1/ # Harei kroi 31/5, akaok  negar, ong Trần Đại Quang taduan raok Hoàng hậu Vương quốc Hà Lan Mắc-xi-ma (Maxima), đặc phái viên di Tổng thư ký Liên hợp quốc ka bruk jien padai dok mai rivang song ngak bruk di    Việt Nam. Di var taduan raok, akaok  negar ndom lac, Jien ndua lac sa bruk dong patagok siam lagaih, rik dong patagok  kinh tế-xã hội song tagok khang kajap di  Việt Nam.

2/ Tukvak tapa, gah y tế tỉnh Lào Cai hu padang dom kadha ka bruk pacang cakak jit ruak njom mbak dalam bilan hè; pakhang dom kapul pacang cakak jit cơ động, pasram ngak gheih ilamu langyah yaok janih jit ruak piah pacang cakak chip tuk hu jit rah tabiak.

3/  Dalam bilan ngak kayua uranaih thun ni,  Ủy ban bhap bini tỉnh Ninh Thuận hu pandar dom puk palei, kapul nyaom  xã hội, boh sang patagok khik caga, iek glang uranaih tapa dom bruk yau pato pakai, pato caluai ia piah caga blung ia, pacang caga tai nạn giao thông, pacang caga bạo lực, xâm hại uranaih. Urak ni, tỉnh Ninh Thuận hu labaih 190.000 uranaih umo ala 16 tuổi, dalam nan hu labaih  36 ribau uranaih bangsa  Chăm  song  Raglai.

 4/ Harei kabroi 31/5, di ban Buôn Ma Thuột (Đắk Lắk) rah tabiak hội thao dom bangsa takik dalam negar khu vực 2 mbang ka 10 thun 2017. Harei pakacah pachreih hu labaih 600 vận động viên di 17 kapul dalam bhum Tây Nguyên saong Nam trung bộ. Dom vận động viên hu mbaok pakacah 7 kabha nan lac: dit blaong mini, bóng chuyền, jhul gai, cuh hanil, dui brak, nduah việt dã saong nao cà kheo.    

5/  Sang iek ruak Đa khoa Trung ương Cần Thơ bahrau tabiak mbaok Ban chấp hành Chi hội dong ka urang kan tuk vak 2017 – 2020. Chi hội dong ka urang kan hu bruk pachreih ba dom kapul nyaom menuac urang, DN dok dalam song langiu negar halan hatain dong  cơ sở vật chấtilamu, pren yava, jien nduapiah dong ka urang ruak kan kathaotdong patrun patakik pandik harao ka urang ruak song boh sang urang ruak.

6/ Piah ramik veik gah ngak nông tui jalan paglaong giá trị gia tăng, patagok khang kajap, patrun áp lực pablei padai brah dalam tuk darak pasar pablei kan kandah, tỉnh An Giang daok pataom tame salih janih phun pala, abih di nyu nan lac patagok phun njam patam an toàn.     

7/  Báo Sài Giải phóng  song Liên hiệp hợp tác xã thương mại ban raya Hồ Chí Minh ( Saigon Co.op)  bahrau  ba tabiak  chiến dịch pandar pandap  hajao thun 2017. Bruk nan hu rah tabiak dalam sa bilan,  meng harei  3/6.  Kadha nan pamong tal bruk pachreih ba bhap bini pandar pandap hajao peih ngak siam bruk khik caga môi trường.

Patui di ini dom khau tin dunya:

8/ Harei 31/5, di nyaom meyai saong Uỷ viên quốc vụ Trung Quốc Dương Khiết Trì, Thủ tướng Nhật Bản Sin-dô A-bê sanya pambuak bruk saong Trung Quốc piah pasang iek danak dak tên lửa saong hạt nhân di Triều Tiên.

9/ Mintri  Du lịch song Thể thao Thái Lan dok ginum biai song Gah Du lịch negar  Trung Quốc (CNTA) piah pacang cakak dom tour du lịch suan adat.Tuk kuhria dalam bilan 6 thun ni, 2 gah hu taom gaok piah ginum biai ka bruk patagok siam mekre ka tuai damuai jang yau tagok chất lượng dom tour du lịch. 

10/ Sa urang ngak praong gah y tế di bang Gu-gia-rát Ấn Độ harei 31/5 brei thau: jabat y tế taneh ia ini hu urang njom vi-rút Zika akaok meti meng dom bilan dahlau, min bhap bini oh hu cảnh báo. Tui nan, urang njom vi-rút zika akaok meti lac sa urang kamei metian meng akaok bilan 11 thun bloh. Dom mbang duk iek daraih hadei di nan brei mboh urang ini dương tính saong vi-rút Zika./.