1# Harei ini (7/5), Nyaom biai Trung ương  Đảng mbang ka 7 khóa XII hu peih tabiak. Di nyaom biai ini, Trung ương pataom tame ginum biai 3 kadha praong nan lac: Đề án dak padang kapul urang jakar dom pakat, abih di nyu nan lac pakat chiến lược ginup ilamu, angan je, samu haong bruk ngak; Đề án salih bharau jien bialn ngan saong urang jakar, công chức, viên chức, tapon nyaom bol pan phao kraong saong urang ngak dalam doanh nghiệp; Đề án salih bharau bruk bảo hiểm xã hội. Tui kuhria, nyaom biai ngak bruk tal harei 12/5. 

          2  # Mesup harei 7/5, Tòa án bhap bini pakat glong di  Hà Nội peih bruk  xét xử phúc thẩm ong  Đinh La Thăng, Trịnh Xuân Thanh dong  đồng phạm, kayua hu kháng cáo kêu oan, likau patrun  hình phạt di dom bị cáo. Tui nan, tòa tabiak panuac phạt  Đinh La Thăng – urang dahlau deih ngak  akaok Hội đồng quản trị (urak ni  hội đồng thành viên) PVN 13 thun  guk ka  tội cố ý ngak suan adat hukum. Bị cáo Trịnh Xuân Thanh – urang dahlau deih ngak akaok  Hội đồng quản trị gam ngak Tổng giám đốc PVC - njauk 14 thun guk kayua cố ý ngak suan adat hukum, tù chung thân kayua tham ô tài sản, pataom veik njauk guk chung thân.

3# Đồn Biên phòng cửa khẩu cảng Thuận An, Bộ đội Biên phòng Thừa Thiên - Huế brei thau, Đồn bahrau taduan hu panuac khan ka bruk kapan ikan TTH 97127.TS kayua ong Nguyễn Thanh Bình, daok di xã Phú Thuận, huyện Phú Vang, tỉnh Thừa Thiên-Huế ngak pô paoh gauk haong sa kapan ikan di palei karei angaok bhum tasik tỉnh Thừa Thiên Huế. Biak patuah, kapan ikan TTH 93016-TS daok taong ikan atah di nan 2 hải lý samar mai dui kapan ikan ini tame ar hu siam mekre. Urak ini, bruk nan daok hu dom jabat chức năng duah thau, ngak brei cambaih laih.

          4  # Di mblang taneh sâm Ngọc Linh pala di huyện Tu Mơ Rông, tỉnh Kon Tum hu rah tabiak dom ruak palai pajoa ngak ka urang pala phun jru  hu yaom  kinh tế glong ni biak duh hatai. Tui dom urang pala sâm Ngọc Linh, di phun rilo thun, dahlau di tuk metai, hala phun hijao salih tapa katam bloh metai nao. Jalan ngak di  tỉnh Kon Tum tuk vak ni lac  khik ramik asar pajaih, peih prong taneh song hu dom jalan ngak khang kajap piah padang ngak jak jeng pandap pakat negar sâm Ngọc Linh.

 5# Pahadar 128 thun harei menek Wa (19-5-1890 - 19-5-2018), Kapul pachreih bac huyện Nhơn Trạch pambuak bruk haong Kapul pachreih bac xã Phú Hữu peih harei pataom labik jan pabui haluk pachreih bac thun bac 2017-2018. Tui kapul pachreih bac xã Phú Hữu,  thun 2008, Kapul pachreih bac xã hu peih bruk raong pabui haluk pachreih bac, hu urang jakar, urang đảng, bhap bibi pachreih tui. Bruk raong pabui haluk hu tagok khang dalam dom jabat, sang bac saong dalam dom agama.

          Patui di ni dom khau tin dunya :.

6 # 10 ribau menuac di angaok palao prong  Ha-oai di  Mỹ taduan hu panuac brei panduan ba chip hadei di tuk ceik apui  Ki-lau-ê-a (Kilauea) di gah merong palao  pruh  dung nhamba tui nan lac khí độc ngak metai menuac. Dom thaot binguk bahrau di abih brei thau, talei dung nham meriah nduac tapa tapen glai jiak ceik apui Ki-lau-ê-a song dung nham dok pruh tagok meng ala mbaok jalan. Rilo jalan dalam labik hu ralo menuac sia daok tabiak sauk, mbaok jalan talah praong kayua megei khang song dung nham ceik pui.

7# Sang bac Đại học Ao-ya-ma Ga-ku-in (Aoyama Gakuin) di ban ine Tô-ki-ô, Japon harei 6/5 njauk tabiak panuac lac klaak dom var bac dalam harei 7/5 kayua taduan hu panuac lac taong bom. Tui panuac đe dọa angaok mạng, sa baoh bom hu caik dalam mbang bein sang bac saong meda patuh di harei akaok meti di adit bahrau ngak ka ralo menuac metai.

          8 # Harei  6/5, labaih  45.000 menuac jak gauk puh ramik hareik ngak saat dom mblang tasik di grauk labik dalam Na-uy. Akaok mintri  Khí hậu song Môi trường Na-uy Ô-la En-vét-xtun (Ola Elvestuen) brei thau, bruk ngak saat dom mblang tasik di  Na-uy thun ni hu mbaok di menuac urang rilo jang 2 mbang thun bloh. Thủ tướng Na-uy Ơ-na Sôn-bowsc (Erna Solberg) song dom urang jakar jeng hu mbaok dalam bruk ni