#/ Mesup harei 23/11, Qh ginum biai tamat mbang nyaom.  Qh biểu quyết brei tapa Sarak ka bruk tangi sua song javap jalei, sarak  ka bruk paglaong kein lagaih peih ngak danak dak pakat negar padang ngak palei pala bahrau gam song bruk pasiam veik  gah ngak nong.

#/ Tal urak ini, Sơn La hu peih brei labaih 1 triệu harak BHYT ka bhap bini dom bangsa, meblah jaik 92% menuac sia dalam tỉnh. Bruk peih brei harak BHYT hu ngak njauk tui quy định, langyah samar dom chế độ bảo hiểm. BHXH Sơn La sangka salih bahrau harak gar hành chính, patagok bruk giao dịch điện tử piah bhap bini hu mbang tui dom bruk di BHYT, BHXH hu lagaih di abih.

          #/ Di ban sit Thuận An, huyện Phú Vang, tỉnh Thừa Thiên Huế, Công ty Cổ phần Đầu tư Phát triển Thủy sản Đông Á peih bruk ba trun ia kapan tong ikan kanduk pasei camereip hu ngak bahrau tui sarak 67 di rajaei. Po kapan lac urang tong ikan angan Trần Văn Chiến, daok di xã Phú Thuận, huyện Phú Vang.Peih ngak sarak 67 di rajaei ka dom sarak patagok kaya ikan, urak ni di tỉnh Thừa Thiên-Huế hu 10 kapan, dalam nan hu 1 kapan kanduk pasei, song 9 kapan kanduk kayau hu ba trun ia saong nao taong chap ikan, samu 20% dut song bruk hu jao brei.

#/ Peih bruk jak ba “Urang Việt Nam pandar pandap VN”, tỉnh Lâm Đồng peih cửa hàng bách hóa tổng hợp tabiak ngak iek di ban sit Đà Lạt. Yaom lac cửa hàng barau peih tabiak dalam 10 harei ini, min pachreih hu ralo urang mai blei pandar. Saai Nguyễn Thị Diệu Thúy, daok di phường 2, ban sit Đà Lạt lac: “Meyah pandap VN bo hu chất lượng glaong ye drei blei pandap VN. Kayua yaom kaom mbiah, pandar jeng mboh siam”.

#/ Di Sóc  Trăng rah tabiak harei pataom pakacah urang pathau khan pachreih nong joi pabak ka bruk pasiam veik gah ngak nong. Mbang pakacah kayua Pasak pachreih nong pakat negar pambuak bruk song tỉnh Sóc Trăng peih ngak. Hu 156 urang lac dom urang jakar pachreih nong dom pakat di 13 tỉnh, ban dalam bhum taneran krong CL mai hu mbaok. Tiến sĩ Trần Văn Khởi, akaok pasak pachreih nong pakat negar lac;

Tame pakacah hu rilo thành phần, urang jakar pachreih nong meng pakat tỉnh, huyện, xã dalam nan hu urang nong mai pachreih  ka mbang pakaca. Yau nan dom urang jakar pachreih nong  hu mbaok tame pakacah ni dalam tuk pasram megru song tapa dom panuac tangi sua, dom kadha ba tabiak khol hulin hu ndom tal rilo bruk.

#/ Bộ Chỉ huy Bộ đội Biên phòng ban raya Hồ Chí Minh hu peih bruk pataom iek veik đề án patagok pathau khan, pato pakai hukum ka urang jakar, bhap bini bhum taphia negar pulao thun 2013 – 2016 di puk palei. Kein lagaih abih di bruk ngak ini lac daong bhap bini thau cambaih hukum saong khan brei bộ đội thau yaok rituh bruk giá trị. Dalam tukvak anak tal, bộ đội biên phòng ban raya patagok pathau khan hukum ka bhap bini tapa dom klup kapul daong adat hukum, tacei pato adat hukum, paglaong chất lượng tu tapuk hukum di dom sang ilamu xã, ban sit, khu phố, palei.      

#/ Dalam 2 harei harei 10/11 bilan 12 , “"harei pataom bingu Sở 2016" hu peih tabiak di huyện Bình Liêu, tỉnh Quảng Ninh. Ni lac tuk piah yaik khan pren khang, pok meyaom dom yaom glong ilamu, gheih mekre di langik tasik song urang Bình Liêu tal ayuht sahabah dalam song langiu negar. Ni lac bruk prong hu mong lac lkadha du lịch di huyện Bình Liêu dalam thun 2016 

Patui di ini dom khau tin dunya:

#/ Tapa duah thau barau abih kayua Pô-li-ti-cô/Mo-ninh Con-sắt peih ngak brei mboh bhap bini Mỹ pachreih tui Tổng thống Đô-nan Trăm tagok duk saong bruk bầu cử rah tabiak 2 adit dahlau. Tapa duah thau di Pô-li-ti-cô/ Mo-ninh Con-sắt, hu tal 46% dom urang hu tangi sua brei thau “biak takre” saong takre jalan ngak di Tổng thống đắc cử Đô-nan Trăm, dalam tuk hu 12% njauk hatai meneing saong 34% oh njauk hatai saong jalan ngak di Tổng thống đắc cử di Mỹ.    

#/ Rajaei Thái Lan bahrau brei tapa danak dak dong brei sa mbang ka urang duah hu jien taki, mong lac sa jalan ngak jhul pakhang gah KT. Tui nan, rajaei Thái Lan dong brei 3 ribau bạt ( samu 86 đô la Mỹ) ka urang hu jien bilan takik ala 30 ribau bạt ( samu 846 đô la mỹ) sa thun. Urang duah hu jien meng 846 đôla Mỹ tal 2.821 đô la Mỹ sa thun hu daong brei 42 đô la Mỹ.

#/ Harei 22/11, dalam var taduan kapul pakat glaong Nga daok rivang Đa mat, rajaei Xyri brei thau taneh ia ini daok kurang bột mì, xăng menyek saong caong khin peih praong talei pambuak bruk pablei salih saong Nga. Bruk mesruh gauk di Xyri yam tapa thun ka 6,ngak brei yaok rituh ribau menuac metai saong ngak kurang pandap mbang menyum, xang menyek di ralo khu vực. Xyri caong hu daong bột mì, xăng menyek piah patrun meneng bruk kurang rah tabiak kayua mesruh metak jeng yau piah padeih bruk pandik harao di bhap bini Xyri./.