Page ini (25/2), di Ha Noi, mentri Chinh tri, Mban Bi thu Trung uong Ndang peih Nyaom biai dalam negar piah ngak pathau khan, tacei ba ngak tui Sarak ka 79 di Mentri Chinh tri ka bruk patagok kinh te Karja saong Sarak ka 80 di Mentri Chinh tri ka bruk patagok ilamo Viet Nam. Nyaom biai hu peih ngak tui jalan tapak saong online. Khan Kadha “Asal kadha pasak di Sarak ka 80 di Mentri Chinh tri ka patagok ilamo Viet Nam”, Uy vien Mentri Chinh tri, Bi thu Trung uong Ndang, Akaok mban Pathau khan saong Jak baTrung uong Trịnh Văn Quyet ndom lac: Sarak 80 mbang ini hu caik ilamo “samu” haong chinh tri, kinh te, xa hoi. Bruk ngak ini njauk brei salih dalam jalan sahaneng saong bruk ngak patagok ilamo, brei mboh labik dang bahrau di ilamo Viet Nam dalam jaman patagok bahrau.

Kuhria mbiah tal ini, hu labaih 95 -96% doanh nghiep di TPHCM gilac veik mai ngak bruk hadei Tet Nguyen dan. Dut haong yaok thun, thun ini urang gilac veik mai ngak bruk  samar jang saong ginup tani tanat, lac thun hu rilo lagaih, brei mboh bruk pambuak urang ngak saong doanh nghiep, jeng yau bruk kuhria tani tanat ka bruk daong, alin tet di dom don vi ka urang ngak bruk. Urak ini, ralo doanh nghiep di dom khu kong nghiep, khu che xuat jeng daok duah urang tame ngak piah sumu ngak blaoh harak pambuak bruk pablei tabiak negar langiu dalam thun ini.

Ngak Danak dak “Paglaong bruk pato saong bac megru sap negar langiu tukvak 2025-2035, pamaong tal thun 2045”, UB Bhap bini tinh Lam Dong hu ngak iek bruk pato sap bahsa Campuchia brei hu peih praong tabiak 4 sang bac tieu hoc, 4 sang bac THCS saong 1 sang bac THPT di dom xa tapen negar. Tal thun 2045, kham merat hu 100% sang bac di labik tapen negar peih bruk pato sap bahsa ini.

Mbang taong yaom prein bac mbang ka 1 thun 2026 di Dai hoc Quoc gia TPHCM mbiah tal ini hu jaik 140.000 anek saih tut angan pakacah, tagok labaih 5% dut saong thun 2025. Mbang ka 1 hu peih ngak di harei 5/4 di 15 tinh, ban nan lac: Huế, Đà Nẵng, Quảng Ngãi, Gia Lai, Đắk Lắk, Khánh Hòa, Lâm Đồng, TP.HCM, Đồng Nai, Tây Ninh, Đồng Tháp, Vĩnh Long, An Giang, Cần Thơ saong Cà Mau. Mbang ka 2 peih ngak di harei 24/5 di tỉnh, ban nan lac: Huế, Đà Nẵng, Quảng Ngãi, Gia Lai, Đắk Lắk, Khánh Hòa, Lâm Đồng, TP.HCM, Đồng Nai, Tây Ninh, Đồng Tháp, Vĩnh Long, An Giang, Cần Thơ saong Cà Mau.

Di tinh Vinh Long, njom ia mbak daok yam tame tabung glaong di bilan thu. Urak ini ia mbak njom tame 4‰ hu tame dalam meng 40 tal 50 km di angaok dom kraong praong. Njauk caik hatai sangka lac, njom ia mbak 1‰  meda ngak kanjah tal halau ia pandar saong dom janih phun pala mbuan gaok kan kandah. Piah patakik khat lahik, gah ngak nong tinh pachreih rahra tui iek catang tanut mbak di angaok yaok jalan kraong; patagok bruk padang khik piah ia taba, pandar ia kali kalih. Meng thun 2016 tal ini, njom ia mbak ngak khat lahik ka bhum palei.

Indonesia blei brah tame takik la 1.000 tấn brah di My tui harak pambuak bruk pablei salih di dua gah, yaom lac dahlau di nan Tong thong taneh ia ini brei padeih blei brah tame. Dom janih karei yau lúa mì saong ratak dau nanh nan bruk blei tame ralo di gah ngak kaya mbang pak negar Indonesia. Salih veik, Indonesia hu taduan bruk daong jien je lap biar tuk pablei tapa negar Mỹ.

Trung Quoc kuhria hu dom mbang nao mai rilo abih di rahra dalam mbang padeih padei Tet Nguyen dan dui atah 9 harei bahrau blaoh. Dalam nan hu labaih 2,8 ty mbang urang ngak dom mbang nao mai di dom labik, mek hu tanut kuhria rah tapa lac 311 trieu mbang di sa harei. Meng 15-23/2, tuai damuai Trung Quoc hu par tal jaik 1.000 ban medin dalam dunya. Jien buh tabiak ka ilamo saong jirah rivang daok dak harei dak jeng bruk daong prein pachreih pandar bhian di Trung Quoc.

Tui Lien hop quoc, labaih 6,5 trieu urang di Somali, dang anak bruk iek lipa biak trak kayua pandiak bhang tua riya. Hadei rilo thun oh hu hajan, bilan 11 thun 2025, Rajaei Somali khan brei thau dom bruk pandiak bhang tua riya samar chip di grauk negar. Urak ini hu yaok pluh ribau  urang klak sang danaok nao labik karei ngak mbang saong padang raidiuk birau. Rilo urang metai kayua iek lapa, min yaok kuhria oh ka hu abih./.