1# biar harei 10/5, Ban Chấp hành Trung ương Đảng ngak bruk di Hội trường, ginum biai ka Đề án salih bahrau bruk bảo hiểm xã hội (BHXH). Dahalu di nan, dalam var page mesup, Ban Chấp hành Trung ương Đảng ngak bruk tui tổ, ginum biai ka Đề án salih bahrau bruk bảo hiểm xã hội. Di mbang nyom, dom urang Ủy viên Trung ương hu langyah dalam rilo jalan ngak, bruk ngak bo Đề án ba tabiak, abih di nyu lac bruk dui pachreih, peih praong menuac urang tame BHXH, jeng yau bruk khik siam thu chi khang kajap di kadung jien bảo hiểm.

2 # Ong Huỳnh Đình Quốc Thiện, Giám đốc Muinyim  Đà Nẵng brei thau, di inem krung pakat negar  Thành Điện Hảibahrau duah mboh sa binah  ngak jeng danieng. Urak ni, danieng  gah Đông, Nam  daok jaik tamo. Danieng gah brak, Pai njauk dom boh sang dok jiak tapen lih mek.  Harei 29/3/2018, ban Đà Nẵng hu peih  bruk taduan harak pok angan Thành Điện Hải lac inem krung pakat negar  song peih bruk pasiam veik inem krung Thành Điện Hải mbang 1. Ong Huỳnh Đình Quốc Thiện, Giám đốc muinyim  Đà Nẵng brei thau, Công ty Cổ phần Đầu tư patagok Vishnu Huế  bahrau pathau khan tong yaom  song  ba tabiak bruk pasiam veik labik danieng gah pai, gah merong.

3# Ủy ban An toàn giao thông Quốc gia hu panuac caong mintri, ban, ngành, tỉnh, ban patagok dom jalan ngak piah khik caga siam mekre ka mbang pakacah Trung học phổ thông quốc gia saong tuyển sinh Đại học, Cao đẳng thun 2018 hu peih tabiak dalam 4 harei, meng 24/6-27/6/2018 di dom tỉnh, ban di thuộc Trung ương. Trung ương Đoàn TNCS Hồ Chí Minh hu tacei pato dom tỉnh, thành Đoàn peih ngak siam dom danak dak “Sinh viên halan hatian daong pren bilan pakacah”, padang dom kapul dam dara halan hatian hu mbaok tacei pato urang mai pakacah dalam bruk nao tal dom labik pakacah, pambuak bruk haong gah chức năng khik caga siam mekre bruk nao mai angaok jalan di dom labik pakacah.

4 # Ủy ban bhap bini  tỉnh An Giang bahrau peih  bruk jao  215 Huân chương Độc lập, Huân, Huy chương, harak pok meyaom  di Thủ tướng rajaei ka  jak jeng kháng chiến ka dom boh sang  liệt sĩ, dom urang jakar  kháng chiến. Bruk pok  brei  truy tặng Huân chương Độc lập song  Huân, Huy chương, harak pok meyaom di  Thủ tướng rajaei  ka bruk kháng chiến lac bruk ghi nhận di negar  ngan song pren yava buh ngak song bruk var klak rup drei oh hagait du hu di dom urang oh huac metai lihik brei ka taneh ia palei negar.

5# Kapul pasang iek di HĐND TPHCM bahrau hu var ngak bruk haong Sở Xây dựng ka dom siam mekre di bruk khik saong pandar taneh. Tui Sở Xây dựng TPHCM, dalam 12.500 căn hộ di danak dak tái định cư di  dự án Khu đô thị mới Thủ Thiêm, Quận 2, ban raya bharau ba pablei to yaom 3.790 căn hộ yaom tuk camereip lac labaih 9.000 tỷ đồng, tui nan lac labaih 2,3 tỷ đồng/căn.  Lingiu di nan, 1.000 căn hộ tái định cư di xã Vĩnh Lộc B, huyện Bình Chánh saong 200 căn hộ tái định cư dự án Phú Mỹ, Quận 7 jeng daok dalam bruk pablei to yaom di ban raya

Patui di ni dom khau tin dunya:

     6 # Thủ tướng bahrau di Malaysia ong  Ma-hat-thia Mô-ha-mát (Mahathir Mohamad) bahrau brei thau dom bruk njauk ngak dahlau dalam nhiệm kỳ di drei, dalam nan hu bruk jhul tani tanat gah  kinh tế,  mek veik yaok  tỉ đôla Mỹ meng bruk  bê bối kadung jien di karja  Malaysia (1Malaysia Development Berhad (1MDB), tah klak dom hukun bo ong mboh lac oh siam, oh lagaih… Tagok rai di umo  92 thun, ong Ma-hát-thia Mô-ha-mát jeng urang dang akaok rajaei umo glong abih di dunya. Ong mek hu ja yah dalam mbang palih ruah  Hạ viện mbang ka  14, tuk mek hu  113 dalam abih tih  222 gaghe

7 # Nhà Trắng brei thau, Tổng thống Mỹ Đô-nan Trăm (Donald Trump) saong Thủ tướng Nhật Bản Sin-dô A-bê (Shinzo Abe) hu mbang ginum biai ka Cộng hòa dân chủ nhân dân Triều Tiên, dalam nan hu bruk taom gaok pakat glaong Mỹ- Triều anak tal. Panuac di Nhà trắng ba tabiak lac, Mỹ saong Nhật Bản jeng sanya haong Hàn Quốc, bruk daok pamaong tal nan lac pandar Triều Tiên klaak bruk ngak vũ khí hạt nhân saong tên lửa đạn đạo.

          8 # Brei panuac di var  họp báo song Ngoại trưởng Nga Xéc-gây La-vrốp (Sergey Lavrov) di  Mát-xcơ-va, Ngoại trưởng Đức Hê-cô Ma-as (Heiko Maas) ndom lac: “Khol hulin njauk hatai lac bruk prong di abih lac brei patui ngak thỏa thuận ni.  Đức song dom đối tác Châu Âu lac  Pháp song Anh dok ginum biai patui di nan, song cong khin  Iran ngak tui dom paka  di  thỏa thuận. Khol hulin hu ginum biai piah Nga meda pandar ảnh hưởng di drei tagok Iran”./.