1./Biar harei  11/12, di sang Quốc hội, ala bruk tacei ba di amuk Nguyễn Thị Kim Ngân, urang dang akaok QH, Ủy ban Thường vụ Quốc hội peih mbang nyaom ka 19; pasang iek pathau khan, tui iek bruk patabiak sarak saong bruk ngak di Hội đồng bhap bini dom tỉnh, ban di Trung ương. Dom urang Qh caong lac, anak tal, njauk salih bahrau bruk taom gaok cử tri, taduan raok bhap bini saong langyah harak ptahau di bhap bini

2 # Jeng dalam beir harei 11/12, Phó Thủ tướng Vũ Đức Đam taduan kapul urang hu buh pren yava ka cách mạng tỉnh Đồng Tháp tabiak rivang ban ine  Hà Nội. Di var taduan raok,  Phó Thủ tướng cong khin urang hu buh pren yava ka CM tỉnh Đồng Tháp patagok ilamu CM meng kan, miet miet lac kreih camim hadah krah ka hatai  sahaneng khang kajap  dalam bruk bac daa, ngak bruk song  sản xuất. 

3./Thun 2018, Việt Nam eng drei ngak vắc-xin laka cambuai saluah kakau di athur raong, nan lac panuac hu Thứ trưởng Minri ngak nong saong patagok palei pala Vũ Văn Tám brei thau di tuk tabiak bruk saong jao brei pajaih vi rút laka cambuai saluah kakau ka dom doanh nghiệp pandar piah ngak vắc-xin rah tabiak tuk biar harei 11/12 di Hà Nội. Thứ trưởng Vũ Văn Tám ndom lac:

Ini lac jalan peih tabiak piah eng drei ngak vắc xin tuýp Ô meng quý 1 thun 2018. Meng pren ngak di 3 công ty, meda ngak hu 60 triệu liều yau nan dalam thun 2018 meda pabak hu ginup ka taneh ia, saong daok pablei tabiak negar lingiu.

4 # Pasak  Y tế huyện Ba Tơ, tỉnh Quảng Ngãi bahrau taduan 3 urang medin njom ruak Hội chứng viêm da dày sừng bàn tay, bàn chân  hu ba tame sang iek  ruak. Ni lac dom urang ruak camereip mboh hu dấu hiệu di Hội chứng ni hadei di 3 thun kandang lahik. Harei ni (12/12), Pasak  Y tế Dự phòng tỉnh Quảng Ngãi song pasak  Y tế huyện Ba Tơ peih bruk  khử khuẩn labik urang ruak dok piah pacang jalan njom ruak.

5./Biar harei 11/12, akaok UBND TPHCM Nguyễn Thành Phong hu pan akaok var ngak bruk haong dom sở, ngành, dom chuyên gia ka bruk peih ngak sarak di Quốc hội ka ngak iek cơ chế, chính sách đặc thù patagok TPHCM. Tui bruk ba tabiak, tal bilan 4/2018  meda pok tagok UBND TPHCM brei tapa  4/9 đề án praong (dalam đề án cơ chế đặc thù) ngan saong 19 bruk praong piah meng nan patahu tagok thường trực Thành ủy brei tapa saong bilan 6/2018 meda pathau tagok HĐND Thành phố. 

 6 # di mbang nyaom Hội đồng bhap bini tỉnh Tiền Giang puac thun bahrau rah tabiak, dom urang caik hatai sangka, ba tabiak rilo bruk  yau  kurang jru di dom sang iek ruak, pasak y tế. Bruk  ni ngak ka bruk iek ruak ka bhap bini gaok rilo kan kandah. Makna ba tal bruk kurang jru lac kayua suai damuai dalam bruk ngak harak gar , thủ tục đấu thầu blei jru, saong gah Cục khik ramik  jru  mintri y tế hu pasalih dom  doanh mục jru ngak ka pakat tỉnh peih ngak bruk ni gaok kan kandah. 

Patui di ni dom khau tin dunya:

7# Nhật Bản daok jhul khang bruk pacang cakak taongg cap ikan suan adat hukum di dom kapan taneh ia lingiu dalam bhum tasik di taneh ia ini. Bruk taong cap ikan suan adat hukum di dom kapan taneh ia lingiu di bhum taong ikan Y-a-ma-tô-ta-i (Yamatotai) lingiu bán đảo Nô-tô (Noto) ngak khat lihik oh takik tal bruk ngak mbang pablei salih ikan di bhap bini pak ini. 

8  # Hu peih ngak tui   sáng kiến di Tổng thống Pháp Em-ma-nuy-en Ma-crông (Emmanuel Macron), Nyaom biai pakat glong dunya ka khí hậu  rah tabiak dalam sa harei di Paris hu jalan ngak prong lac dui pachreih dom phun jien buh tabiak ka năng lượng hajao. Nyaom roya pakat glong khí hậu hu angan ieu lac “Sa baoh taneh” hu peih ngak dalam harei 12/12 di ban ine Paris negar Prang.

9# Tui panuac khan meng rajaei Ca-na-đa harei 11/12,, Ngoại trưởng Mỹ Rếch Tin-lơ-xơn (Rex Tillerson) tui kuhria meda taom gaok Thủ tướng Ca-na-đa  Giắt-xtin Tru-đô (Justin Trudeau) di akaok adit tal piah ginum biai ka jalan pacang cakak  danak dak hạt nhân saong tên lửa di Triều Tiên.