#/ Tui Sở Lao động - Thương binh song  Xã hội tỉnh Đồng Nai, thun 2017 hu labaih 85.000 urang hu ba brei bruk ngak . Dalam nan dom DN taduan jiak 54.000 urang, ba brei bruk ngak tapa bruk pablah dom danak dak KTXH karei ( brei boh sang kathaot mesraiy, pato pakai bruk ngak ka urang ngak palei pala) ka labaih 27.700 urang. 

#/ Tây Ninh urak ini hu abih tih tapon limo labaih 86.000 drei, hu raong rilo di 4 huyện: Trảng Bàng, Châu Thành, Tân Biên saong Dương Minh Châu. Pambak tame dom siam lagaih di taneh riya, mblang hareik praong, pandap mbang ralo, tỉnh hu daong bhap bini anek pajaih, phun jien piah patagok tapon limo pablei, jien mek tame yaok thun yaok pluh triệu đồng sa baoh sang.

#/ Meng taneh prong 40m², rami ramik ngak var rol rong 30 drei chồn hương meanek,  sang saai Liêu Thành Thuận, daok di khóm 8, phường 7, ban sit  Trà Vinh, tỉnh Trà Vinh duah hu labaih 150 triệu đồng sa thun.

#/ Bruk raong pabe daok patagok khang di dom puk palei tapen tasik kan kandah di tỉnh Tiền Giang yau: Gò Công Đông, Gò Công Tây, Tân Phú Đông…Tui kuhria, dalam tỉnh urak ini hu atih tih tapon pabe jaik 80.000 drei. Thau ini lac athur raong barau hu jalan patagok kinh tế, pasak pachreih nông  di sở ngak nông saong patagok palei pala tỉnh Tiền Giang  kham merat ba brei ilamu raong glang, pambak praong dom bruk raong pabe hu kein laba. Abih di nyu nan lac, sangka pasiam tapon pabe puk palei piah patagok yaom kinh tế saong pren merak gauk di drei pabe angaok darak pasar.  

#/ Thun bac 2015- 2016, jiak 700 SV di tỉnh Đồng Tháp dok bac di dom sang bac ĐH, cao đẵng dalam song langiu tỉnh hu taduan pok jien bac  Nguyễn Sinh Sắc,  abih tih jiak 1 tỷ 800 triệu đồng.  Hadei di 6 thun peih ngak, abih tih yaom jien bo kadung jien pachreih BAC Nguyễn Sinh Sắc hu alin brei song pok meyaom lac labaih 33 tỷ đồng. Taeng thun bac 2015 - 2016, kadung jien pachreh bac Nguyễn Sinh Sắc hu alin brei 43 pok jien bac ka anek saih trung cấp nghề dok bac di dom sang bac nghề dalam tỉnh piah pachreih ba dom adei bac bruk ngak samar hu bruk ngak.    

#/ Công ty cổ phần  pajeng ba jalan pasei Bei Gon hu panuac brei thau bruk tabiak mbaok dom blah website pablei harak radaih pui tết ja tui yaom siat jang meng 4 tal 5 mbang duk saong harak di gah jalan pasei. Kayua yau nan ye, Công ty cổ phần pajeng ba jalan pasei Bei Gon khan brei tuai damuai thau saong palih ruah tuk blei harak radaih pui. Piah blei harak, duah thau ka mong radaih pui, yaom harak saong dom quy định karei, tuai damuai truy cập tame website di Tổng Công ty jalan pasei Việt Nam (www.dsvn.vn). 

#/ Harei patom pandap mbang bingi dom neggar 2016 hu rah tabiak meng harei 15 tal harei 18 di mblang bein Lê Văn Tám, Quận 1, ban raya Hồ Chí Minh.Harei pataom hu angan lac “Nghệ thuật ẩm thực đa giác quan” hu rilo salih bahrau dalam danak dak peih ngak piah patagok bruk mbang menyum ka tuai damuai. Dalam harei patom, rilo bruk hu peih ngak yau ngak iek song duh bruk pandap mbang pak di dom gian hàng, yaih khan palei ngak pandap mbang meng ka, yaih khan alk vang dom negar. Parang iek thaot bingu nghệ thuật mbang huak, taom gaok bếp trưởng 5 patuk

 Patui di ini dom khau tin dunya:

#/ Sa mbang megei baoh taneh khang 6,2 độ Rích-te barau rah tabiak di bhum tự trị Tân Cương, Trung Quốc. Tui gah pasang iek địa chấn Trung Quốc, mbang megei baoh taneh rah tabiak tukvak 1 tuk 15 minit harei 8/12 (mong puk palei, pasak di mbang megei baoh taneh  atah thủ phủ U-rum-chi 100 ki-lô-mét mai gah pai saong dalam 6km. Mbang megei baoh taneh ngak ka dom sang vil val labik nan taduan megei. Urak ini oh ka hu panuac khan ka khat lahik meng mbang  megei baoh taneh ini.

          #/ Tui kapul pasang iek quyền anek menuac hu  trụ sở tại Niu Yoóc (Mỹ), Phi-líp-pindok dang anak bruk njom mbak  HIV  samar abih di dunya  . Phi-líp-pin lac sa dalam 3 negar di bhum châu Á - Thái Bình Dương hu mong lac “ sruh jit” di HIV/AIDS. Bruk njom mbak HIV dak harei dak trun di dunya, min Phi-líp-pin lac sa dalam 9 negar di dunya dok hu bruk njom mbak HIV tagok glaong.

#/ NB saong Nga meda brei thau ka jalan ngak piah jhul patagok dom bruk ngak hong gauk angaok quần đảo daok merak gauk di dua taneh ia. Panuac di rajaei NB brei thau, bruk nan meda hu ba tabiak hadei di mbang taom gaok di Tổng thống Nga Pu tin saong thủ tướng NB Xin do A be di kreih bilan 12 ini./.