1 # Dalam mbang nao rivang pakat karja  tal negar Cộng hòa Dân chủ Liên bang Ê-ti-ô-pi-a, beir harei  ( 23/8 tui tuk vak Hà Nội), di  Phủ Tổng thống di ban ine  Addis Ababa, Akaok negar Trần Đại Quang hu ginum biai haong  Tổng thống Mu-la-tu Tết-xô-mê. Hadei di tuk ginum biai  , akaok negar Trần Đại Quang song  Tổng thống Mu-la-tu Tét-xô-mê hu mbaok maong iek bruk mbaoh tangin tame dom văn kiện pambuak bruk yau: Hiệp định Miễn thị thực ka urang hu  hộ chiếu Ngoại giao song  Công vụ, harak hadar pambuak bruk  di 2 mintri Ngoại giao, harak kanal pambuak bruk  di mintri  Kế hoạch song Đầu tư Việt Nam song  Ủy ban Đầu tư Ê-ti-ô-pi-a..

 2# Page harei ini 24/8, di tỉnh Hưng Yên, Mentri Y tế peih bruk ba Hệ thống công nghệ thông tin pambuak dom labik pablei lẻ jru iek ruak saong Nyaom biai trực tuyến dalam taneh ia peih bruk ba công nghe thong tin tame pambuak dom cơ sở pabeli jru. Bruk pandar cong nghe thong tin pambuak dom cơ sở pablei jru piha daong bhap bini thau hu jru nan mai meng halei, tukvak pandar, jalan pandar jru..Tui bruk ba tabiak, mbiah tal thun 2021, taong abih 61.000 labik pablei jru le dalam negar yau ye: dom tiem jru, sang pablei jru, balai y te xa brei pambuak salah abih haong mạng negar.

   3  # Di ban Đà Lạt, Kapul ngak bruk DI Tổng cục thủy lợi bahrau hu var ngak bruk  song Sở ngak nong song patagok palei pala tỉnh Lâm Đồng ka bruk khik ramik siam mekre danao kavei dalam tỉnh. Kapul ngak bruk ndom lac, ngan song rilo danak dak takik an toàn, hu brei ka huyện, xã khik ramik , ye njauk ngak chip di tỉnh lac pasang iek , điều chỉnh song peih ngak ka njauk hukum thủy lợi. Di var ngak bruk, tỉnh Lâm Đồng pok panuac likau Mintri NN&PTNT samar parabha phun jien piah pasiam veik  6 danak dak khut kayua ribuk ia sua thun 2017 piah khik ramik siam mekre dalam bilan hajan thun ni; pasang iek dong ka  tỉnh padang ngak dom danao, caik dom  thiết bị brei thau dahlau  bruk an toàn ka binek  song bhum hạ du.

 4# Dalam 5 thun ramik ngak veik gah nong nghiep meng thun 2013 -2017, ban Can Tho hu buh labaih 1 ribau tỷ đồng tame gah ngak nong, ngak glai saong kaya dalam ia. Dalam nan, pataom tame bruk ngak breio paglaong dom kaya nong, pcak rok patagok bruk ngak nong tui jalan paglaong chat luong khang kajap. Ông Nguyễn Ngọc Hè, Giám đốc Sở Ngak nong  saong patagok palei pala thành phố Cần Thơ lac: Kham merat tal thun 2020 brei ngak tabiak kaya nong mek hu 200 trieu dong saong tal thun 2030 hu 400 trieu ka sa hecta; kuhyaok thun jien duah hu meng bruk ngak nong tagok  3%

5 # Baoh dit tame di  Công Phượng hu dong ka Olympic Việt Nam mbang Ba-ranh saong  tỷ số 1-0, dalam mbang  pakacah dhi 1/8 chaoh blong  likei rah tabiak di sân vận động di  Bekasi (Indonesia) melam bloh  (23/8) piah mbang akaok meti hu tame tứ kết ASIAD. Harei  27/8, Olympic Việt Nam dit tứ kết di angaok mblang Bekasi song  kapul  Olympic Syria, Kapul yam tapa Palestine haong tỷ số 1-0.

Patui di ni dom khau tin dunya

6# UB pasang iek saong pacang caga bala pakat negar lào brei thau, ia sua kayua dom mbang ribuk birau ini di negar ini ngak khut khta biak trak ka manuac sia saong drap ar, ngak metai takik di nyu lac 46 urang,  lahik 97 urang oh ka duah mboh saong 4 urang njauk rambuac. Ribuk Sơn Tinhsaong Bebinca ngak hajan khang meng bilan 7 tal bilan 8 thun 2018, ngak ribuk di ralo labik, ba tal 82.460 baoh sang  di 79 huyện di 14 tỉnh di Lào gaok kan kandah. Labaih 11.380 urang njaukpanduan ba nao labik krei. Urang jakar Lào khan lac, bruk daong saong pasiam dom khut khat kayua ribuk daok hu peih tabiak ngak

7 # Cục Khí tượng Hàn Quốc brei thau: mesup ni  24/8, ribuk  Soulik  tuh tame ban Đê-i-châng( Daejeon), tỉnh Nam Chungcheong, atah di ban Xơ- un labaih 140 km mai gah merong song dok tuh tame  gah đông bắc. Ribuk ba tui hajan khang song hangin khang ngak khut khat rilo sang danaok ,jalan mbak bo nyu nao tapa. Tui kuhria di mbang camereip, hu sa urang lahik song 2 urang karei njauk rambuac . Kayua ribuk , rilo tỉnh ban di  bhum gah merong Hàn Quốc hu hajan khang, hajan tagaok tal 300 mm. Labaih 7.800 sang bac di  Hàn Quốc, dalam nan hu sang bac mầm non, njauk kreih pambah mbang  . Ribuk Soulik lac mbang ribuk akaok meti  tuh tame  Hàn Quốc dalam 6 thun tapa.

8# Ngoại trưởng Nga Xéc-gây La-vrốp (Sergei Lavrov) birau brei panuac lac, taong abih dom gah negar langiu oh taduan hu panuac da-a meng rajaei di Tổng thống Xyri Ba-xa An Át-sát (Bashar al-Assad) njauk tabiak truh taneh ia Trung Đông ini, dalam nan hu Mỹ. Panuac nan di Ngoại trưởng Nga yau bruk cagar veik khang ngan saong panuac di Cố vấn an ninh negar Mỹ Giôn Bôn-tơn (John Bolton) pambuak tal bruk di Xyri, lac Iran njauk ba abih menuac di drei daok di Xyri mai veik taneh ia, saong lac Nga daok laik tame kan kandah di mblang mesruh Xyri./