1 #  Patui mbang nyom 3, Quốc hội mbang XIV, harei 9/6, Quốc hội ginum biai di hội trường, caik sa harei piah ginum biai taong yaom pabak dom bruk ngak hu dalam patagok kinh tế- xã hội saong kadung jien karja dom bialn akaok thun 2017.

          2/  # Ong Lê Quốc Doanh, Thứ trưởng mintri ngak nong song patagok palei pala   brei thau, Mintri hu tacei pato dom  jabat di mintri roh duah, ba tabiak sarak dong  dom gah hu mbaok tame pambuak bruk, abih di nyu nan lac ka dom doanh nghiệp vật tư đầu vào song doanh nghiệp pala am riak kalu piah jhul pakhang talei pambuak bruk pala hacih saat, dak harei dak salih akaok sahaneng di urang pala tui tanut chuan  Viet GAP, Global GAP  piah duh ka darak pasa dak harie dak glong di dunya. 

          3.# Harei 9/6 di ban sit Tam Kỳ, tỉnh Quãng Nam rah tabiak bruk peih mbaok Festival inem krung Quảng Nam mbang ka 6 thun 2017. Ngan saong kadha “Quảng Nam- jalan pambuak pagam inem krung”, Festival mbang ini lac tuk piah yaih khan inem krung tasik, pulao, piah dui pachreih tuai  mai haong du lịch tasik di tỉnh Quảng Nam saong dom puk palei, bhum ceik piah bhap bini hu mbaok tame harei roya di  tỉnh.  Ông Đinh Hài, akaok Sở Ilamu- Thể thao saong Du lịch tỉnh Quảng Nam brei thau, Festival inem krung Quảng Nam lac bruk ngak siam piah pachreih tui adit tasik pulao Việt Nam thun 2017.

4/ # Sở Công thương tỉnh Phú Yên dok pambuak bruk song dom công ty thuỷ điện dok di tỉnh padang ngak jalan song bruk pathau khan di tapen krong Ba. Bruk ni hu peih ngak hadei di 4 anek saih njauk mblung ia di angaok krong Ba labik tapa ban  sit Củng Sơn, huyện Sơn Hoà, tỉnh Phú Yên puac bilan 5  menbg bloh. Bruk ngak ni hu khan tal karja puk palei bhum hạ du  song grauk labik, piah urang thau song samar klak nyaih.

         5 # Tui Quyết định padang tagok di Ủy ban bhap bini tỉnh Kon Tum, kapul pambuak bruk pasang iek bruk mek cuah, randaih dalam tỉnh lambaok Sở Tài nguyên saong Môi trường, Công thương, Xây dựng, ngak nong saong patagok palei pala saong Jabat Cảnh sát pacang caga tội phạm gah môi trường- Công an tỉnh.  Bruk di kapul ini, lac nao pasang iek piah mboh saong pok panuac tagok dom gah chức năng langyah samar tui adat hukum.

          6/  # Tỉnh Bến Tre hu labaih 6.500 ha chôm chôm, pala rilo di huyện Châu Thành song Chợ Lách. Kayua njauk njom mbak dahlau deih song ilamu pala drak oh siam, nan ye hu yaok rituh bein phun chôm chôm ruak khuah hala. Tiến sĩ Bùi Thanh Liêm, Trưởng phòng ngak nong song patagok palei pala huyện Chợ Lách lac:

          Băng: Ruak khuah hala ni hu grauk labik, tui bein. Khuah hala kayua mbak rilo, khauh di tuk tabiak bingu, boh. Huyện hu pasiam veik meng dom jalan kỹ thuật. Drei rao mbak, buh chu, pruh dom chất giải độc ka phun. 

          7# Lac labik hu rilo kraong ribaong, ban raya Hồ Chí Minh lagaih piah patagok du lịch jalan ia min jeng mbuan hu glut jaleih, abih di nyu nan lac bilan hajan saong ia ndik. Urak ini, Sở  Giao thông Vận tải ban raya Hồ Chí Minh, duah mboh labaih 40 labik glut jaleih takai kraong ribaong. Labik glut jaleih khang lac di quận 2, quận Thủ Đức, quận Bình Thạnh huyện Bình Chánh, huyện Nhà Bè saong huyện Cần Giờ. 

 Patui di ni dom khau tin dunya:

8/ Urak ni, nhiệt độ di Ấn Độ dak harei dak tagok khang song negar ni dok dang di anak song mbuan si tapa dom mbang pandiak bhang trak song bhain randap jang. Tui nan, nhiệt độ trung bình di Ấn Độ tagok jang 0,5% meng thun 1960 tal thun 2009. Dalam thun 2010, labaih 1 ribau 200 urang metai kayua pandiak bhang di gah pai ban A-mét-đa-báp (Ahmedabad) di Ấn Độ. Thun bloh dalam bilan 5, Ấn Độ hu nhiệt độ pandiak bhang di tanut  kỉ lục 52,4 độ C.

          9# Tui kuhria tal puac bilan 6, Thái Lan meda pandar Hukum lao động nhập cư bahrau. Urang gam tui hukum ini, lac urang ngak meng negar lingiu tame saong pô di dom urang ngak nan. Dom bruk taong phat urang pah menuac negar lingiu tame ngak bruk suan hukum atau kateik greik urang ngak, njauk taong phat catang jang. Urak ini Thái Lan hu labaih 1 triệu 300 ribau urang ngak negar lingiu oh hu harak adat ngak bruk, bo tok hu brei adat ngak bruk tal harei 31 bilan 3 thun 2018. 

         10  # Hãng thông tấn Ả Rập Xê-út brei thau, 4 negar dalam nan hu Ả Rập Xê-út, Các Tiểu vương quốc Ả Rập thống nhất, Ai Cập và Ba-ranh harei 9/6 hu ba tabiak yaok pluh urang njauk cáo buộc hu pagam song Ca-ta dalam danh sách dom urang khủng bố. Bruk ni hu mong lac đe dọa trak bruk tani tanat dalam  khu vực./.