1/ # Patui mbang nyaom ka 4, Quốc hội mbang14, harei ni (2/11) Quốc hội ginum biai di hội trường. Quốc hội ginum biai ka kinh tế xã hội song bruk  kandun tuk vak peih ngak danak dak tapuk giáo khoa bahrau .

2# Gah lingiu Quốc hội bair harei 1/11, akaok mintri Lao động- Thương binh saong Xã hội Đào Ngọc Dung hu javap calei báo chí ka bruk caong salih tukvak ngak bruk di urang jakar Quốc hội Nguyễn Văn Cảnh, kapul Bình Định ba tabiak di var  ginum biai ka bruk kinh tế-xã hội harei 31-10 barau blaoh. Tui akaok mintri Đào Ngọc Dung, bruk kadun tukvak ngak bruk oh meda ngak tui hatai hu, bo njauk roh duah, taong yaom tác động cambaih ka gah xã hội ye: bruk nao mai angaok jalan, kein laba di bruk ngak yau habal.

3/ # Tỉnh Quảng Trị  bahrau parabha 6 tấn brah ka dom puk palei, piah dong ka dom boh sang hu rai duik kan kandah kayua njauk dom mbang ribuk ia sua dalam thun ni. Dom brah ni, kayua Phó Thủ tướng negar  Cộng hòa Dân chủ bhap bini Lào Sonexai Seephandone dong ka bhap bini gah kreik negar njauk khat lihik kayua bala meng langik tasik.

4# Melam 1/11, di Đà Nẵng, kapul ngak bruk di Ban tacei pato Trung ương ka pacang caga kanyak jhak meng lingik tasik kayua ông Hoàng Văn Thắng, Thứ trưởng mintri ngak nong saong patagok palei pala, Phó Ban Thường trực hu nyaom saong urang dang akaok ban Đà Nẵng ka bruk hajan praong di Đà Nẵng saong dom tỉnh gah kreih negar. Kadha brei thau di mbang nyaom nan lac lingik dom harei tal tui kuhria mboh oh siam, njauk kuhria caga dom bruk caga pacang bala meyah rah tabiak njauk tuk APEC jaik tal.

5/ # Anak bruk rah tabiak kan kandah di hajan ia sua, harei 1/11, tỉnh Phú Yên hu ba labaih 500 boh sang  song  1.250 urang tal labik siam mekre.Ong Trần Hữu Thế, Phó Chủ tịch Ubbhap bini  tỉnh Phú Yên brei thau

 Anak tal dok rah tabiak kan kandah, khol hulin tacei pato dom puk palei brei panduan ba bhap bini, khik caga pandap panda, menuac urang siam mekre, jang yau hu pathau khan ka bhap bini tabiak truh labik  kan kandah.

6# Di quận Ô Môn, ban Cần Thơ , melam kabroii (1/11) hu peih harei pataom ilimo, padhih saong du lịch quận Ô Môn saong Lễ hội Ok Om Bok di bhapnini khơme ban Cần Thơ mbang yaka I-2017, hu peih ngak meng harei 1 tal 3/11. Lễ hội hu rilo bruk rah tabiak ye: parang me-in phleing ngũ âm di bhapnini  Khmer, harei pataom doh tamia saong parang iek khaan ao angui cuk bangsa, dom kadha mein mengkan di bhapnini Khmer…

7/ # Dalam bilan 11/2017, mik va bangsa  S’tiêng, tỉnh Bình Phước hu mbaok tame “Harei patom ilamu Tây Nguyên” di palei ilamu– Du lịch dom bangsa Việt Nam - Hà Nội. Dalam nan dom nghệ nhân S’tiêng hu parang mein danak dak daoh tamia bhap bini “Tiếng chày trên sóc Bom Bo” ngan song dom ragu doh ragam tamia bhap bini, pok meyaom taneh ia palei negar, pok meyaom anek menuac song bhum taneh Bình Phước. Di labik ni, mik va hu yaih khan dom pandap di palei drei yau pandap ngak meng asar paoak blait, brah, dom pandap kaya nong thu, pak, pandap ngak meng tangin... 

Khaw tin dunya

  8# Thủ tướng Thái Lan Prayut Chan-ocha (Pray-út Chan-ô-cha) brei thau lac oh yah klak lệnh pakauk bruk chính trị ka tal tuk bruk trật tự hu pasiam. Thủ tướng Prayut  ba tabiak panuac lac yau nan piah cakak bruk phản đối di dom đảng chính trị, abih di nyu nan lac đảng Pheu Thai di amuk Yingluck Shinawatra (Dinh-lúc Xin-vắt).

9/  # Bruk pablei meh di Trung Quốc dalam 3 quý akaok thun ni  hu jiak 816  tấn, tagok labaih  16% % dut song tuk vak ni thun 2016, dalam nan bruk blei meh candiak lac pren khang patagok prong di abih.

10# akaok mintri cakrok dunya saong Pháp ngữ Canada Marie-Claude Bibeau (Ma-ri Cờ-lau-đ Bi-bô) barau brei thau bruk padang kadung jien daong khủng hoảng Myanmar piah daong dom urang dalam kapul urang mbuan si gaok kanyak jhak abih. Kadung jien daong khủng hoảng Myanmar meda taduan mek abih paok jien daong di dom urang saong kapul nyaom di Canada meng harei 25/8 tal 28/11./.