1# Piah tani tanat raidiuk ka 5.389 sang bhap bini daok di bhum mbuan hu bala meng lingik tasik, bhum biak kan kandah, bhum njom ia mbak tapen tasik…, Ủy ban bhap bini tỉnh Ninh Thuận hu mbaoh tangin brei adat peih ngak đề án rami ramik labik daok tani tanat ka bhap bini tukvak 2016-2020, pamoang tal thun 2025. Piah ngak bruk ini, Ninh Thuận caong hu labaih 1.259 tỷ đồng, min kayua phun jien buh tame ngak biak praong, nan ye dom dự án rami ramik labik daok ka bhap bini di tỉnh urak ini jeng oh ka hu peih tabiak ngak.

2/ # Uan bilan eik  Ramưwan thun 2017,  Tỉnh ủy, Hội đồng bhap bini, Ủy ban bhap bini, Ủy ban Mặt trận negar Việt Nam tỉnh Bình Thuận hu brei kapul nao rivang dom vị sư cả, chức sắc Chăm tui agama Bani  dalam tỉnh. Di dom labik nao rivang dom urang pan akaok  tỉnh tong yaom glong bruk jum pataom gauk di mik va Chăm tui agama Hồi giáo song mik va dom bangsa karei di tỉnh. Bình Thuận lac sa labik hu rilo mik va Chăm daok, kuhria mboh labaih 41.000 urang, dalam nan hu labaih 15.000 mik va Chăm tui agama Bani.

3# Yaom cao su pajaih di Bình Phước daok hu yaom biak glaong kuhria meng dahlau mai. Urak ini 1 phun pajaih cao su stum trần meng 7000- 8000 đồng, tagok 2 ribau đồng dut saong bilan dahlau, daok stum bầu oh ka hu hala yaom 16000 đồng yaok phun, tagok 6 ribau đồng dut saong bilan dahlau, daok stum bầu hu 1 tầng hala lac 19 ribau đồng, 2 tầng hala 25 ribau đồng, tagok 8 ribau đồng sa phun cây dut saong bilan dahlau nan. Tui kuhria meng ini tal thun 2020, taneh pala cao su di Bình Phước hu 250.000 ha.

4/ # Tỉnh Trà Vinh urak ni dok dalam tuk palao rong hadang  càng xanh di 2 bhum ia taba song ia mbak. Hu labaih 8 triệu anek pajaih hadang càng xanh hu rong dalam thun ni, min meda pabak hu 25% ka urang rong dalam  tỉnh.Yaok thun, Trà Vinh hu jiak  2.000 boh urang nong dalam tỉnh palao rong hadang càng xanh di taneh prong labaih 1.300 ha, dalam nan anek hadang càng xanh labaih 34 triệu drei. Dalam tuk nan, bruk rong pajaih hadang càng xanh toàn đực di pasak pajaih kaya ikan Trà Vinh meda tagok takik di abih meng 2 – 3 triệu drei/ thun

5# Long An kham merat thun 2017 hu gac 8 xã mek hu chuẩn palei pala bahrau, patagok abih tih dom xã mek hu chuẩn palei pala bhrau hu 65 xã, meblah 39,2%;  dom tanut mek hu dalam tỉnh lac 16 tiêu chí ka yaok/xã.Piah ngak hu bruk nan, tỉnh daok pataom pren yava jien padai tame ngak dom cơ sở hạ tầng praong dalam xã, ấp; peih ngak Đề án rami ramik veik gah ngak nong …Tui kuhria, abih tih phun jien peih ngak danak dak padang ngak palei pala bahrau thun 2017 di tỉnh Long An jaik 2.300 tỷ đồng.

6/ # Piah paglong chất lượng pabak ka urang puac, meng ni tal luac thun từ nay Gilang tapuk tỉnh Bạc Liêu peih ngak hu siam lagaih bruk ứng dụng phần mềm khik ramik siam bruk ngak di gilang tapuk dalam tuk khik ramik  harak tài liệu, palagaih ka urang puac dalam bruk roh duah, pambuan bruk brei thẻ, peih prong dom jalan pabak urang puac, palih ruah pabak tài liệu lagaih, hu chất lượng, brei ka urang puac. Thun 2017, Gilang tapuk  tỉnh kham merat pabak  15.000 harak tapuk, cấp thẻ bahrau jiak  2.300 thẻ, pabak  230.000 urang puac. .

7# Urak ini, di tỉnh Cà Mau hu tal 27 labik kraong, ribaong mbuan glut jaleih, atah abih tih jaik 40 km; dalam nan hu 8 labik daok dang anak bruk glut jaleih dalam bilan hajan ribuk thun 2017 ini. Dom labik njauk glut jaleih rilo meng lac di dom huyện Năm Căn, Đầm Dơi saong Ngọc Hiển, ngak kan kandah tal jaik 1.000 baoh sang urang daok dalam bhum.

 Patui di ni dom khau tin dunya

8/ #  Dom urang khảo cổ học Argentina bahrau duah mboh sa mặt nạ menuac meng ban hình chữ nhật hu ngak meng 3.000 thun dahlau di ceik  Andes gah  Tây Bắc Argentina.Ni lac pandap meng ban klauk di abih kayua menuac urang duah mboh di labik ni .

9# Bruk blac raih cakak klak dom hạch bạch huyết di labik tamuh khối u – bhian hu maong lac siam abih dalam bruk iek ruak ung thư tế bào hắc tố da (melanoma)  bahrau ini hu mboh lac oh daong hu  ka urang ruak diuk livik jang dut saong oh blac raih. Ông Mark Faries (Mác-Phe-ry), Akaok Khoa Phẫu thuật ung thư di Viện roh duah saong thực hành y khoa The Angeles saong jeng lac urang dang akaok bruk roh duah, dom duah mboh bahrau di kapul roh duah meda daong patrun dom mbang blac raih cakak klak hạch bạch huyết di dunya. 
Tui kuhria, di Mỹ,yaok thun hu labaih 10.000 menuac metai kayua  ung thư tế bào hắc tố.

10 # Dom urang  khoa học Mỹ khan lac công nghệ chụp cắt lớp não meda dong duah samar dom salih bahrau ka bruk chức năng di uranaih mbuan si ruak  tự kỷ, meng di tuk uranaih labaih 6 bila, meng nan dự đoán meda ruak dahlau di tuk umo 2 thun  trước 2 tuổi.