#/ Harei 7/12 di trụ sở Trung ương Đảng, Tổng Bí thư Nguyễn Phú Trọng, Bí thư Quân ủy Trung ương hu taduan gaok dom urang lambaok kamei quân đội mai hu mbaok di nyaom roya lambaok urang kamei quân đội mbang ka 6. Di var taom gaok, Tổng Bí thư Nguyễn Phú Trọng cong khin urang kamei quân đội patagok meng kan siam mekre di quân đội bhap bini VN song di urang kamei Việt Nam anh hùng.   

# / Di tỉnh Quảng Ngãi, hajaln ia sua jeng daok rah tabiak khang, pacang cakak  ralo puk palei. Tui mban Chỉ huy pacang cakak bala langik tasik saong dauh daong urang njauk bala tỉnh Quảng Ngãi, hajan ia sua ngak 7 urang metai, dauk jaik 1.500 baoh sang. Karja di ralo puk palei dalam tỉnh Quảng Ngãi hu peih bruk daong pandap mbang, ia menyum ka bhap bini.

#/ Di ban sit Gia Nghĩa, tỉnh Đắc Nông, Trung ương Kapul dam dara cộng sản Hồ Chí Minh bahrau peih ngak “ Harei hội dam dara dom bangsa Tây Nguyên thun 2016” song hu mbaok di labaih 700 urang đoàn dam dara di 5 tỉnh  Kon Tum, Gia Lai, Đắk Lắk, Lâm Đồng song Đăk Nông. Harei hội dam dara dom bangsa Tây Nguyên lac sa bruk meng kan hu dom pakat bộ Đoàn 5 tỉnh Tây Nguyên peih ngak bhian randap, lac tuk piah dom urang đoàn, dam dara dom Tây Nguyên tagok bruk jum pataom, taom gaok, klak rabha ilamu dalam bruk bruk Đoàn - Hội - Đội. 

#/ 5 thun tapa, hội khoa học kỹ thuật tatua jalan mbak tỉnh Bến Tre hu jak ba, daong padang ngak 785 mbaik tatua palei pala meng bê tông, cốt thép saong labaih 111km jalan bê tông xi măng, jalan katak ngan saong abih tih phun jien padang ngak lac 242 tỉ đồng. Dalam nan, jien daong jaik 189 tỉ đồng, bhap bini puk palei rik daong saong kadung jien đối ứng lac 53 tỉ đồng.

#/ Urak ni, tui kuhriayaok thun, sang iek ruak đa khoa huyện Đầm Dơi, tỉnh Cà Mau taduan 20 urang ruak, dalam nan hu ruak tangin takai cambuai, pandiak tabiak darah, chraoh aik song dom ruak  meng  jalan suak yava. Anak bruk ni, gah Y tế huyện Dầm Dơi samar peih ngak rilo jalan pacang cakak, oh piah ka ruak pambak di rilo labik. Jabat chức năng hu panuac kakei urang, dalam tuk vak salih bilan, brei cảnh giác, samar pambuak bruk khang kajap song jabat y tế jiak di abih piah pacang cakak jit ruak

#/ Pamaong mai bhum kreih negar ralo drah, kapul ngak pahala ban sit Mỹ Tho, tỉnh Tiền Giang barau brei kapul nao rivang, alin pandap ka 700 baoh sang kan kathaot njauk khat lahik trak kayua ia sua di dom huyện Minh Hóa; Quảng Trạch, tỉnh  Quảng Bình. Yaok paoak pandap hu: brah, pandap mbang menyum saong jien mbaok 750.000 đồng. 

#/ Tui panuac khan di pasak Y tế dự phòng ban raya Hồ Chí Minh, kuhria tal harei 7/12, hu 2 urang njom Zika, tagok urang ruak tong abih di ban raya lac 103 urang . Bác sĩ Nguyễn Văn Vĩnh Châu, Akaok sang iek ruak bệnh nhiệt đới ban raya Hồ Chí Minh ndom lac: 

Bruk dok di labik lac taom dar khol drei hu anek ruak, ngak jeng ruak, yau nan ye bruk prong di abih lac puh ramik labik dok ka hacih saat .

Patui di ini dom khau tin dunya:

#/ Harei 7/12, Tổng cục Du lịch Việt Nam pambuak saong Đại sứ quán Việt Nam di Malaysia hu peih bruk xúc tiến DL di ban ine Kuala Lumpur, Malaysia. Mbang peih bruk ini oh lac piah yaih khan ka pren khang di DL VN, bo praong jang nan lac gah DL VN khin duah thau cambaih jang dom caong khin di tuai damuai Malaysia piah pabak, duh ka tuai damuai hu siam jang.

#/ Mintri ngak nong song patagok palei pala, bruk tong ikan song padai brah Mexico bahrau mboh tangin tame harak pambuak bruk Tổng cục Giám sát chất lượng, Kiểm tra song Kiểm dịch di Trung Quốc ka bruk peih prong darak pasa ngan song dom pandap kaya nong, padai brah xuất khẩu di Mexico.Dom bruk thỏa thua65nky1 kết gam tal bruk TQ peih pambah mbang darak pasa ngan song dom pandap kaya nong di Mexico yau boh việt quất, boh  bơ, dâu tây, rilaow pabui, song ia tasau.

#/ Tổng thống Mỹ barau hu pilih ruah, ong Đô-nan Trăm brei thau hu pasang iek yah klak hukum iek glang pren yava Ô-ba-ma-ke, taphia di nan sanya peih ngak sa kế hoạch iek glang pren yava siam jang saong yaom lagaih jang ka bhap bini Mỹ./.