1# Dalam mbang ngak bruk di tỉnh Hải Dương saong taom gaok ndom biai nao mai haong urang ngak nong Việt Nam di Hải Dương, harei ini (9/4), Thủ tướng Nguyễn Xuân Phúc tame rivang palei ngak meng kan lan am Chu Đậu, rivang labik parang iek pandap di Công ty cổ phần Gốm Chu Đậu, daok di huyện Nam Sách. Thủ tướng taong yaom glaong công ty hu pambuak bruk ngak pandap haong bruk pablei pandap, lac jalan nao njauk bo dom gah ngak pandap njauk patagok ka nyu praong jang. Khin hu yau nan, brei hu jalan yaih khan pandap piah pablei pandap hu siam lagaih jang.

          2 # Yau rayo sap ndom Vn brei thau bloh, harei  07/04, kapan ikan BV 9225 TS hu 23 urang ngak,   lahik  liên lạc tuk daok atah di  Bà Rịa-Vũng Tàu 260 hải lý song atah Nam Đông Nam DK 1/12 bãi Tư Chính labaih 41 hải lý. Harei 08/4, Cục Cứu hộ - Cứu nạn hu panuac ieu pasak pambuak bruk dong duah urang gaok bala Hàng hải Việt Nam, Mban Chỉ Huy pacang caga bala  meng langik tasik  tỉnh Bà Rịa-Vũng Tàu, Bộ đội Biên phòng, Pasak khau tin Kiểm ngư (Cục Kiểm ngư), Cảnh sát tasik duah thau cambaih laih bruk nan biak halei oh,, peih ngak dom jalan pambuak bruk liên lạc dong duah kapan ikan nan. 

3# Hadei di jaik 2 harei rah tabiak khuah praong, tal biar harei 8/4, pui dalam glai labik Tà Cú, huyện Hàm Thuận Nam, tỉnh Bình Thuận hu pacang padam. Ông Võ Hữu Phương, Phó giám đốc iek gah khik ramik Khu bảo tồn thiên nhiên Tà Cú brei thau, labik khuah daok dalam tiểu khu 296B, rilo meng lac glai pala. Tui kuhria mboh tuk camereip, hu jaik 30 hecta glai di Khu bảo tồn thiên nhiên Tà Cú khuah dalam mbang ini.

4 # Di ban  Huế, labaih 2.500 urang ngak, anek saih, sinh viên song jiak 100 cơ sở pato pakai bruk ngak, doanh nghiệp dok dalam song langiu tỉnh Thừa Thiên – Huế hu mbaok di harei patom pilih ruah urang bac bruk ngak, palih ruah urang ngak song mbaoh tangin tame hợp đồng pato pakai urang ngak tỉnh Thừa Thiên – Huế thun 2018. Abih di nyu nan lac labaih  60 doanh nghiệp hu angan dok dalam song lagniu  tỉnh Thừa Thiên - Huế hu labaih 9.000 labik ngak bruk  dok dalam song langiu negar piah palih rua urang ngak dalam mbang ni. Di harei patom, kapul pachreih bac tỉnh Thừa Thiên – Huế hu jao 30 pok jien bac yaom  1 triệu đồng/sa pok ka dom  anek saih, sinh viên dok  bac di dom sang bac bruk ngak hu rai duik kan kandah, song anek saih jaoh jo bac megru naih joi.

5# Sở Pato Megru tỉnh Tây Ninh pambuak bruk haong Sang bac Trung học Cơ sở saong sang bac Trung học Phổ thông Trí Đức (ban raya Hồ Chí Minh), Kapul pachreih bac tỉnh Tây Ninh peih harei taom gaok bac da-a, pasram megru jalan diukrai saong alin hadiah 120 pok jien bac ka 120 anek saih kan kathaot takre bac da-a dalam tỉnh. Yaok paok jien bac yaom 1 triệu đồng, hu jien mbaok, radaih juak saong dom pandap bac da-a yau katap, tapuk, siphau, kalam…piah daong pachreih dom adei kham merat bac da-a.

Nhạc cắt

          Patui di ni dom khau tin dunya:

6 # Gah Khí tượng Nhật Bản bahrau brei thau, sa mbang megei boh taneh khang  5,8 độ rích-te rah tabiak di  tỉnh Xi-ma-nê (Shimane), gah pai negar ni  di tukvak 1 tuk  32 meinte mesup hare ini . Pasak di mbang megei boh taneh  dok di  35,2 vĩ độ Bắc 132,6 kinh độ Đông, dalam  10 kilômét. Urak ni oh hu panuac khan halei ka bruk khat lihik di mbang megei boh taneh ini. Oh hu panuac cảnh báo khan sóng thần. .

7# Harei 8/4, Thái tử Arập Xê-út Mô-ham-mét Bin Xan-man (Mohammed bin Salman) hu nao tal ban ine Pa-ri (Paris), Pháp, labik pataok takai akaok meti dalam mbang nao rivang dom negar châu Âu, hadei di 3 adit daok ravang Mỹ. Tui kuhria, Thái tử Mô-ham-mét hu taom gaok Tổng thống Pháp Em-ma-nu-en Ma-crông (Emmanual Macron) di harei 10/4 tal.

8 # Nyaom biai pakat glong 3 gah  Nhật Bản, Trung Quốc song Hàn Quốc dok yam tame tuk vak ramik caga luac di abih. Tui dom khau tin meng rajaei Nhật Bản song Trung Quốc, tui kuhria nyaom biai ni hu peih tabiak diharei  9/5 anak tal./.