#/ Peih ngak Đề án padang ngak tatua tual dân sinh.., Sở Giao thông vận tải tỉnh Sơn La song dom huyện, ban dalam tỉnh pambuak bruk song dom đơn vị di mintri Bộ Giao thông vận tải pasang iek dom boh tatua njauk padang ngak dalam thun 2016-2017 lac 28 boh tatua, saong yaom jien buh tame ngak abih tih labaih 53 tỷ đồng. Hu thau, dom thun tapa meng rilo phun jien, dalam tỉnh hu 550 tatua dân sinh hu padang ngak dalam nan hu 116 boh tatua khang song 434 tatua tual, dong tagok KTXH, pabak bruk nao mai di bhap bini.

#/ Labaih 3.000 tấn brah meng gilang khik piah pakat negar hu cục khik mepiah karja bhum Bình trị Thiên hu parabha mai dom puk palei di tỉnh Quảng Bình njauk gaok kan kandah kayua môi trường tasik. Brah ini hu peih brei njauk menuac, daong mikva urang taong cap ikan yam tapa dom kan kandah urak ini. Ong Nguyễn Quang Huy, urang jakar Cục khik mepiah karja bhum Bình Trị Thiên lac: Hadei di tuk taduan hu lệnh di pakat angaok, kol dahlak hu pataom pandap mai dom palei, xã piah peih brei bhap bini nan ye hu bhap bini jia”.

#/ Tui mban bangsa tỉnh Hậu Giang, thun 2016, tỉnh hu parabha jiak 7 tỷ 500 triệu đồng peih ngak danak dak 135, dalam nan, dong ka mik va Khmer di 29 palei biak kan kandah piah patagok KT, padang 7 danak dak jalan mbak palei pala song sa sang bac mẫu giáo. Peih bruk dong ka 177 boh sang mik va bangsa Khmer, padang sang dok, blei taneh pala drak, song yaom jien jiak 4 tỷ 500 triệu đồng. 

#/ Peih ngak danak dak daong ka dam dara bangsa Khmer kan kathaot patagok kinh tế baoh sang, tỉnh đoàn Trà Vinh hu pambuak bruk saong dom puk palei alin phun jien ka 12 urang đoàn dam dara meng jalan alin limo tapak ka dam dara raong glang, hadei di 3 thun hu bayar phun jien veik piah patui đầu tư ka dam dara gaok kan kandah karei. Ini lac danak dak kayua mban thường vụ tỉnh đoàn Trà Vinh peih tabiak, ngan saong bruk ieu dom doanh nghiệp, dom kapul nyaom, menuac dalam saong langiu tỉnh gam ba tangin daong ka dam dara palei pala gaok kan kandah, yam tagok ngak kaya meda.

#/ Di sang bac mầm non An Bình (phường An Bình, ban sit Biên Hòa), Mban tacei jalan danak dak Ia tasau sang bac tỉnh pambuak bruk song Công ty ia tasau Việt Nam (Vinamilk) peih harei roya ia tasau sang bac thun bac  2016-2017. Đồng Nai, urak ni lac tỉnh ka 3 dalam negar ( hadei di Bà Rịa Vũng tàu song Bắc Ninh ) peih danak dak Ia tasau sang bac. Hu mbaok dalam danak dak ni, amaik ame tok rik tame 35% yaom jien ia tasau, dok veik kayua kadung jien karja song công ty ia tasau  atau doanh nghiệp dong brei.

#/ Di HN, Nhà xuất bản Kim Đồng song dom họa sỹ hu angan je peih parang iek blah rup cih danak dak “ Cih jeng dalikan”. Tui mban peih ngak danak dak, ni oh lac mbang camereip dom họa sỹ nhí hu mbaok tame dom danak dak cih blah rup cih, min ni lac mbang camereip dom blah rup cih hu cih angaok chất liệu chuyên nghiệp song kỹ thuật hội họa dok patagok, hu ba tabiak parang iek song padang kadung jien.

Patui di ini dom khau tin dunya:

#/ Mintri QP Nga brei thau, kol khủng bố daok kuhria peih dom bruk tấn công tame ban phố A-lép-pô của Xyri, dalam nan hu bruk pandar vũ khí hóa học.

#/ Cục trưởng Cục Kiểm soát ô nhiễm Thái Lan, ông Vi-chiên (Wichien Jungrungruang) brei thau, di mbang ginum biai dua gah di 2 negar bahrau ni, Thái Lan hu panuac sinya halan hatain dong Mi-an-ma patrun dom bruk khói mù, ảnh hưởng tal dom negar dalam bhum ASEAN. Ong Vi-chiên jeng brei thau, TL meda peih sa mbang ginum biai pakat akaok mintri song 5 negar thành viên di tiểu vùng Mê Kong, nan lac Thái Lan, Việt Nam, Mianma, Lào, CPC, DI puac bilan 1 thun 2017 piah langyah dom bruk khói mù di khu vực, yam tal bruk ASEAN oh hu khói mù.

#/ Mintri nội vụ Ai Cập brei thau daok peih sa chiến dịch praong piah taong tayah bruk pablei menuac di cư tui jalan tasik tapa địa trung hải tame châu Âu. Dalam chiến dịch, cảnh sát Ai Cập hu cap kreik 23 urang di 3 tỉnh karei karei di gauk di taneh ia Bắc Phi ini./.