# / Beir harie kabroi 24/1 pasang iek bruk sẵn sàng chiến đấu  di gah cảnh sát cơ động, Thủ tướng Nguyễn Xuân Phúc ndom lac dalam tuk bruk dunya , khu vực song dalam negar hu rilo kan kandanh, abih di nyu nan lac khik ka rai duik siam mekre di bhpa bini dalam tuk tết, ye bruk kuhria caga lac biak prong, gah cảnh cơ động hu  ngak tayah rilo thủ đoạn di kol khamang, pambuak bruk song dom gah dalam ngành song fom gah karei karei piah ngaksiam bruk hu jao brei

#/ Pambuak tal bruk klaoh cáp quang tasik, harei 24/1, Cục viễn thông, mintri thông tin saong truyền thông brei thau: cục hu tacei pato dom doanh nghiệp samar pasiam bruk nan, daong palagaih brei kapal tame pasiam veuk. Urak ini, pathau khan di dom nhà mạng brei mboh, dua jalan cáp ala tasik AAG saong APG hu pasiam bloh. Dom doanh nghiệp viễn thông hu pambuak saong dom đối tác negar langiu chuyển lưu lượng kết nối, urak ini hu pasiam veik 80% jalan truyền, eng FPT hu pasiam veik tal 90%

#/ Mbang padeih Tết Nguyên đán thun ni dui atah 7 harei, rilo labik du lịch main di tỉnh ĐL hu halan hatain taduan tuai rivang main. Labik Du lịch sinh thái cộng đồng Kotam, phường Tân Hòa, ban sit  Buôn Ma Thuột dok peih ngak dom bruk yau : hái lộc đầu xuân, main bhap bini hu thưởng. Di pasak  Du lịch Hồ Lăk, huyện Lăk,  tapen dom bruk yau  chèo thuyền độc mộc, yau tame palei duah thua ka rai duik di urang MơNông,   dom công ty dok pambuak bruk song bhap bini puk palei ngak dom janih đặc sản di labik yau cơm lam, gà nướng, chả cá thác lác.

#/ Harei 24/1, sở jalan mbak pajeng ba ban raya HCM peih jalan radaih buýt điện oh daong yaom akaok camereip, peih di pasak ban raya saong quận 7. Dom radaih buýt ini lac radaih 4 kong nduac meng năng lượng điện, 15 labik daok, yaok tuk nduac hu jaik 10km, lagaih ka tuai damuai, abih di nyu nan lac tuai damuai  negar langiu maong iek cảnh siam.

# Harei 24/1 Tập đoàn tư vấn đầu tư padang ngak  Kiên Giang peih bruk jao 18 boh sang ka urang ngak dalam đơn vị kan kandah ka sang dok. Piah dong ka urang ngak dok kan kandah meng sang dok, đơn vị hu buh jien tabiak jiak 7 tỷ 700 triệu đồng padang ngak 18 boh sang dok yaok boh sang prong 84 m vuông, dalam nan hu  1 trệt, 1 lầu, padang salah bloh. Yaom blei ka urang ngak lac 453 triệu đồng  sang boh sang beir jang yaom darka pasa labaih 30% .

#/ Pabak bruk nao mai ralo dalam tuk tết ini, sở jalan mbak pajeng ba tỉnh Cà Mau tacei pato dom đơn vị chuyên trách caga radaih, kapal khik ka bruk nao mai di bhap bini hu lagaih. Di mblang radaih Cà Mau, langiu bruk pambuak saong dom doanh nghiệp pajeng ba tagok mbang pajeng bhap bini nao palei mbang tết, đơn vị ini hu caga 33 phương tiện pajeng ba, oh lui rah tabiak bruk gar veik tuai damuai./.

#/ Beir harei kabroi 24/1 radeih meng gah ban raya HCM tuh mai gah merong tui jalan roya 1 di tỉnh Tiền Giang tagok 3-4 mbang dut song dom harei, ngak tui bruk pajeng di angaok jalan ni biak kan kandah. Hu 9 boh tatua meng di huyện Châu Thành tal huyện Cái bè biak sit nan ye radeih peih tapa biak kan kandah. Gah chức năng hu mbaok piah langyah bruk nao mai piah ka dom radeih peih nduac hu siam.

Patui di ini dom khau tin dunya:  

#/ Harei kabroi, Chi lê brei thau lac daok tui bruk thỏa thuận  pablei salih dua gah ngan saong dom đối tác xuyên Thái Bình Dương (TPP) karei karei hadei di tuk Tổng thống Mỹ Đô-nan Trăm mbaoh tangin tame sắc lệnh hành pháp brei tabiak truh Hiệp định đối tác xuyên Thái Bình Dương (TPP).  Brei panuac di mbang họp báo, Ngoại trưởng Chi-lê Mu-nốt brei thau, taneh ia ini hu panuac caong peih bruk ginum meyai saong dom thành viên TPP karei jeng yau TQ saong HQ saong dom taneh ia ini hu panuac pachreih tui.

#/ Gah Y tế dunya  harei 23/1  hu pachreih bruk tui iek catang jit kum menuk ada, saong hu panuac ieu dom negar payua harak pathau khan ka jit ruak. Di mbang họp báo di Giơ-ne-vơ (Thụy Sĩ) Giám đốc kapul  Y tế dunya Ma-ga-rét Chan brei thau bruk njom mbak di jit cúm urka ni, njauk samar pacang cakak song tui iek jit ruak meng di tuk tamuh tabiak. Meng ilamu di dom mbang jit Ê -bô-la, dịch Mớt rah tabiak dahlau di nan, Gah Y tế dunya khin dom negar peih ngak  njauk tuk, jui iek lap dom panuac khan tuk camereip.

#/ Trung Quốc saong Philippin barau njauk hatai pambuak bruk dalam 30 dự án praong yaom 3,7 tỷ đô la Mỹ, pataom tame bruk patruh eik patrun kathaot. Bruk ini hu khan brei thau hadei di mbang taom gaok di lambaok dua taneh ia di ban ine Bắc Kinh di harei 23/1. Akaok mintri jien padai Philippin Các-lốt Đô-min-gu-ê ndom lac, dua gah hu mbang taom gaok biak kein lagaih, ginum meyai ka dom dự án praong di dom bhum palei pala jeng yau dom dự án sit jang./.