Page ini (26/2), Hoi dong palih ruah pakat negar peih nyaom biai online grauk bhum palei dalam negar ka bruk palih ruah urang ka Quoc hoi mbang XVI saong urangka HĐ bhap bini  dom pakat vaktu 2026-2031. Brei panuac di nyaom biai, Pho akok Quoc hoi Nguyễn Thị Thanh khan lac: Bruk palih ruah mbang ini lac bruk ngak chinh tri praong di thun 2026. Bruk ba tabiak ngan haong taong abih urang Dang, bhap bini, abih urang lin  tuk ini lac ngak siam bruk kuhria caga, khik ka bruk buh phieu palih ruah hu jak jeng siam mekre, brei mboh bruk ngak po di rahra, ngak njauk tui hukum, salamat, patak pataom saong lagaih haong harei roya praong di Bhap bini dalam negar.

Harei ini, cư tri dom phuong Tam Thắng,  Phước Thắng và xã Long Sơn (Bà Rịa – Vũng Tàu cũ) di TP.HCM nao palih ruah aval. Ralo urang cu tri lac urang jakar, urang lin saong urang ngak bruk di dom gian njuk mek menyek di tathik. Tui bruk ba tabiak harei ini, don vi peih bruk palih ruah aval dahlau di Bộ Tư lệnh Vùng, hadei 2 sruh gilai nao tathik gah Meraong negar - labik hu 15 sang giàn  saong dom gilai di Bol lin Quân chủng Hải quân daok di labik akaok piah palih ruah saong gilac veik mai dahlau harei 15/3.

Hoi dong Palih ruah pakat negar njauk hatai brei ka tinh Lam Dong  peih bruk buh phieu  palih ruah aval labaih 1 harei  duk saong harei palih ruah di grauk labik dalam negar di 5  bhum taphia negar, bhum atah bayah di tinh piah khik hu siam bruk palih ruah di cu tri saong lagaih haong labik di drei. Bruk buh phieu avak dahlau khik hu quyen saong bruk adat di urang jakar bhap bini, urang lin bien phong daok ngak bruk di bhum taphia negar, bhum atah bayah, bhum ceik acar di tinh. 

Durien brei baoh karei bilan tagok khang meng hadei Tet, yaom durien Monthong tagok 150.000 dong sa kilo, daong ka yaok ribau urang ngak  nong hu laba glong. Yau nan min, ong Võ Tấn  Lợi, Akaok Hiep hoi durien tinh Dong Thap, kakei dahlau, akaok thun, rilo doanh nghiep samar blei piah “ tame ngak bruk duah metuah jamo”, dalam tuk bruk blei di Trung Quoc daok khik yau bhian harei. Yau nan ye,  dom doanh nghiep pablei baoh durien, njauk ndem tal dom doanh nghiep sit saong mbiah brei caik hatai, juai blei tui yaom glong, atau blei pataom baoh oh bingi.

Dalam dom harei akaok bal Pataih nethak Asaih Waw 2026, jirah rivang Vinh Long taduan hu rilo bruk naih gheih. Dalam nan dom labik jirah rivang dui pachreih labaih 132.000 mbang tuai damuai, tagok 11,5% dut haong tukvak ini thun dahlau. Dom labik jirah rivang sinh thai, rivang me-in kraong ia saong labik me-in chreih sambai patui veik lac bruk palih ruah di rilo baoh sang, kapul urang sit thun umo. Urak ini gah jirah rivang hu peih rilo danak dak ilamo ndung bak ilamo bhum palei.

Indonesia daok kuhria caga sa dalam dom bruk nao mai rilo manuac abih dalam thun di bhap bini, kuhria jaik 149 trieu urang nao mai dalam tuk padeih Roya Eid Al Fitry, dalam meteh bilan 3. Roya Eid Al Fitry lac tamat abih bilan eik Ramadan rilo siam mekre, lac harei roya di urang Islam, yau nan ye rilo bhap bini mai pataom gauk haong sang drei. Rajaei kuhria caga  yaok plih ribau radaih  gam yaok rituh labik pataok gilai, mblang kapal ahaok saong mblang radaih pui di negar piah daong ka tuai damuai.

Rajaei Campuchia bahrau peih Danak dak pacang caga jru phil mbang ka 11, dalam tuk bruk pablei jru phil jeng daok dak harei dak tagok rilo. Thun 2025, Campuchia hu pataom mek jaik 5.900 kg jru phil saong jaik 43.000 kg janih ngak jru phil. Taong abih hu labaih 131 ribau urang kong chuc, urang jakar, bol lin hu xet nghiem jru phil, dalam nan hu 104 urang duong tinh, 103 urang njauk tiaok bruk atau blei trun bruk.

Dom urang metai kayua hajan praong di bang Minas Gerais, gah timur Brazil tagok tal 46 urang. Ia sua saong glut jaleih taneh ba tal labaih 3.600 urang pandan ba nao labik karei. Urak ini daok 21 urang lahik. Kayua khat lahik ralo, karja ban Juiz de For  pathau khan ka ka bala dalam bhap bini saong padeih dom tal bac di ban raya. Urak ini, dom bruk daong duah daok peih ngak gam hu dom gah tame ngak bruk./.