#/ Harei 11/8, Phó akaok negar Đặng Thị Ngọc Thịnh hu jao pok jien bac “An sinh giáo dục - xe đạp đến trường" di kadung jien dong  uranaih VN ka anek saih kan, yam tapa kan kandah di tỉnh Đồng Tháp. Tapa nan, 150 anek saih di ĐT hu hatai yam tapa kan kandah mek hu siam mekre dalam bruk bac megru hu jao pandap, dalam nan hu 50  radeih juak, ba lô song 100 pok jien bac, yaok pok yaom sa triệu đồng. Danak dak nan  hadei di 12 thun hu alin hadiah labaih 3 riibau sruh radeih juak, labaih 10 ribau pok jien bac song labaih 12 ribau pok pandap ka uranaih sang kan kandah di 63 tỉnh ban dalam taneh ia .

# Hadei 5 thun peih ngak dự án “daong urang njauk jru mek kalik Kruac dom tỉnh bhum Tây Nguyên saong Tây Ninh” hu peih ngak, labaih 1.600 urang njauk jru mek kalik truac di tỉnh Gia Lai hu daong Blac raih chỉnh hình saong daong jalan patagok bruk ngak mbang, mbeik drei tame bhapbini. Urak ini, tỉnh Gia Lai hu jaik 12 rabau urang gaok kan kandah di jru mek kalik truac saong 3 rabau urang njauk jru mek kalik truac. Ông Cao Xuân Nam, Phó akaok kapul Chữ thập đỏ Việt Nam tỉnh Gia Lai lac :

Bruk ngak di dự án biak hu makna, hu daong dom urang njauk daong. Dom urang hu daong nan, mbuan si yam tagok dalam raidiuk, mbeik drei tame bhapbini, rik daong siam dalam bruk patrun kathaot di puk palei. Ngan saong dom urang njauk jru mek jaoh jo, tuk oh ka hu can thiệp, dom urang nan tok ndih atau daok sa libik. Hadei tuk hu mbang tui dự án, dom urang nan dang tagok hu, nao mai hu, nao bac hu.

#/ Urak ni ruak pandiak tabiak darah dok tamuh khang di tong aboh dom xã,  di jaik abih dom huyện ban sit di tỉnh Đắc Nông, ngak ka jiak  1.400 mbang urang ruak, rilo jang 1200 mbang dut song tuk vak ni thun dahlau. Tui panuac khan di gah y tế tỉnh, tuk vak anak tal ruak pandiak tabiak drah  meda pambak khang dalam bhap bini song tamuh khang jeng ruak prong. Gah y tế tỉnh Đắc Nôn, hu buh jien tabiak 2 tỷ 600 triệu đồng piah peih bruk pacang caga jit. Amuk Tôn Nữ Ngọc Hạnh, Phó chủ tịch Ủy ban bhap bini  tỉnh Đắc Nông brei thau, tỉnh brei ngak khang jang dalam bruk tacei jalan pacang caga ruak pandiak tabiak darah di tinh.

# Urak ini, jit đốm nâu daok rah tabiak di labik pala thanh long di tỉnh Bình Thuận. Jit ruak ngak ka năng suất trun khang, chất lượng baok thanh long jeng oh pabak hu bruk pablei tabiak taneh ia langiu, ngak khat lihik trak ka urang pala thanh long. Urak ini, Bình Thuận hu jaik 6.000 ha thanh long njaom ruak đốm nâu saong meda hu rilo jang di bilan hajan. Urak ini, yaom lac dom urang alamu, dom gah chuyên trách di mintri ngak nong saong patagok palei pala jeng hu tame roh duah min jeng oh ka hu janih jru halei piah pasiam ruak.

#/ Dom harei jiak di ni, di dom sang iek ruak uranaih di ban raya HCM, hu biak rilo uranaih tame kayua dom ruak jalan suah yava. Di khoa hô hấp, sang iek ruak nhi đồng 1, uranaih tame sang iek ruak urak ni rilo jang meng 25 tal 30% dut song tuk vak ni thun dahlau. Dok sang iek ruak nhi đồng 2, meng akaok bilan 8 tal ni, yaok harei, Khoa hô hấp taduan labaih 50 mbanguranaih ruak gah jalan suah yava. Urak ni. Khoa daok iek ruak ka 600 uranaih

# Phòng Cảnh sát Môi trường, Công an tỉnh Quảng Nam barau peih dua mbang pasang iek 12 labik ngak ia menyum tame talok. Maong mboh abih jeng ngak suan qui định ka an toàn hacih saat pandap menyum, dalam nan 6/12 mẫu ia thành phẩm oh hu tiêu chuẩn ka hacih saat njauk ba nao tuh klak. Urak ini,   tỉnh Quảng Nam hu labaih 160 labik ngak ia menyum tame kalok hu brei adat, rilo meng lac labik ngak gap saong sit, chat luong oh siam. Bruk njauk ndom nan lac di dom labik dân cư, công sở, sang bac, rilo urang pandar ia menyum dalam kalok bo oh thau chất lượng ia hu siam halei oh

#/ Mesup harei 11/8, Chi cục khik ramik darak papsa  tỉnh Trà Vinh peih bruk am chuh klak yaok tấn jru prang, thực phẩm chức năng abih tuk vak pandar, oh thau asar di nyu, song labaih 67.000 pok pakao  ngoại nhập lậu. Kuhria meng akaok thun tal ni, gah chức năng tỉnh Trà Vinh chap hu jiak 400 mbang vi phạm song taong phạt  labaih 1,2 tỷ đồng. Ong Nguyễn Xuân Hiệp, akaok Chi cục khik ramik darak pasa tỉnh Trà Vinh lac

Gam song pandap lậu, bruk vệ sinh an toàn thực phẩm khol hulin brei ngak dahlau. Meng ni tal puac thun khol hulin patagok bruk jang 2, 3 mbang piah ngak yau habar patrun tal tanut beir di abih pandap mbang oh hacih,oh sa-at ba tabiak darak pasa. Ni lac 2 bruk ngak bo gah khik ramik darak pasa TRà Vinh khol hulin brei ngak dahlau.

Patui di ni dom Khaw tin dunya

# Mintri ngak nong Mỹ peih bruk mek panuac di bhapbini ka bruk pasiam dom quy định, piah brei adat blei tame baok pa ok metah di Việt Nam. Ini meda lac baok kayau mbang ka 6 di Việt Nam hu adat blei tame darak apsal Mỹ, hadei di thanh long, chôm chôm, vải, darang saong vú sữa.

#/ Thủ tướng Thái-lan Pray-út Chan Ô-cha hu panuac lac brei peih bruk palih ruah dalam bilan 11/2017, panuac ndom ini piah tah klak dom panuac lac bruk palih ruah di Thái Lan meda brei padeih tal thun 2018

#rajaei Mi-an-ma  brei thau, nyaom biai hòa bình liên bang meda hu peih tabiak di harei 31-8 tal piah pataom abih kapul nyaom vũ trang sắc tộc, piah ginum biai bruk padheihmesruh gauk saong dak apdang sa taneh ia liên bang./.