1# Ngan saong kadha "Cakrok patagok kinh tế samar saong khang kajap: dom cuang kandah saongpren khang bharau", Diễn đàn kinh tế Việt Nam mbang ka 2 kayua mBan Kinh tế Trung ương peih tabiak harei kabroi (11/1) di Hà Nội.   Brei panuac pak nan, Thủ tướng Nguyễn Xuân Phúc ndom lac, piah ngak ka Việt Nam gam patagok kinh tế samar, gam khang kajap, njauk iek dom bruk ngak hu bloh, lac jalan piah khang hatai jia jang dalam kham merat rami ramik veik nền kinh tế saong salih jalan patagok khang kadang, meng nan ngak jeng jalan khang kajap jang piah nền kinh tế tagok hu glaong jang dalam suai livik

2 # Dalam 10 harei camereip di thun bahrau 2018, di ban Tuy Hòa, tỉnh Phú Yên  rah tabiak  6 mbang co kliak pandap panda ngak ka bhap bini duh hatai. Anak bruk ni, Công an ban  Tuy Hòa  hu panuac  kakei mik va paglong akaok sahaneng hatai sangka, pacang caga dom bruk co kliak meda rah tabiak.

3# Uỷ ban Mặt trận Negar Việt Nam tỉnh Khánh Hòa bahrau taduan jaik 48 tỷ đồng di dom doanh nghiệp, menuac urang daong pasiam dom khut khat meng ribuk ka 12. Gam saong jaik 48 tỷ đồng di dom kapul nyaom, menuac urang daong ka tỉnh Khánh Hoà pasiam dom tayah tayac di ribuk ka 12, dom doanh nghiệp daok hu sanya daong 4,1 tỷ đồng, 600 tấn xi măng, 5 ribau blah tauk daong ka bhap bini bhum njauk ribuk

4 # Piah dong ka bhap bini thau jang song palih ruah pandap mbang hacih saat, Mban khik ramik pandap mbang hacih saat ban raya  HCM hu peih  Hội chợ Xanh thun 2018 hu angan "Pandap mbang hajao raok Tết siam mekre ". Nyaom darak pasa hu rah tabiak meng harei 25 tal harei  28/1 anak tali, di Nhà thi đấu Quân khu 7, ban raya HCM.  Hu mbaok di nyaom darak pasa hu jiak 100 gian hàng di dom  doanh nghiệp dok dalam song langiu negar   sản xuất, pablei salih pandap mbang that, pandap liar, rilao  chế biến, har  kẹo, pandap menyum .

5# Pasak bruk ngak ilamu khoa học Văn Miếu – Quốc Tử bahrau tabiak mbaok dom biển tacei pato, langyah automatic saong bilik pablei harak duh ka tuai mai rivang iek. Dom jamriak langyah, thuyết minh automatic di Văn Miếu- Quốc Tử Giám, hu 300 jamriak hu 8 sap lac: Việt, Anh, Pháp, Tây Ban Nha, Hàn Quốc, Nhật Bản, Thái Lan, Trung Quốc. Piah hu langyah automatic, tuai njauk pandar jamriak langyah hu cài đặt bloh dom asal kadha saong pilih ruah labik caong hu langyah, thuyết minh.

Patui di ni dom khau tin dunya:

6  # Harei 11/1, di mbang  họp báo thường kỳ di mintri pablei salih  Trung Quốc, urang tabiak panuac  Cao Phong brei thau Trung Quốc dok tui iek catang dom bruk duah thau di Mỹ ka dom cáo buộc Trung Quốc kliak  mek sở hữu trí tuệ di Mỹ. Meyah Mỹ ngak tui jalan di drei saong ndung bak bruk bảo hộ, khat lihik tal kein laba  di Trung Quốc ye negar ni  medaba tabiak dom jalan ngak piah khik caga quyền song kein laba  di drei .

# Ixraen (Israel) brei adat ngak pasiam 352 sang daok bahrau di khu Bờ Tây, angaok taneh bo urang Palestin caong lac bhum taneh di karja Palestin harei hadei. Urak ini, hu labaih 500 ribau menuac Ixraen daok di Bờ Tây saong Đông Giê-ru-xa-lem (Jerusalem). Ini jeng lac labik daok di labaih 2,6 triệu urang Palestin.

8 # Italia song Iran hu mbaoh tangin tame harak ka bruk mesraiy phun jien, tui nan  Italia hu pabak ka  Iran 5 tỷ ơ-rơ (euro) ( samu labaih  6 tỷ đô la) piah jhul  pakhang dom danak dak patagok di Iran. Pok jien nan hu pandar piah dong ka dom danak dak kayua dom công ty Italia song  Iran peih ngak dalam dom bruk yau jalan mbak nao mai, padang ngak, xăng, năng lượng điện song dom gah  hóa chất, hóa dầu song  luyện kim. Rajaei  Iran hu pabak bruk saya khik caga pok jien mesraiy ni