1/ # Harei kabroi 5/6, di Tokyo, Nhật Bản, Thủ tướng Nguyễn Xuân Phúc pan akaok kapul pakat glong Việt Nam hu mbaok di nyaom biai tương lai Châu Á mbang 23. Pok panuac di nyaom biai, Thủ tướng Nguyễn Xuân Phúc ndom lac, tuk vak toàn cầu hóa meda ngak ka Châu Á rilo cuang kandah. Dalam nan hu dom bruk meriak gauk di bhum taneh song bruk pamedeih tagok di chủ nghĩa bangsa cực đoan, bruk bất bình đẳng gah kinh tế daok tagok glaong, bruk patagok kinh tế song công nghệ biak samar dalam tuk bruk quản trị di pakat dunya song dom taneh oh ka tui samu.

2/ Di tỉnh Quảng Bình,, pandiak bhang ngak kan kandah khang tal bruk ngak nông. Ralo taneh padai hè thu barau drak daok mbuan metai thu kayua kurang ia. Urak ini, tỉnh quảng Bình drak hu jaik 12.000 ha padai hè thu, mek hu 75% bruk ba tabiak. 

3/ # Sang iek ruak Đa khoa Khu vực Tây Bắc tỉnh Nghệ An lac sang ie kruak taduan urang ruak meng dom huyện bhum ceik di  tỉnh yauQuế Phong, Quỳ Châu, Quỳ Hợp, Tân Kỳ, Con Cuông, Nghĩa Đàn. Jaik sa adit ni mai, kayua pandiak bhang yau nan ye urang ruak tame sang iek ruak biak rilo.

4/ Di tỉnh Thừa Thiên-Huế, pandiak bhang dui atah ngak srau kadau rai diuk saong bruk ngak mbang ngak huak di bhap bini. Piah nyaik pandiak khang yau pui, bhap bini tuh mai dom mblang tasik Thuận An, Lăng Cô, Cảnh Dương… menei ia tasik atau mai tal gilang tapuk, công viên tui kraong Hương piah nyaik pandiak.

 5/ # Salih janih phun pala piah lagaih song bhum taneh di yaok puk palei lac bruk njauk ngak. Paglong hatai sahaneng hu bruk nan, ong  Kim Cơ, thun ni umo 64 thun, dok di palei Cổ Tháp B, xã Nguyệt Hóa, huyện Châu Thành, tỉnh Trà Vinh, khang hatai salih meng taneh pala padai kein liba takik tapa pala phun karei, camereip ba mai kein liba KT glong.

 6/ 5 likei dam daok di tỉnh Sóc trăng jak gauk buh tabiak tal 1 tỷ đồng piah pala njam hacih, caong khin pabak njam an toàn yaok harei ka urang blei pandar. Meng công nghệ barau saong ndom oh hong hóa chất, njam kayua dom ayut ini pala daok ba mai hatai jia ngan saong urang blei pandar ka njam hacih.

7/ # Piah dong ka urang  song dong yaom ka urang pandar, meng harei ni 6/6 tal harei 10/6  Công ty Cổ phần  Việt Nam Kỹ nghệ súc sản (Vissan) trun yaom khang tong abih dom janih pandap rilaow pabui  VietGAP, trun meng 30 tal 42%.  Danak dak trun yaom khang hu peih ngak di tong abih dom labik pablei rilaow that  di  Vissan dalam ban raya Hồ Chí Minh. Yaom dom janih rilaow pabui trun dok 40 tal labaih 80 ribau đồng/kg. 

Patui di ini dom khau tin dunya:

8/ Cộng hòa Séc tuk halei jeng iek Việt Nam lac ayut, pambuak bruk praong saong lac pabah mbang piah tame châu Á. Ini lac panuac ndom di ong Rô-đốp Jin-đ-rắc, urang dang akaok iek gah đối ngoại Văn phòng Tổng thống Mi-lốt Dê-man calei panuac sua di urang vak di rayo sap ndom VN anak tuk kapul tagok jalan mai rivang Việt Nam

9/ # Tổng thống Nga Vladimir Putin (Vla-đi-mia Pu-tin) hu mbaoh tangin tame  sắc lệnh tah klak dom jalan kinh tế đặc biệt bo negar ni áp đặt tagok Thổ Nhĩ Kỳ meng puac thun 2015, pagam tal bruk Ankara cuh laik sruh kapal haoh di Nga hu mbaok di mbang mesruh pacang khủng bố di Syria. Langiu di nan, Tổng thống Putin hu mbaoh tangin tame quyết định pasiam veik sa  thỏa thuận miễn thị thực ngan song bhap bini 2 negar, njauk đình chỉ meng harei  1/1/2016 tal ni. 

               10/ Harei kabroi 5/6, Ủy ban Bầu cử negar Campuchia hu brei thau kết quả tuk camereip di 1.646 xã, phường hadei bruk bầu cử barau rah tabiak sa harei dahlau nan. Đảng Nhân dân Campuchia (CPP) cầm quyền daok dang akaok, đảng đối lập CNRP dang ka dua./.