1# patui mbang nyom ka 3, harei 8/6, Quốc hội pang langyah, taduan panuac, pasiam dự án Hukum thủy lợi, ginum biai di hội trường ka dom asal kadha daok hu panuac karei di gauk dalam dự án Hukum thủy lợi. Biar harei nan, Quốc hội biểu quyết brei tapa Sarak ka danak dak padang ngak hukum, pháp lệnh thun 2018; Ginum biai di hội trường ka bruk nek bruk bayar, daong,  tái định cư jeng dự án thành phần piah peih ngak Dự án mblang kapal haoh pakat duinya Long Thành.

      2# Bahrau ni, dalam mbang nao ngak bruk di Cà Mau,  Phó akaok negar Đặng Thị Ngọc Thịnh hu nao rivang Pasak dong ba xã hội tỉnh Cà Mau song jao pandap ka uranaih metui medar, urang taha oh hu labik dok, urang dok buh pren yava ka cách mạng. Phó akaok negar Đặng Thị Ngọc Thịnh tong yaom glong  bruk sangka buh jien di tỉnh ka Pasak dong ba  xã hội tỉnh piah iek glang uranaih metui medar, urang taha oh hu labik dok, dom urang dok dalam sarak karja labik ni. Phó akaok negar Đặng Thị Ngọc Thịnh hu panuac ieu dom urang jum pataom gauk piah dong ka dom urang kan kandah di Pasak.

      3# Harei 7/6, di ban sit Huế hu parang iek rup thaot "Inem krung Huế tui meta maong di dom nghệ sĩ trẻ". Parang iek hu 34 blah rup thaot, yaih khan bruk gheih mekre di inem krung Huế, tui rilo jalan maong, piah pok meyaom dom inem krung pakat negar saong pakat dunya. Abih di nyu nan lac dom kadha ka Huế, sa labik nao tal haong 5 inem krung hu UNESCO pok brei angan lac inem krung dunya (dom inem krung medil Huế, Nhã nhạc cung đình Huế, Mộc bản triều Nguyễn, Châu bản triều Nguyễn saong Thơ văn haroh Hán angaok kiến trúc cung đình Huế).

      4# Pa-uan harei (27/7) thun ni, ban  Đà Nẵng hu buh tabiak labaih 42 tỷ đồng dong padang ngak bahrau song pasiam veik 1.430 sang dok ka dom urang dalam sarak karja, urang buh pren yava ka CM. Dalam nan kadung jien di ban jiak  20 tỷ đồng, dok veik pachreih ba meng dom kadung jien xã hội. Urak ni, dom puk palei hu ngak salah bloh labaih 1000 boh sang, dok veik kham merat ngak salah bloh dahlau harei 20/7/2017.

      5# Tỉnh Khánh Hòa  daok pambak praong bruk khai thác kak kajap haong khik caga rong mơ – lac kaya ikan hu yaom kinh tế glaong saong hu labik dang praong dalam khik caga hệ sinh thái  bhum tapen tasik, min daok takik nao kayua khai thác biak rilo. Dom thảm rong mơ hu diện tích labaih 1.160 ha ngan saong trữ lượng jaik 7.300 tấn ikan thu sa thun, mboh rilo di 3 bhum tasik: Vân Phong, Cam Ranh saong đầm Nha Phu.

      6# Harei 7/6, di ban Cần Thơ, Mban tacei jalan jak ba brei darah halan hatain ban Cần Thơ peih bruk taom mbaok, pok meyaom urang brei darah dok di tỉnh, ban, pauan harei dunya urang brei darah 14/6”. Kuhria meng akaok thun tal ni, taduan hu labaih 21.000 đơn vị darah, tagok labaih 57% tanut. Hu 9 boh sang song  93 urang naih gheih hu pok brei angan, jao harak meyaom di UB bhap bini  ban Cần Thơ.

      7# Meng akaok thun 2017, hadei di tuk ngak catang bruk khai thác, mek cuah di kraong Đồng Nai, yaom cuah di Đồng Nai gam gam tagok, urak ini glaong jang 3 mbang duk saong bilan 3/2017. Kayua oh ka duah hu janih karei piah salih ka cuah, yaom padang ngak công trình tui nan meda tagok jang. 

Patui di ni dom khau tin dunya:

          8 # Kuhria tal harei ni hu takik abih 7 urang metai, kuhria taeng dalam mbang tấn công tame trụ sở Quốc hội Iran harei 7/6. 4 urang karei jeng dok njauk chap ngak  con tin di tầng angaok di sang prong.  Gah an ninh urak ni dok pacang cakak tong abih labik dalam song langiu boh sang quốc hội.

9# Urang jakar Phi-líp-pin (Philippines) harei 7/6, oh brei urang ngak di taneh ia ini nao ngak bruk di Ca-ta (Qatar ) hadei di tuk dom taneh ia vùng Vịnh cakak klaoh talei ngoại giao haong negar vùng Vịnh ini. Langyah ka bruk ini, rajaei Phi-líp-pin brei thau, Phi-líp-pinhuac lac bruk khủng hoảng vùng Vịnh meda ngak kan tal urang ngak negar ini di Ca-ta.

         10 # Harei 7/6 sa kapan haoh quân sự di Mianma pajeng tui takik di abih 100 urang lihik.Khau tin quân sự Mianma brei thau, sa boh kapan haoh di lực lượng Không quân negar ni lihik liên lạc song trạm kiểm soát mặt đất tuk dok dalam hành trình meng Mi-ê-ích (Myeik)  di  khu vực Ta-nin-tha-ri (Tanintharyi), gah merong Mianma tal Răng-gun (Yan-gon). Tui Văn phòng Chỉ huy di mintri Quốc phòng Mianma, boh kapan haoh ni pajeng tui  100 urang song hu xác định lihik./.