#/ Harei 23/1, Akaok negar Trần Đại Quang mai rivang song ngak bruk song Quân khu 7 song Công an ban raya Hồ Chí Minh.Akaok negar hu panuac lac gah tapon nyaom bol pang phao krong quân khu thun 2017 patom tame dom bruk ngak prong anak meta yau iek glang padang ngak gah khang kajap tong abih, patom tame patagok chất lượng, salih bahrau kadha pasram megru, ngak siam bruk dân vận. Rivang song ngak bruk song Công an ban raya Hồ Chí Minh, akaok negar ndom lac, ban raya HCM lac sa labik tagok KTXH biak khang, njauk hu gah công an ban kham merat iek prong ngak siam bruk tui iek, xử lý tham nhũng, chap mek drap ar tham nhũng, oh piah tác động kayua kapul nyaom menuac urang halei.

# / meng harei 23 bilan mat tal urak ini, di 622 palei bhap bini bangsa takik di tỉnh Kon Tum, karja saong dom kapul nyaom puk palei peih harei pataom bánh chưng hijao alin baoh sang kan kathaot bangsa takik. Harei pataom bánh chưng hijao di tỉnh Kon Tum daok daong ka baoh sang kan kathaot bangsa takik yaok baoh sang 500 ribau đồng, hu mbaok harei pataom, hadei di tuk taduan hu brah nduik, ratak, ralo pabui, bhap bini dom palei đảm nhận bruk mek hala, talei kak, gok, njuh, hu papaok saong tuk ahar. Ngan saong dom palei oh ka rangap saong bruk papaok bánh chưng, pei nung, karja, dom kapul nyaom saong jabat kết nghĩa brei urang jakar nao tacei pato. Hadei di tuk har tasak, dom palei jeng peih bruk sinh hoạt ilamu, daoh tamia bhap bini saong alin hadaih har ka baoh sang kan kathaot takik di abih yaok baoh sang sa gu.

#/ Tuk vak ni, urang nong huyện Đức Linh (tỉnh Bình Thuận) thar var paik mek tamekai tết. Thun ni urang pala bui sambai kayua tamekai hu yaom, pablei tani tanat meng 10 ribau tal 12 ribau đồng sa kg, di mblang. Pajaih hu ba tame palih ruah piah pala rilo di abih lac janih tamekai atah ( dok ieu lac tamekai Hắc Mỹ Nhân) song tamekai gum ( hu ieu lac tamekai Mai AN Tiêm.

#/ LĐLĐ tỉnh Bình Dương bahrau peih bruk ba 3.300 urang ngak mai palei mbang tết di dom tỉnh gah kreik negar song gah barak, meng dom sruh radeih mbak hatai ranam. Langiu di 3300 harak radeih kayua dom pakat công đoàn di tỉnh Bình Dương dong ba, Tết mbang ni, dom DN ngak bruk di Bình Dương hu ba 12.000 urang ngak mai palei mbang. Ngan song dom urang ngak oh hu jien mai palei mbang tế, dom pakat công đoàn tỉnh BD peih bruk tangi sua song brei pandap hu 8.700 pok pandap, yaok pok hu yaom 500 ribau đồng, tong abih yaom jien nan lac 4 tỷ 300 triệu đồng.

#/ Urang pala pa-aok Hòa Lộc daok di Tiền Giang daok paik vụ pa-aok Hòa Lộc pablei tết nguyên đán ngan saong yaom pablei glaong kayua kurang pa-aok. Urak ini pa-aok Hòa Lộc janih I hu urang mai blei di bein jaik 150.000 đồng/kg, tagok 50.000 đồng/kg, duk saong tukvak ini thun dahlau. Tỉnh Tiền Giang urak ini hu labaih 6.600 ha pa-aok, ralo meng lac pa-aok Hòa Lộc saong pa-aok Chu.

