1./Patui bruk di mbang nyom ka 3, harei ini(7/6), dom urang Quốc hội ginum biai di hội trường ka Dự thảo Sarak langyah srai jhak di dom labik tín dụng saong Hukum pasiam, pabak dom paka di Hukum gah tín dụng. 

      2/ # Harei  6/6, di labik angaok tasik atah tỉnh Bình Định labaih 141 hải lý, kapan ikan BĐ 91388 TS hu 09 urang ngak njauk khut jamriak, theik tui ia  . Thuyền trưởng pok panuac likau dong. Taduan hu panuac khan, Ủy ban pakat negar dong duah urang njauk bala pandar Ban tacei jalan pacang caga song dong duah urang gaok bala tỉnh Bình Định, Bộ đội Biên phòng tacei jabat chức năng pambuak bruk song po kapan, pathau khan pachreih ba dom kapan song Tổ đội, dom kapan ikan tong chap jiak nan mai dong kapan njauk bala .

      3./Di huyện Chơn Thành, tỉnh Bình Phước rilo sang pala cao su pajaih oh daok hu phun piah palei. Urak ini, yaok phun pajaih cao su yaom meng 7000- 8000 đồng sa phun, tagok 2 ribau đồng dut saong bilan dahlau,  lac yaom glaong di abih kuhria meng dahlau mai. Makna yaom  cao su tagok lac kayua bruk pala veik, pala bahrau thun ini tagok glaong. Saong kayua rilo sang pala pajaih cao su oh kuhria mboh dahlau bruk caong hu di darak pasar nan ye oh patagok bruk pala pajaih .

      4/  # Tỉnh Phú Yên peih rilo danak dak dong ka anek saih bangsa takik hu mbaok di mbang pakacah  Trung học Phổ thông pakat negar thun 2017. Rilo sang bac Trung học Phổ thông di dom huyện bhum ceik hu peih dom tal ôn tập mbiah tal puac bilan 6. Puah ka dom anek saih bangsa  ôn tập hu siam lagaih, sang bac hu panuac ieu dom gru pato tacei ba ôn tập chi tiết ka dom adei tui ilamu kỹ năng song tui đề thi minh họa hu ba tabiak bloh.

       
       5./ Sở ngak nong saong patagok palei pala tỉnh An Giang brei thau, yaom ikan pra nguyên liệu gam gam tagok labaih 25.000 đồng/kg. Urang raong laba hu labaih 4.000 đồng/kg. Min kayua  labik raong oh rilo jang, nan ye urang raong daok khin ngak tui jalan pambuak gauk raong, pandar ilamu kỹ thuật  raong meng bruk palao pajaih lagaih. Saong daok padang bhum nguyên liệu ikan pra hu chất lượng siam saong meda duah thau hu asal di nyu...daong patagok kein laba ka urang raong ikan pra.

      6/ # Sở Khoa học song Công nghệ ban raya Hồ Chí Minh peih bruk pakacah Sáng kiến bhpa bini thun 2017. Tui adat pakacah, dom sản phẩm, mô hình, jalan kỹ thuật…di menuac urang, dom kapul nyaom tame pakacah lac kết quả di bruk ngak bahrau, sahneng bahrau, salih bahrau song ứng dụng khoa học công nghệ dalam bruk kinh tế - xã hội hu ba tame ngak di ban raya meng  01/01/2016 tal 20/12/2017. 

          7./Ong Hồ Thanh Nghĩ- akaok Ủy ban bhap bini xã Châu Hưng A, huyện Vĩnh Lợi, tỉnh Bạc Liêu bahrau  brei thau ka bruk yaok rituh urang ngak di Cty TNHH MTV Pinetree Hàn Quốc pandik hatai, klaak huak kayua dalam lisei hu halak. Bruk nan rah tabiak harei (5/6), dalam tuk huak lisei, rilo urang ngak di công ty ini mboh hu halak daok rui  dalam  khay lisei. Thau hu bruk nan, Liên đoàn lao động tỉnh Bạc Liêu, gam saong công an saong dom gah chức năng hu nao tal công ty ini, taom gaok urang ngak, mek mẫu pandap mbang piah pasang iek, duah thau.

Patui di ni dom khau tin dunya:

          8/ # Sa ủy ban quy hoạch  di Ixaraen harei 6/6 hu brei tapa danak dak padang ngak sa labik định cư Do Thái bahrau camereip abih di Bờ Tây dalam 20 thun song brei padang ngak labaih  1.800 boh sang định cư karei di Bờ Tây.

9./Mintri Nội vụ Đức brei thau, taneh ia ini jaik hu hukum bahrau pacang  urang likei Đức duah jien meng bruk tut angan lac ame di dom uraniah ndih tapui tabiak meng dom urang amaik negar lingiu  piah brei anek naih nan jeng menuac di taneh ia Đức.Tui Mintri Nội vụ Đức, hukum bharau  samar hu ba tabiak ngak tui piah langyah sa bruk daok hu meng livik mai.  

 10 #Gah Y tế dunya (WHO) brei thau, urang metai kayua jit tả di Yêmen kuhria tal urak ni tagok tal 681 urang, tagok jang 2 mbang duh song puac khan hu kuhria meng harei  27/5 meng bloh. Tui kapul Y tế dunya, kuhira tal harei 27/4 mbiah tal ni, hu 86  ribau 422 urang ruak dịch tả di 19 labaih  23 tỉnh di Yêmen./.