1# Harei 9/1, dom libik pambuak tal di 2 mintri ngak nong saong patagok palei saong mintri Công Thương  hu var nyaom taong yaom bruk pablei, pablei salih dom pandap panda thiet yeu ye: brah, saradang saong pandap mbang ( pandap raong glang, njam patam kaya ikan dalam ia) piah khik kajap darak pasal dom bilan akaok thun  2018. Di mbang nyaom, urang dang akaok dua mintri hu njauk hatai gauk paglaong pambuak bruk saong dom gah pambuak tal di dua gah pasang iek bruk ngak mbang, blei, pablei salih pandap mbang menyum thiet yeu dalam tuk Tết.

2 # Oh brei alin, hadiah pandap Tết ka urang dang akaok pakat angaok; oh brei pandar kadung jien karja, radeih pajeng, pandap công dalam dom bruk  hu tính cá nhân dalam tuk  Tết, rija roya…Ni lac asar kadha hu ndom dalam Chỉ thị ka  19 di  Ban Thường vụ Tỉnh ủy Quảng Ninh ba tabiak harei  8/1 ka bruk patagok tacei ba bruk peih Tết Nguyên đán 2018. Dalam tuk Tết Nguyên đán 2018, dom puk palei peih bruk cuh pháo bingu kein lagaih song kinh tế di dom puk palei, min brei khik ramik patak patom siam mekre song oh pandar kadung jien karja.

3# Tui Sở ilimo, padhih saong Du lịch tỉnh Đắk Lắk, thun 2018, tỉnh daok peih ngak dom danakdak, dự án patagok du lịch dalam tỉnh, piah pachreih rilo urang tuai mai dom libik du lịch ngan saong bruk ba tabiak lac duh ka 810.000 mbang tuai du lịch, kham merat mek jien tame 750 tỷ đồng. Urak ini tỉnh Đắk Lắk daok pataom tame patagok du lịch cộng đồng, du lịch sinh thái angaok bruk patagok pren khang di cảnh quan saong ilimo dom bangsa . 

4 # Phòng Cảnh sát môi trường Công an Tây Ninh bharau pambuak bruk song kapul  khik iek darka pasa ka  3 song kapul  Thú y huyện Hòa Thành pasang iek  cửa hàng rilaow limo  Kim Chi di pasak pablei salih Long Hoa, Hòa Thành kayua muk  Nguyễn Thị Kim Chi ngka po. Di labik ni  kapul pasang iek  mek  mẫu ngẫu nhiên meng 20kg rilao limo  dok pablei di di sạp duh iek samar brei thau  kết quả dương tính song hàn the. Kapul dok duah mboh 40kg klik limo oh nhãn mác; 155kg thịt kubau oh talang hu asar meng negar langiu, 30kg talang dom janih; limek limo, dahlak limo 23 kg, tong abih oh hu hóa đơn, asar di nyu. Urak ni bruk dok hu duah thau cambaih laih.

5# Tỉnh Trà Vinh barau patabiak quy định daong urang nong ramik pasiam libik gaok khat lihik kayua bala lingik tasik, jit ruak ngak tabiak dalam tỉnh. Cambaih laih, dom janih menuk ada tal 28 harei hu daong 20.000 đồng/sa drei saong paglaong 28 harei hu daong 35.000 đồng/sa drei. Dom janih menuk ác, chim cút, tatrau hu daong meng 10.000 - 25.000 đồng/sa drei pasang tui harei caih tabiak.

6 # Peih ngak bruk tacei pato di akaok  mintri  Thông tin song Truyền thông, Cục Báo chí hu  công văn số song hu panuac ieu Tổng biên tập báo Lao động tacei ba ngak cambaih laih  bruk urang vak miệt thị Hoa hậu Hoàn vũ Việt Nam 2017 H'hen Niê. Cục Báo chí pandar  báo Lao động langyah tui hukum song pathau khan ka mintri  song  Ban Tuyên giáo Trung ương dahlau di harei 12/1.

Patui di ni dom khaw tin dunya

7# Gilang pariak dunya harei 9/1 hu paglaong tanut dự báo patagok di dunya dalam thun 2018 tagok 3.1%, tagok labaih 0.3% duk saong tanut kuhria caga meng bilan 6/2017. Mỹ- gah kinh tế praong abih dunya, kuhria caga jhul khang jaik 1 rabau 500 tỷ đô la meng đạo luật ramik pasiam thuế hu quốc hội ba tabiak bilan dahlau. Gah kinh tế Mỹ meda patagok  2.5%  dalam thun 2018, 2.2% saong 2% dalam dua thun tal. Tanut patagok tui kuhria di Trung quốc lac 6.4%, 2.1% ka bhum jien chung Euro saong 1.3% ka Nhật Bản. 

             8  # Jalan patagok negar di Thái Lan thun  2018 hu pataom tame 06 lĩnh vực dalam nan hu  ngak nong, dịch vụ, du lịch, pablei salih, hậu cần song  kỹ thuật số, piah patagok bruk meriak gauk song rik dong ka bruk ba Thái Lan jeng sa negar patagok dalam  20 thun anak tal

9#  Gah Y tế dunya ( WHO) brei thau, hu takik abih 514 urang di Yê-men gaok ruak bạch hầu, ngak ka 48 urang metai. Jit ruak patuh tabiak meng kreh bilan  8 saong daok di jalan patagok. Yê-men daok dang anak bruk khủng hoảng trak ngan saong 8 triệu urang daok ndih dalam eik lipa saong hệ thống y tế bain.