#/ Tui kuhria mboh dahlau, thun ini, di tỉnh Bà Rịa – Vũng Tàu tuai damuai oh tagok rilo , oh rah tabiak bruk kurang radaih pajenga tuai yau dom thun dahlau. Di dom mblang radaih, yaom harak dom tuyến hu tagok meng 30 tal 60% iek tui lộ trình. 34 doanh nghiệp đơn vị kinh doanh pajeng ba tuai damuai dalam tỉnh Bà Rịa – Vũng Tàu hu tagok yaom harak meng harei 22 tal harei 23 bilan mat. Dalam tuk dom tuyến jalan atah oh hu tuai ye tuyến pajeng ba tuai damuai cự ly jaik lac tuyến Vũng Tàu  – ban raya Hồ Chí Minh jeng tani tanat saong tui kuhria hu pandiak tagok dalam dom harei padeih tết. Kayua yau nan ye, dom doanh nghiệp hu kế hoạch kuhria phương tiện saong điều động tagok chuyến dalam bruk tuai angaok tuyến ini patagok khang. Tuk ini, hu labaih 150 radaih hu tame pajeng ba tuai damuai, ngan saong 200 chuyến radaih dalam sa harei. Ini jeng lac tuyến hu dom doanh nghiệp hu tame khai thác ralo abih ngan saong 10 doanh nghiệp.

     #/ Piah pacang caka njauk tuk song bruk nerak tathuak di jalan ia pruh ka taneh ngak nong. Công ty dịch vụ peih ngak krong ribong  ban raya Hồ Chí Minh buh jien tabiak labaih yaok tỳ đồng padang ngak 5 bilac quan trắc di dom angaok krong prong yau   Thày Cai –An Hạ ( Củ Chi), Suối Nhum- Suối Cái ( quận 9) song Khu công nghiệp Trảng Bàng ( Tây Ninh).Dom bilac quan trắc ni hu tui iek yaok harei chất lượng ia pruh ka mblang taneh ngak nong di ban raya. Dalam dom harei tết anek sak menuk, langiu di bruk pabak ginup ia pruh ka labaih 20 ribau ha taneh pala njam patam, dok di dom huyện Củ Chi, Hốc Môn, Bình Chánh, công ty dok peih bruk pacang cakak ia duah di mblang taneh ngak nong tuk ia sua.

Patui di ini dom khau tin dunya:

#/ Ribuk khang ba tui ngin Tuh tapa bhum gah meraong taneh ia Mỹ puac adit tapa ngak takik di abih 18 urang metai, palai pajoa ralo sang danaok saong ngak lahik điện ralo.  Giooc-gia lac bang gaok kan kandah trak abih ngan saong 14 urang metai. Thống đốc bang ini, ong Na-than Đia hu tabiak tình trạng khẩn cấp di 7 hạt di khu vực gah kreih negar saong gah meraong di bang, cảnh báo hiện tượng thời tiết nguy hiểm meda dui atah, taphia di nan hối thúc bhap bini peih dom jalan ngak pacang cakak piah khik kajap an toàn ka menuac saong drap ar. 

# Quyền Tổng thống gam lac Thủ tướng Hàn Quốc Hoang Ki-ô An harei 23/1 ndom lac bruk parabha jalan pacang tên lửa tầm cao tuk vak luac abih ( THAAD) di Mỹ dok Hàn Quốc, hu mong lac piah cakak siam jang dom bruk đe dọa meng Triều Tiên. Bilan 7/2016, Mỹ song HQ hu pathua khan ka bruk ngak salah bloh bruk peih ngak hệ thống phòng thủ tên lửa tầm cao tuk vak luac thun 2017. Jalan ngak ni gaok bruk phản đối khang di Trung Quốc. TQ ndom lac jalan ngak ni đe dọa tal kein lagaih an ninh di drei song hu panuac ieu HQ padei ngak bruk  ni.

#/ Cô-oét daok tamuh tabiak vi-rút cúm menuk ada H5N8 mbuan pambak di ada, da kangan saong cim trĩ. Jabat Thú y dunya (OIE) hu trụ sở di  Pa-ri harei 23/1 dalam sa báo cáo brei thau, 144 janih cim metai di khu vực An Gia-ra (Al Jarah) di Cô-oét. Chủng vi-rút cúm menuk ada H5N8 pambak praong grap châu Âu saong châu Á meng puac thun bloh, ba tal bruk ralo taneh ia brei am cuh klak ralo menuk ada. Gah y tế dunya harei 23/1 hu ieu taong abih dom taneh ia tui iek kajap mbang tamuh di tabiak virut menuk ada saong samar khan dom trường hợp njom cúm menuk ada di menuac./.