1# Harei ni (12/9), Mbang nyaom Diễn đàn Kinh tế dunya ka ASEAN (WEF ASEAN) hu peih tabiak di  Hà Nội. Rah tabiak dalam 3 harei,  Mbang nyaom WEF ASEAN lac sa dalam dom bruk đối ngoại đa phương prong hu  peih ngak di  Việt Nam dalam thun 2018. Angan di nyaom biai thun ni lac  "ASEAN 4.0: Bruk doanh nghiệp song Cách mạng công nghiệp 4.0" hu gah chính trị, doanh nghiệp, đối tác dunya tong yaom glong  song pabak tame angan di  ASEAN thun 2018 lac pamong tal  "ASEAN tự cường song hadah krah". Ni jeng lac jalan ngak siam ka  Việt Nam brei mboh bruk ngak song labik dang dalam  khu vực jang yau di dunya; jeng lac labik dom  doanh nghiệp dalam  khu vực meda ndom biai song dom chuyên gia kinh tế dang akaok di WEF song dom urang pal akaok piah ba tabiak jalan ngak siam lagaih di abih dalam bruk  Cách mạng công nghiệp 4.0.

2# Patui danakdak mbang nyaom ka 27, bair harei broi (11/9), Ủy ban Thường vụ Quốc hội brei panuac ka bruk kuhria caga ka mbang nyaom ka 6 di Quốc hội. Tổng Thư ký, Chủ nhiệm Văn phòng Quốc hội Nguyễn Hạnh Phúc brei thau, tui kuhria abih tih tukvak ngak bruk di Quốc hội di mbang nyaom lac 23 harei, peih tabiak di harei 22/10 saong tamat di harei 20/11/2018.  Di mbang nyaom ka 6 meda suak tabiak 3 asal kadha lac: Dự án hukum libik hành chính - kinh tế đặc biệt piah ngak pasiam; Dự án hukum pacang caga kanyak jhak di alak, mbia kayua jabat ba tagok oh ka khik caga hu tukvak kuhria caga; Pathau khan kiểm toán quỹ bảo hiểm xã hội kayua asal kadha ini hu pablak dalam pathau khan kết quả kiểm toán jien padai, dom bruk ngak pambuak tal khik ramik, pandar jien, drap ar karja di Bảo hiểm xã hội saong hu pathau khan ka Quốc hội di mbang nyaom ka 3. Tabhia nan, mbang nyaom ka 6 meda pabak dom pathau khan ka taong yaom 3 thun ngak tui dom sarak daong patagok kinh tế - xã hội bhum bangsa takik saong bhum ceik; bruk peih ngak sarak bangsa thun 2018.

3 # Phó Thủ tướng Thường trực Rajaei Trương Hòa Bình bahrau jao ka  Ủy ban bangsa pal akaok, pambuak bruk song mintri  ilamu Khoa học song Công nghệ, Mintri  Công Thương, mintri ngak nong song patagok palei pala, Gilang pariak sarak karja , dom mintri, dom gah song dom tỉnh pataom tame roh duah, padang ngak sarak pambuak pagam, dong ka mik va urang bangsa takik, bhap bini di bhum ceik peih bruk pablei salih, padanak mbang ngui ngak kaya meda tui jalan kein lagaih, pren khang di   bhum tuk vak hadei di thun 2020. Lingiu di nan, Ủy ban bangsa Mintri ngak nong song patagok palei pambuak bruk roh duah, ba tabiak dom sarak siam lagaih pamong tal urang bangsa takik gam song bruk khik ramik  patagok glai, khik ramik  môi trường, pacang caga  biến đổi khí hậu; ngak ka urang di  bhum ceik  sahanang hatai duik song glai, khik hu glai song ngak kaya meda meng glai .  

