1 # Harei ni, 7/11, Quốc hội hu ginum biai di hội trường ka dom pathau khan: bruk di Chánh án Tòa án bhap bini tối cao, Viện trưởng Viện kiểm sát bhap bini tối cao thun 2017; bruk pacang caga tội phạm song ngak suan hukum; bruk thi hành án; bruk pacang caga tham nhũng thun 2017.

         2# Di Học viện Lục quân (ban sit Đà Lạt, tỉnh Lâm Đồng) barau rah tabiak  nyaom biai alamu “makna sajarah saong yaom glaong cách mạng bilan 10. Labaih 30 tham luận hu payua tal saong ba tabiak di nyaom biai hu pataom tame ngak cambaih brei thau dom asal kadha hu makna sajarah saong thời đại di cách mạng bilan 10  Nga

          3# Phó thủ tướng Trịnh Đình Dũng song urang pang akaok dom mintri, dom gah  Trung ương hu mai tal labik glut jaleih ceik di ban sit Trà My, huyện Bắc Trà My, tỉnh Quảng Nam. Phó thủ tướng hu tangi sua, klah rabha dom pandik harao saong boh sang hu urang gaok bala yam tapa kan kandah kayua bala, tacei pato dom pakat karja kham merat dong duah urang gaok bala dok veik di mbang glut jaleih ceik, pataom tame gam pasiam, gam pacang cakak bala meng langik tasik  dalam dom harei tal.

          4# Ấn tượng saong pok meyaom lac dom hagaiyt bo dom phong vien dunya ndom ka bruk kuhria caga di Da Nang ka adit pakat glaong Apec, abih di nyu nan lac hadei di dom tayah tayac di mbang ribuk 12. Phóng viên Yang Tianshu, rayo paparsap dunya Trung Quốc ndom lac:

          Dom ayut kuhria caga ka adit pakat glaong Apec saong dom bruk praong pambuak tal biak siam. Dahlak hu  mbaok di rilo nyaom biai dunya, min tuk hu mbaok di Da Nang mbang ini dahlak mboh bruk kuhria caga biak tani tanat di dom Ayut.

          5 # Hadei di ribuk ka 12 , urang rong hadang hùm di ban sit  Sông Cầu, tỉnh Phú Yên jar var tabiak tasik piah duah darum hadang dok veik. Tui kuhria mboh tuk camereip, khat lihik di mik va tagok tal yaok tỷ đồng, oh ka thau urang di bhum rong hadang hùm xã Xuân Thịnh, ban  Sông Cầu, tỉnh Phú Yên tal tuk halei meng meda pasiam veik hu bruk rong hadang.

         6# Hajan praong dui atah di dom harei tapa ngak ka rilo canah jalan dalam tỉnh Kon Tum mbaih mboh, gar trak. Urak ini rilo xa di dua  huyện Đăk Glei saong Kon Plông jeng daok hu ia dauk, oh ka nao mai hu. Saai A Moi, palei Ngọc Hoàng, xã Đăk Ring brei thau: 

           “Ribuk nyu ba abih padai, bei plom saong tangei. Kan kandah abih lac jalan nao mai, urang bhapnini biak kan kandah.

          7/ Melam 6/11, Rayo papar sap papar binguk ban Cần Thơ peih bruk pataom iek veik bruk pakacah  Tác phẩm papar sap papar binguk mbang ka VIII – thun 2017. 62 tác phẩm gheih abih hu jao giải. Nhà báo Nguyễn Thị Thanh Tiếng, Phó Giám đốc Rayo papar sap papar binguk Cần Thơ – Akaok mban peih bruk lac 

         Dom  tác phẩm njauk saongangan di bruk pakacah, jiak song rai duik. Thun ni oh hu  dom  đột phá ka bruk  thể hiện, min jaik abih dom tác phẩm jeng hu palih ruah  đề tài,  pambuak song bruk ứng dụng truyền thông đa phương tiện, pachreih urang panG, urang iek .

          Khaw tin dunya

          8# Harei 7/11 , Tổng thống Mỹ Đô-nan Trăm nao ravang Hàn Quốc, dalam mbang padheih takai ka dua di mbang nao rivang akaok mereip tal Chau A. Gah pasang iek brei thau lac, Đô-nan Trăm meda mek mbang ravang di drei piah paglaong talei pambuak bruk Mỹ-Hàn saong brei thau veik bruk pambauk gauk di dua taneh ia dalam bruk patagok kateik greik Trieu Tien pambuak tal danakdak hạt nhân.

          9# Hãng tin Ri-a Nô-vô-xti di  Nga brei thau,   harei  6/11 rah tabiak sa mbang khuah prong di sa boh sang jiak sa mblang radeih pui di ban ine  Mát-xcơ-va, ngak takik di abih  6 urang metai, 1 urang njauk rambuac.

          10# Sa roh duah di dom urang alamu ba tabiak barau ini brei mboh, hu jaik 150 rabau anek kamal matai yaok thun kayua dom baok ruak njaom mbak vi khuan meng amaik tapa anek. Dom urang roh duah brei thau, bruk njauk duh hatai nan lac dom jit ruak ini meda lac oh hu sangka di dom taneh ia daok patagok.