1/ # Thủ tướng Rajaei bahrau mbaoh tangin brei adat buh jien tame ngak danak dak  "Dong pataom mek số liệu ka menuac sia  kayua Quỹ Dân số di Liên hợp quốc (UNFPA) dong . Danak dak hu peih ngak meng pok jien ODA oh bayar veik lac labaih 5 triệu đô la Mỹ; Phun jien  đối ứng meng jien mboah song pandap panda jiak 11 tỷ đồng.

2/ # Di var ngak bruk song  Ban Thường trực Ủy ban Trung ương mặt trận negar Việt Nam di beir harei 02/10, Phó Thủ tướng Vương Đình Huệ hu panuac ieu  dom mintri, dom gah pagam tal rik pren song  MTnegar  Việt Nam peih ngak jak jeng danak dak rayo papar sap binguk tapak “ Jum pataom kayua urang kan kathaot” thun  2017, peih tabiak jalan siam piah yaok thun peih ngak danak dak ni

3/ # Beir harei 2/10, ong Lê Tuấn Quốc, phó chủ tịch Ủy ban bhap bini tỉnh Bà Rịa - Vũng Tàu hu mbaok di labik tacei pato tapak bruk pacah danao Gia Hoét.  Jeng dalam harei nan  2/10,  25 boh sang hu panduan ba tal labik siam mekre, dom lực lượng karei hu mek mbao cuah, patau piah pacang cakak ia sua kayua danao pacah.

4# Kurang taneh pala drak daok lac bruk kan kandah dalam  patagok  kinh tế di bhum bangsa takik di tỉnh Gia Lai. Ni lac bruk ngak hu ba tabiak dalam mbang taom gaok cử tri dahlau di nyaom biai ka 4, Quốc hội mbang14, kayua Kapul urang Quốc hội tỉnh Gia Lai peih tabiak dalam  harei 2/10 di ban sit Ayun Pa.

5/ # Kapul pambuak bruk rilo gah di  tỉnh Đắk Nông bahrau chap 9 cơ sở pablei salih har Trung thu ngak suan ka bruk hacih saat pandap mbang, saong yaom jien abih tih  16 triệu 500 ribau đồng, lingiu di nan daok hu chap mek, am cuh klak rilo janih pandap suan hukum.

6/# Harei 2/10, Kapul pachreih bac tỉnh Đắk Lắk peih bruk pahadar  21 thun harei kapul pachreih bac Việt Nam.   Tapa nan, Trung ương Kapul pachreih bac Việt Nam alin brei harka meyaom ka 11 kapul nyaom, 16 urang, brei Kỷ niệm chương “Kayua bruk pato megru” ka 43 urang.

7/# Melam 2/10 (njauk tame harei 13/8 tui saka ia bilan), di ban Phan Thiết, tỉnh Bình Thuận) hu rah tabiak  melam pataom raok gom Trung thu thun 2017. Di angaok jalan atah jiak 2km, labaih 30 baoh gom prong song jiak  3.000 baoh gom sit hu raok meng mblang bein  Nguyễn Tất Thành tapa dom jalan prong song rah tui krong Cà Ty . 

Patui di ni dom khau tin dunya:

8/# Brei panuac dalam mbang taom gaok Thủ tướng Thái Lan Pra-dút Chan-ô-cha (Prayuth Chan-ocha) dok mai rivang Oa-sinh-tơn (Washington- Mỹ ), Tổng thống Mỹ Đô-nan Trăm (Donald Trump) harei 2/10 brei mboh hatai cong pasiam bruk pablei salih song Thái Lan dalam tuk vak anak tal. Tui Tổng thống Mỹ Đô-nan Trăm, pablei salih lac bruk dang akaok dalam danak dak prong di dom mbang ginum biai di ong  song Thủ tướng Thái Lan Pra-dút Chan-ô-cha.

9/# Kapul ngak  ô-tô Nít-xan Mô-tô (Nissan Motor) bahrau khan lac brei pataom mek labaih 1,2 triệu radeih oh ka hu pasang iek dahlau di tuk  xuất xưởng tui njauk quy trình kayua dom urang ginup thẩm quyền peih ngak.

10# Peih mbaok ka giải Nô-ben (Nobel) thun ni, giải Nô-ben Y học 2017  bahrau hu jao brei ka 3  urang ilamu khoa học  Mỹ lac  đồng tác giả di danak dak roh duah ka cơ chế phân tử tui iek  nhịp sinh học, atau dok ieu lac  đồng hồ sinh học di rup pabhap . Hu thau, 3 urang ini jeng lac dom urang ilamu khoa học naih gheih  song hu rilo rik dong ka negar Mỹ.