 4#Urak ini, di dom libik klauk jru peih praong di ban raya HCM oh daok janih vắc xin 5 dalam 1 (Quinvaxem – caga 5 ruak: bạch hầu - ho gà-uốn ván-viêm gan B - viêm màng não mũ kayua Hib) ngak ka amaik ame duh hatai. Anak bruk kurang vắc xin ini, pasak Y tế dự phòng ban raya HCM hu kakei dom ameik ame hu anek tal thun klauk caga ba anek drei nao tal balai y tế piah menyum OPV - lac vắc xin caga bại liệt tui lịch yaok bilan saong padang angan uranaih cang vắc xin piah tuk hu vắc xin salih ka Quinvaxem meda daa uranaih tabiak klauk pabak. 

5 # Huyện Cờ Đỏ, ban  Cần Thơ  meng thun  2017 tal urak ni hu  2.630 boh sang kan, jiak si kathaot, bahrau tabiak truh kathaot hu mesraiy labaih  46 tỷ đồng piah ngak mbang pala drak, pablei salih sit . taphia di nan, huyện dok sangka pambuak bruk peih 37 tal pato nghề sơ cấp ka  1.244 urang ngak, dalam nan pablah bruk jak ba urang kan, jiak si kan bac bruk ngak piah mbuan si duah bruk ngak, duah hu jien tani tanat. Huyện kham merat meng ni tal Puac thun  trun hu  1,8% boh sang kan  samu song  553 boh sang

 Khaw tin dunya

6# Mintri Thương mại Thái Lan brei thau, doanh thu dom pandap hu chỉ dẫn địa lý meda mek hu 4 tỉ Bạt dalam thun ini. Ini lac bruk kham merat yaih khan jhul khang dom pandap chi dẫn địa lý di Thái Lan dalam dom thun tapa. Thun 2019, mintri Thương mại Thái Lan daok pachreih tut angan dom pandap ngan saong hatai caong khin dom tỉnh, ban dalam taneh ia jeng hu pandap hu brei angan chỉ dẫn địa lý. Chỉ dẫn địa lý lac chứng chỉ hu pandar piah brei thau asal pandap hu thau tal chất lượng saong angan je. Urak ini, Cục Sở hữu Trí tuệ, mintri Thương mại Thái Lan hu brei thau chỉ dẫn địa lý ka 99 pandap di 66 tỉnh, ban.

7 # Harei kroi (11/9), sa uranaih urang negar Anh hu ndik tapui tabiak song boh hatai  dok di gah langiu rup pabhap hu adat mai rivang sang, hadei di rilo bilan iek ruak dalam sang iek ruak. Nan lac adei  Va-nen-lốp Uyn-kin (Vanellope Wilkins) ndik tapui di bilan 11/2017 di sa ban sit  dok gah kreih negar  Anh. Tuk adei ndik tapui tabiak ,  dom  chuyên gia y tế brei thau bruk duik di adei oh tapa  10%. Min , hadei di 9 bilan iek ruak song tapa 3 mbang blai drai, urak ni adei hu duik veik song amaik ame. Va-nen-lốp hu maong lac  anek kama hu boh hatai di langiu  lồng ngực akaok mereip di  Anh dok haduik .

          8# Bruk tua riya trak dui atah di bang Niu Xao Uên (New South Wales) saong Quin-xlen (Queensland) ngak ka sản lượng ngak nong di Ốt-xtrây-lia (Australia)  trun khang. Tui pathau khan barau ba tabiak di gah ngak nong saong nguồn lực kinh tế Ốt-xtrây-lia (Australia),  sản lượng ngak nong di dua bang ini trun jaik 38 tal 46% duk saong dom bilan ini thun dahlau. Tui kuhria, yaom njam patam meda tagok dua mbang tỷ lệ lạm phát. Oh lac njam patam, kayua tua riya yau nan ye lúa mì, lúa mạch, yến mạch saong phun cải dầu jeng lihik bilan ngak ka yaom dom pandap ini jeng tagok glaong./.