1/ # Harei ini 13/12, Nyaom roya pakat negar kapul dam dara CS Hồ Chí Minh mbang ka XI hu tamat bloh di Hà Nội. Thủ tướng Nguyễn Xuân Phúc mai hu mbaok saong brei panuac. Ngan saong kadha “Dam dara Việt Nam ba kaok, khang hatai, jum pataom, hadah krah, patagok”, jalan ngak di nhiệm kỳ 2017 - 2022 lac padang rai dam dara bahrau bak hatai anit ranam taneh ia, diuk rai siam mekre, hu ilamu, pan njauk adat hukum, hu hatai caong yam tagok. Tuk tamat, nyaom roya hu harak thư payua ka abih dam dara dalam taneh ia

2 # Harei 12/12, di  Hà Nội, Mintri ilamu  Thể thao song  Du lịch pambuak bruk song Ủy ban bangsa peih bruk mbaoh tangin “Jhul pakhang dom bruk ilamu, thể thao, du lịch song boh sang bhum mik va bangsa takik, bhum ceik tuk vak  2017-2022”. Danak dak hu peih ngak di 52 tỉnh, ban hu rilo mik va bangsa takik dok.Thứ trưởng, Phó Chủ nhiệm Ủy ban bangsa Nông Quốc Tuấn brei thau: 

  Khol hulin cong khin lac pambuak bruk hu tame dalam dom ilamu peih ngak yaok bruk, trun  cơ sở khik caga  quyền song kein laba tui adat di mik va bangsa takik gah bruk ilamu dalam dom thun tal. 

3 # Vụ Pren yava urang amaik- Uraniah(Bộ Y tế) brei thau: Tapa pasang iek di dom tỉnh ban saong tui pathau khan di dom đơn vị, Bộ Y tế mboh lac hu dom cơ sở y tế oh ka ngak siam bruk klauk vitamin K1 ka anek kamar hadei di tuk ndih tapui, nan ye hu dom uraniah xuất huyết não, màng não kayua kurang vitamin K. Piah pacang caga bruk nan di uraniah, Vụ Pren yava urang amaik- Uraniah , Bộ Y tế hu panuac pandar dom labik yau ye: Giám đốc Sở Y tế dom tỉnh, ban; dom sang iek ruak di Bộ Y tế; …tacei brei ngak siam bruk klauk vitamin K1 ka anek kamar tui njauk tacei pato di negar ka dom bruk iek glang pren yava urang ndih tapui

 4 #Ub bhap bini  tỉnh Quảng Ngãi bahrau buh brei 19 tỷ đồng meng kadung jien karja  tỉnh thun 2018 piah pabha phun jien (50%)  ngan song dom danak dak xử lý nerak tathuak môi trường thun 2017 kayua kadung jien  Trung ương dong ba. 

5 #Piah pabak bruk nao mai di tui damuai tuk Tết Dương lịch thun 2018 jaik tal hu siam lagaih, plaih bruk kandaong labaih tuai di dom bến xe, labik cang xe buýt, Pasak khik ramik saong tacei pato bruk pajeng ba tuai ban raya HCM brei pabak labaih 20 tuyến xe buýt ngan saong 1.205 mbang peih saong patrun dom mbang peih di dom tuyến. Tukvak duh ka Tết Dương lịch di xe buýt lac 3 harei (30, 31/12/2017 và 1/1/2018).

6 #Ban Cần Thơ urak ni jiak 5.200 boh sang urang Khmer, song labaih  22.700 urang. Piah dong khik ramik an ninh, trật tự dalam bhum hu rilo mik va Khmer dok, dalam 5 (meng 2012 - 2017), Ban khik ramik  dom baha, dom Trụ trì, Achar, tuk halei hu pambuak bruk khang kajap song gah chức năng dom đơn vị, palei pala jak ba urang Khmer  hu mbaok tame dom kapal nyaom bhap bini yau: khik ramik  dân phố, dân phòng, tổ bhap bini tự quản.

Patui di ni dom khau tin dunya:

7 # Piah pachreih tuai mai saong blei pandap di Thái Lan, Mintri jien padai Thái Lan njauk hatai haong bruk ba tbaiak di Mintri Thể thao saong Du lịch brei caik dom văn phòng hoàn thuế di dom labik blei pandap saong pasak pablei salih di taneh ia ini. Panuac caong di urang bahrau tagok ngak akaok mintri Thể thao saong Du lịch Thái Lan Weerasak Kowsurat piah ba mbuan lagaih ka tuai dunya saong daong jhul patagok nền kinh tế.

8 #Tổng thống Mỹ Đô nan Trăm harei  12/12 hu mbaoh tangin tame sarak  quốc phòng  song kadung jien 700 tỷ đô la ka bol lin  Mỹ. Pok kadung jien ni hu buh brei ka dom danak dak phòng vệ tên lửa piah cakak song dom bruk đe dọa vũ khí hạt nhân dok tagok meng  Triều Tiên. 

9 # Thủ tướng Anh Thê-rê-xa Mây (Theresa May) brei thau, hu caik tabiak sa pok jien  140 triệu bảng Anh piah daong dom taneh ia kan kathaot gaok kan kandah kayua biến đổi khí hậu. Tui rajaei Anh, yaom jien daong ini hu daong ka 2 triệu menuac gaok kan kandah kayua biến đổi khí hậu, saong hu 15 triệu bảng Anh padang veik đảo quốc Đô-mi-ni-ca (Dominica) gaok khut khat trak kayua ribuk Ma-ri-a./.