Tui Uy mban palih ruah urang ka Quoc hoi mbang ka XVI saong ka HĐ Bhap bini Ban raya Ho Chi Minh tukvak 2026 - 2031, mbang palih ruah aval brei rah tabiak di 4 labik di dom phuong Phước Thắng, Tam Thắng saong xa Long Sơn (tinh Ba Ria – Vung Tau klak). Taong abih urang buh harak phieu mbang ini rilo meng lac kapul lin pan phao karaong gam haong urang jakar, urang ngak kong ngak bruk di dom gian khoan menyek. Tal tukvak ini, kadha tantu ka danak dak peih pakak saong peih bruk buh harak phieu aval hu mbaoh tangin. Dahlau tuk peih pakak, Mban Pato tacei saong Uy mban palih ruah dom phuong, xa gam haong dom Kapul palih ruah peih bruk pasang duah, pasang iek bruk srap gap mbang puac abih.

Di tỉnh Cà Mau, dom kaoh pulao Hòn Khoai saong Hòn Chuối, urang cử tri  buh phieu palih ruah urang ka Quoc hoi mbang XVI saong urang ka HĐ bhap bini dom pakat di harei 13 bilan 3. Bruk palih ruah aval dahlau  di 2 kaoh pulao nan hu peih ngak njauk tui bruk ba tabiak, khik tui jalan kuhria, urang ngak bruk saong hukum yau di bhum taneh. Urak ini, Mban Thuong truc Uy ban MTTQ Viet Nam tinh Ca Mau palih ruah hu 23 urang siam gheih ka Quoc hoi mbang XVI, dalam nan hu 5 urang kayua Trung uong yaih khan saong 18 urang kayua tinh ba tame, piah palih ruah 13 urang tame.

UB Bhap bini ban raya Can Tho yasa jalan ngak dom labik papar Wifi dalam labik rahra, di dom labik: bein bangu Lưu Hữu Phước, tapen kraong Ninh Kiều, bein bangu kraong Hậu saong darak angaok kraong ia Cái Răng. Bruk ngak padang dom labik papar Wifi khang catang di labik rahra brei kein lagaih ka rahra saong tuai damuai pandar internet lagaih, salamat, tani tanat piah mek khau tin, pandar jitvu pakat karja online saong dom ung dung lek taka so. Taong abih jien buh tabiak labaih 1,2 ti dong.

Dom harei ini, darak durien tagok yaom glong abih dalam 3 thun jaik ini, njauk ndem tal lac dom kaya kan pablei tabiak negar langiu. Urak ini yaom durien Monthong pablei tabiak negar langiu yaom 155.000 dong sa kilo; Ri6 janih A yaom meng 87.000 - 92.000 đồng/kg. Dom janih durien praong siam yau Musang King yaom 115.000 - 120.000 đồng/kg. Tui doanh nghiep pablei baoh durien tabiak negar langiu  di tinh Vinh Long, yaom pablei tui darak pasar urang blei saong pablei ka bilan. Hadei Tet, dom labik paik baoh kayau oh ka hu ralo, dalam tuk nan doanh nghiep brei pataom baoh kayau aval piah sumu ba ka radaih container,  ngak yaom baoh kayau tagok yaom.

Bhum Pur Meraong negar saong Bhum taneran kraong Cuu Long daok tame tukvak tabung glaong di bilan thu, ngak kanjah tal halau ia duh ka bruk ngak hamu pala drak saong bruk daok dang di menuac urang. Kuhria ia tuh tame bhum taneran kraong Cuu Long daok patui veik takik jang, njom ia mbak tagok jang dalam dom mbang ia ndik, tabung glaong lac dalam bilan 3. Tinh Dong Thap bhian njauk njom ia mbak dalam bilan thu nan gah chuc nang saong sang bein daok pataom tame peih ngak rilo jalan langyah piah pacang cakak, pacang khik bein phun mbang baoh lac bruk njauk ngak abih dalam tukvak urak ini.

Urang ngak praong Triều Tiên Kim Jong Un tacei ba dom bruk kuhria abih gah ka bruk ngak kinh te taneh ia dalam 5 thun anak tal. Tui nan, taneh ia ini brei pataom tame tani tanat, pakajap  saong patagok tui pakat. Dalam kadha ndem meyai di Nyaom biai mbang ka 9, ong Kim Jong Un kakei lac bruk ngak dalam 5 thun anak tal lac tukvak “patagok taong abih gah”, gam iew da-a salih jalan sahaneng karei, kong nghe saong ilamo  piah dom danak dak birau khik ramik hu siam jang.

Ribuk tuyet khang di rilo labik ngak kanjah jhak trak tal rilo bhum gah Pur negar My, labaih 40 trieu urang daok dalam labik njauk kakei caga ka ribuk tuyet, ngan haong tuyet kuhria hu meda tagok tal labaih 60 cm di dom labik. Labaih 200.000 baoh sang rahra labik ndien dalam rilo labik bhum Pur Barak. Dom mblang kapal ahaok par praong jaik yau njauk brei padeih peih par. Labaih 5.300 mbang par njauk brei tayah klak meng hadah page saong labaih 30.000 mbang par karei njauk brei padeih.

Takik ye lac 30 urang di cư metai atau lahik hadei  tuk sruh gilai pajeng urang tableih di langiu tathik Crete di Hy Lạp di puac adit tapa. Sruh gilai pajeng labaih 50 urang  di cư ghauh trun. Gah urang jakar chap mek 2 urang likei  Sudan, umo 25 thun saong 19 thun, kayua thau lac dom urang pablei manuac. Kuhria dalam 2 bilan tapa, takik abih 606 urang di cư metai  atau lahik angaok jalan nao Địa Trung Hải./.