1# Biar harei 10/1, di Phnnôm-pênh, Cam-pu-chia, Thủ tướng Rajaei Nguyễn Xuân Phúc  ba akaok kapul pakat glaong Việt Nam nao pataom mbaok dalam nyaom biai pakat glaong pambuak bruk Mê Công - Lan Thương (MLC) mbang ka 2. Brei panuac dalam nyaom biai, Thủ tướng caong khin 6 taneh ia sangka patagok talei pambuak bruk khik caga saong pandar hu siam, khang kajap halau ia Mê Công, ba pambuak bruk ia jeng sa kadha praong pambuak bruk.

2 # Diễn đàn Kinh tế Việt Nam 2018 hu angan pamong tal bruk patagok samar song khang kajap hu rah tabiak mesup harei ni  (11/1) di  Hà Nội. Diễn đàn hu ba mai ka gah kinh tế Việt Nam jalan maong saong jalan ngak cambaih laih. 

3# Biar harei 10/1, ong Nguyễn Văn Thể, akaok mintri jalan mbak pajeng ba hu var ngak bruk haong dom urang dang akaok tỉnh Quảng Trị ka bruk buh jien ngak patagok jalan mbak dalam tỉnh. Daok bruk trun yaom harak radaih nao tapa  Trạm BOT angaok jalan roya 1A, Mintri jalan mbak pajeng ba njauk hatai tui panuac ba tabiak di tỉnh saong tacei dom gah pambuak tal, samar ngak ka nyu salah njauk adat hukum piah ba tabiak ngak dalam bilan 1 ini.

         4  #  Tổng cục Du lịch, Tạp chí Du lịch bahrau ba tabiak bruk pakacah thaot binguk  nghệ thuật Du lịch pakat negar mbang ka  8 hu angan “Hulin ranam Việt Nam” meng bruk pambuak gauk saong daong brei di Hội Nghệ sĩ Nhiếp ảnh Việt Nam. Bruk pakacah rah tabiak meng bilan 1/2018 tal bialn  6/2018. Thun ni lac mbang camereip Mban peih bruk taduan tác phẩm ảnh hu tame pakacah  tui dạng số, file ảnh hu định dạng jpg.

5# Di  ga Sài Gòn, melam 10/1, Tổng công ty Jalan pasei Việt Nam hu ba 6 sruh radaih pui bahrau ngak tame peih pajeng tuai angaok jalan pasei Thống Nhất. Dom radaih pui ini hu ngak meng 4 gah cơ khí lac: Jalan pasei, jalan kapal haok, Công nghiệp kapan ia saong Công nghiệp ô tô. 90 toa radaih di dom sruh radaih pui ini hu ngak bahrau meng công nghệ saong pandap siam, pacang tatuan pagei biak siam…

6 # Piah hu rilaow saat pablei ka urang pandar, gah ngak nong tỉnh Tiền Giang pathau khan, tacei ba song dong urang patagok bruk rong  menuk ada athur rong tui jalan sinh học; ba urang jakra thú y tui iek, duah thau, duh iek khik ramik khang  52 labik sik ngak menuk ada athur rong Ong Bùi Hồng Thái, Phó Giám đốc Hợp tác xã Nông nghiệp- dịch vụ Tân Mỹ Chánh, ban sit  Mỹ Tho brei thau:

Tuk Tết khol hulin tagok tuk ngak bruk. Yaom lac bhain ngak dalam 11 tuk ,  Tết ngak meng  9 tuk tal saboh mesup . Khik hu rilaow saat ka bhap bini , tuk blei pabui tame khol hulin brei thau pabui hu asar meng halei,meyah  oh  thau asar di nyu ye khan brei thau ka gah   thú y thau piah hu jalan langyah.

          Patui di ni dom khau tin dunya:

7# Harei kabroi (10/1), Tổng thống Mỹ Đô-nan Trăm hu panuac lac, Mỹ meda tame mai veik haong thỏa thuận Pa-ri ka khí hậu, yaom lac oh ba tabiak sa bruk hagait brei mboh ong khin ngak bruk inoi dalam tukvak urak ini.

8 # Tui panuac khan meng mintri  Nội vụ Pháp hu harak mbao  Pháp ba tabiak di akaok adit ni, dalam thun bloh hu  3.173 urang  Anh nộp đơn likau nhập quốc tịch Pháp song labaih  1500 urang , lac sa meteh dalam dom urang ni hu brei Hộ chiếu Pháp. Dut song thun  2015, lac thun dahlau di tuk rah tabiak bruk Brexit, ye urang  Anh likau  nhập quốc tịch Pháp urak ni rilo jang jiak 10 mbang.  

9 # Tui panuac di Sở y tế Hồng Công, Trung Quốc, dalam 9 harei tapa, Đặc khu ini hu 24 urang njom cúm trak, dalam nan hu 10 urang metai. Sở y tế kuhria mboh dahlau lac, dom urang njom cúm pak ini meda hu rilo jang di anak tal.