1# "Danak dak brei quyền saong jalan di urang kumei lao động di cư bhum ASEAN piah khik kajap di cư lao động an toàn saong samu gauk ka taong abih urang kumei hu peih ngak di 10 taneh ia ASEAN dalam tukvak 2018-2022".  Ini lac asal kadha hu ginum biai di mbang ndom biai nao mai kayau gah lao động dunya (ILO) saong jabat di Liên hợp quốc ka Bình đẳng giới saong Quyền di urang kumei (UN Women) pambuak gauk peih tabiak ngak di Hà Nội.

2 # Tui kuhria mboh di gah Y tế, negar drei urak ni hu labaih  4 triệu menuac njauk dom ruak klik song dok dalam dom negar  hu  tỷ lệ njom menuac njauk ruak klik glong abih di dunya.  Jang yau rilo negar karei, rilo janih ruak klik dak harei dak jeng kan iek ruak abih song oh ka hu jru đặc trị. Dom jalan iek ruak urak ni oh iek abih ruak hu song urak ni jalan iek ruak di dunya lac mai veik song dom jalan jiak song langik tasik..

3# Công an huyện Trảng Bom, tỉnh Đồng Nai bahrau cap mek yaok pluh urang me-in mbia mbang jien. Pak nan, công an khik mek labaih 260 triệu đồng, 6 drei menuk tram, pandap lắc tài xỉu, ralo radaih patuh, điện thoại saong abih di nyu nan lac sa mbaik phao ngak eng. 17 urang njauk công an cap khik piah duah thau bruk me-in mbia saong peih bruk me-in mbia.

4 # Urak ni, ia mbak daok njom dalam tame krong Thu Bồn labik nao tapa  huyện Duy Xuyên, tỉnh Quảng Nam. Trak abih di labik  meng tatua Câu Lâu tagok nao gah tatua  Đen, ia mbak tagok tal  6 phần nghìn, Tui kuhria mboh dahlau, bruk pala drak vụ Hè thu di urang nong gaok rilo kan kandah. Dalam adit ni mai, ong Lê Tấn Hướng daok di palei Câu Lâu Đông, xã Duy Phước mbang ndih oh jeng . Ong Hướng brei thau tal harei  15/5 ni, dalam xã tal tuk tam padai  vụ Hè Thu min langik oh siam, gaok ba tal rilo kan kandah dalam bruk pala drak. 

5# Tại Nghĩa trang liệt sĩ Quốc gia Đường 9, Đảng bộ, Karja saong bhap bini tỉnh Quảng Trị bahrau peih bruk taduan mek saong ba nao dar 21 hài cốt liệt sĩ saong rilo hài cốt dalam 1 mộ tập thể lac dom urang lin halan hatian, dom chuyên gia Việt Nam metai di Lào. Tukvak tapa,  tỉnh Quảng Trị saong tỉnh Savanakhẹt (Lào) kham merat duah saong ba hu yaok ribau hài cốt liệt sĩ mai veik haong taneh ia.

Patui di ni dom khau tin dunya:

6 # Tui kuhria mboh di Ủy ban Thương mại Thái Lan (BOT), tagok bruk pablei salih di  Thái Lan hu cong lac 4%, jiak song tanut patagok  quý IV/2017. Bruk patagok nan mai meng pablei tabiak negar langiu song du lịch. daok Bruk xuất khẩu, dalam 3 bilan akaok thun  2018, jien mek hu tagok 9,9% dut song tuk vak ni thun bloh  song 11,2%  meyah lac oh kuhira tal bruk  xuất khẩu meh. Nyaom pandap pablei tabiak negar lingiu rilo di abih  hu xăng menyek  hóa học, ô-tô, điện tử song  ổ cứng. daok Bruk  du lịch, tuai  du lịch dunya tal  Thái Lan jeng hu tagok siam  labaih 10,61 triệu mbang, tagok 15,4% dut song tuk vak ni thun bloh song  5,1% duh song quý  IV/2017.

7#  Bruk pablei menyek di Iran tal Trung Quốc, châu Âu saong dom negar karei meda trun di puac thun ini saong thun 2019, meyah Mỹ ba tabiak veik bruk trừng phạt “ glaong di abih” tame dom bruk pablei salih menyek di Iran. Ini lac bruk kuhria mboh di dom chuyên gia, hadei di tuk Tổng thống Mỹ Đô-nan Trăm ( Donald Trump) hu panuac lac tabiak truh thỏa thuận hạt nhân di Iran saong dom taneh ia praong thun 2015. Iran urak ini pngak hu 3 triệu 800 ribau thung menyek yaok harei, samu 4% menyek pablei di dunya.

8 # Ngoại trưởng Nhật Bản Ta-rô Ka-nô (Taro Kono) bahrau brei thau, Nhật Bản meda tui iek catang dom bruk hadei di  quyết định di ổng thống Mỹ Đô-nan Trăm (Donald Trump) tabiak truh  thỏa thuận hạt nhân dunya song  Iran. Panuac di mintri  Ngoại giao Nhật Bản ndom lac, Nhật Bản meda ginum biai catang song dom negar pagam tal, pamong tal bruk khik ramik thỏa thuận ni. Tổng thống Mỹ Đô-nan Trăm harei kroi khan lac tabiak