trun meneing, min yaok ribau boh sang bhap bini dom puk palei dalam tỉnh Phú Yên jeng dok jauk ia dauk oh nao mai hu. Ong Phạm Trung Chánh, Phó chủ tịch Ubbhap bini huyện Đồng Xuân, tỉnh Phú Yên brei thau, urak ni ia di angaok krong Kỳ Lộ trun di tanut báo động 2, min jiak  3.000 boh sang di dom  xã Phú Mỡ song Xuân Sơn Bắc daok njauk ia pacang cakak, hu panduan ba nao tal labik siam mekre.

        3  # Gah  y tế tỉnh Kon Tum daok jhul khang bruk cai nghiện ma túy ka urang njom HIV meng Methadone piah trun bruk njom mbak HIV tapa  darah. Bác sĩ Nguyễn Thị Diệu Thúy, Giám đốc pasak pacang caga HIV/AIDS tỉnh Kon Tum brei thau:

          Băng: “Dalam  tỉnh Kon Tum, kol dahlak ngak hu biak siam. Thủ tướng jao ka tỉnh Kon Tum ngak hu dalam thun 2017 lac 150 urang, urak ini kol dahlak daok pasang iek 197 urang piah pacang njom mbak HIV tapa darah kayau bruk njom mbak nan biak rilo dalam dom urang chích ma túy”.

         4 # Urak ni, dom tỉnh Tây Nguyên dok yam tame bilan paik cà phê pablei  song dui atah tal puac bilan 12 meng paik salah. Min  bilan café ni, hajan gam gam dui atah oh lac ngak suai damuai ka bruk paik mek bo dok ba tal bruk patrun  chất lượng cà phê asar, tagok bruk khat lihik hadei di tuk paik. Urak ni, Đắk Lắk – bhum taneh pala cà phê  prong abih dalam negar  bahrau paik hu labaih 35 tal  40% mblang taneh.  

5 # Tỉnh Trà Vinh daok pachreih urang ngak nong di dom huyện tapen tasik yau Cầu Ngang, Châu Thành, Trà Cú, Duyên Hải saong ban sit Duyên Hải peih praong taneh raong kaya ikan lingiu drei hadang sú, hadang thẻ takai patih dalam   thun 2018. Kayua yau nan ye, gah ngak nong tỉnh daok pathau khan, pachreih ba urang ngak nong peih praong taneh chuyên canh, xen canh luân canh raong dom jnaih kaya ikan hu yaom kinh tế lingiu hadang sú, yau: gadang ginraong hijao ia meteh mbak meteh taba, sò huyết, ring tasik, nghêu.

           6  # Tui ong Võ Nguyên Nam, Giám đốc sở Công Thương tỉnh An Giang, kuhria tal abih bilan 11 yaom jien pablei pandap tabiak negar lingiu di tỉnh An Giang hu labaih 820 triệu USD, samu saong bruk ba tabiak, saong tagok rilo jang 17% dut song tuk vak ni thun dahlau, dom janih pandap praong di tỉnh yau brah, ikan pra ngak liar, njam patam boh karaoh song pandap jhik hu tagok jang dut song tuk vak ni thun dahlau. 

          7   # Thun 2018, tỉnh Cà Mau daok sangka pasiam rilo inem krung pambuak haong patagok yaom glaong di dom inem krung dalam tỉnh. Tui nan, mBan khik ramik inem krung tỉnh Cà Mau paglaong siam lagaih bruk khik ramik dom inem krung, pambuak  bruk haong dom gah piah ngak pasiam veik dom inem krung di Xứ ủy Nam Bộ - Trung ương cục miền, bruk jayah Đầm Dơi - Cái Nước - Chà Là, labik Chứng tích tội ác Mỹ - Ngụy daok di Biệt khu Hải Yến, Bình Hưng.  

Nhạc cắt

                   Patui di ni dom khau tin dunya:

           8  # Bahrau ni, sa mbang khuah glai pambak samar ala takai ceik gah brak Lốtx An-giơ-let (Los Angeles) (Mỹ), ngak kan kandah ka yaok rituh boh sang Yaok rituh menuac jiak di nan hu ba nao labik karei hadei di tuk hu takik di abih sa urang metai song bruk lihik điện rah tabiak dalam abih bhum.

           9 # Rajaei Sierra Leone mek tame hu 6,5 triệu USD hadei di tuk pablei to yaom asar intan hòa bình piah padang kadung jien brei ka dom dự án patagok taneh ia. Dalam mbang pablei to yaom barau ini di New York, Mỹ, urang roh duah pandap trang sức  bangsa Anh Laurence Graff  buh jien tabiak piah blei asar intan biak praong ini

           10 # Indonesia hu panuac sinya pambuak bruk song Afghanistan dalam dom bruk kham merat ba mai siam mekre. Tui nan, sa kapul pakat glong di  Indonesia hu nao rivang Kabul dalam 2 adit tal piah ginum biai ka bruk hu mbaok tame langyah song kol Taliban.