1# Patui danak dak ngak bruk, harei ni ( 1/11), Quốc hội yam tapa harei ka 2 ginum biai di hội trường ka bruk peih ngak jalan patagok kinh tế-xã hội song kadung jien karja thun 2017; bruk patagok kinh tế-xã hội, kadung jien karja, bruk parabha kadung jien trung ương thun 2018 song bruk jien padai kadung jien karja 3 thun negar 2018-2020.

2# Pambuak tal bruk báo chí khan brei thau kadha nai gru pato mầm non hu 35 thun ngak bruk min tok taduan mek jien bilan padhieh bruk 1,3 triệu đồng/ sa bilan, ndom biai gah lingiu Quốc hội, Phó Chủ nhiệm Ủy ban ka dom bruk xã hội di Quốc hội Bùi Sỹ Lợi brei thau: oh njuak kayua sarak ngak suan bo kol drei daok salih barau tui jalan blei bảo hiểm glaong lac mbang jien bilan glaong, blei biar lac mbang jien bilan  bian.

3 # Phó Thủ tướng Chính phủ Vương Đình Huệ  bahrau hu panuac ieu mintri ngak song song patagok palei pala buh brei oh mek jien 600 tấn asar pajaih padai song và 100 tấn asar pajaih tangei meng gilang khik piah negar, ka 3 tỉnh  njauk gaok bala hajan ia sua meng bloh lac Quảng Trị, Hà Tĩnh song  Phú Thọ. 

4#Nyaom roya  kapul urang dahlau thiah ngak bol lin rayo sap ndom VN mbang yaka 3 tukvak 2017-2022, rah tabiak pagaiy harei 31/10 di Hà Nội . Rayo sap ndom VN urak ini hu jaik 200 hội viên urang dahlau thiah ngak bol lin. Hadei dua harei peih ngak, nyaom roya hu pilih ruah tabiak mban Ban chấp hành tukvak 2017-2022 hu 19 urang. Ông Trần Minh Hùng, Phó tổng giám đốc rayo sap ndom Việt Nam hu pilih ruah ngak akaok kapul urang dahlaiu thiah ngak bol lin rayo sap ndom VN.

5 # Ủy ban negar dong duah urang gaok bala bahrau brei thau, tal beir harei  31/10, bộ đội Biên phòng dom tỉnh, ban tapen tasik meng  Quảng Ngãi tal  Kiên Giang hu  pambuak bruk song karja palei, boh sang, po kapan,  thuyền trưởng pathau khan song tacei ba ka 34.392 kapan , thau ribuk rah tabiak, jalan nao di Áp thấp nhiệt đới piah samar duah labik pataok , pacang caga, tabiak truh, oh nao tame labik mbuan gaok kan kandah.

6#Uy mban bhapnini tỉnh Bình Định daok pasang iek bruk brei adat ngak kram labaih 400 rabau mét khối gluh, cuah kuac ramik pasiam jalan hàng hải cảng Quy Nhơn trun tasik. Ông Đặng Trung Thành, Giám đốc Sở Tài nguyên saong Môi trường tỉnh Bình Định brei thau, uy mbn bhapnini tỉnh hu jao  Sở ini pasang iek, pambuak bruk saong dom libik pambuak tal, mintri Giao thông Vận tải peih bruk taong yaom tác động di alam môi trường piah hu jalan langyah.

7 # Bhap bini meda hu blac draih brei saoh ung thư meng  robot bahrau di sang iek ruak Chợ Rẫy ban raya Hồ Chí Minh.  Ni lac danak dak dong brei di sang iek ruak ka  20 urang ruak camereip abih, tuk ba tame ngak bruk blac draih  meng robot bahrau di abihpiah iek ruak rilo janih  ung thư.

Khaw tin dunya   

8# Gilang pariak dunya harei 31/10 brei tapa paok jien tín dụng pabak tame 400 triệu đôla daong padang ngak pasiam dom bhum di Irắc barau hu peih paha tabiak truh kol IS.

          9# Sa pathau khan ilamu dunya bahrau hu panuac lac  biến đổi khí hậu dok ngak jak  tal pren yava di menuac urang  di dunya, song dom rajaei brei samar langyah bruk ni. Pathau khan hu vak di angaok Tạp chí y khoa Anh Giờ Lan-set (The Lancet), lac tapa ngak bruk di sa nyaom dom urang roh duah dunya song dom  bác sỹ hadei di tuk langyah, pataom iek dom  dữ liệu langik tasik, pren yava grauk labik di dunya.

          10# Harei 31/10, Tổng thống Cộng hòa Séc Mi-lốt Dê-man (Milos Zeman) hu jao  quyền padang rajaei barau ka ông An-đrây Ba-bít (Andrej Babis), urang dang akaok Phong trào A-nô (ANO) dân túy barau mek hu jayah di mbang pilih ruah labaih sa adit. Min, bruk padang rajaei barau daok gaok tavak tave meng bruk phản đối di dom đảng dalam hạ viện barau.