#/ Dalam danak dak nyaom biai pakat glong dom urang kamei Akaok QH dunya mbang ka 11, cala pandiak harei 12/12 tui mong puk palei, Akaok QH Nguyễn Thị Kim Ngân hu taduan raok amuk  An Ca-xi-mi, akaok mintri, Quốc vụ khanh, Các Tiểu Vương quốc Ả-rập Thống nhất. Akaok QH ndom lac Vn tuk halei jeng iek prong talei pambuak bruk rilo gah song Các Tiểu Vương quốc Ả-rập Thống nhất. Akaok  Quốc hội cong khin, dalam tuk vak anak tal, 2 negar hu klak rabha dom ilamu dalam bruk padang ngak hukum, peih ngak dom sarak, jalan ngak, piah ba kein laba ka XH, paglaong rai duik bhap bini di 2 negar .

#/ Harei kabroi 12/12, bhap bini tỉnh Bình Định barau daong hu sa urang kamei laik trun kraong njauk ia ba seik. Hadei di tuk ba nao tal pasak y tế huyện Hoài Ân cấp cứu, pren yava di urang nan hu siam mekre veik. Di pasak y tế huyện, urang dang akaok UB bhap bini huyện Hoài Ân hu nao rivang tangi sua, pachreih saong pok meyaom dom dam dara hu daong urang kamei nan. Urang dang akaok huyện hu jak ba mikva oh tgapa jalan, oh tapa tatua dom labik dhaong, labik dalam, labik dauk ia.

#/ Bộ Chỉ huy Bộ đội Biên phòng tỉnh Bà Rịa-Vũng Tàu bahrau tacei pato dom đơn vị pambuak bruk song dom sang, dom puk palei song pandar dom đài trực canh gam gam khan brei dom kapan di angaok tasik thau ka bruk di áp thấp nhiệt đới piah samar plaih njaik. Urak ni dom urang tong ikan di dom kapan tong chap kaya ikan di angaok tasik hu thau ka bruk áp thấp nhiệt đới. Bộ đội biên phòng tỉnh daok kham merat pambuak bruk song karja puk palei, mban khik ramik dom pambah lamnge caga labik pataok brei kapan tame nyaih áp thấp nhiệt đới hu siam merke.

#/ Tỉnh Ninh Thuận hu tạm ứng kadung jien karja tỉnh 18 tỷ đồng piah daong 4 doanh nghiệp hu mbaok tame khik mepiah pandap panda pablei tết nguyên đán anek sak menuk, rik daong tani tanat darak pasar. Yaom jien ini hu daong 8 nhom pandap khik tani tanat yaom kaom dalam tuk tết nguyên đán thun ini lac: brah, duik, ralo athur, menuk ada; pandap chế biến; njam patam, baoh karaoh that. Tukvak piah dom doanh nghiệp peih bruk tani tanat yaom kaom dui atah dalam 3 bialn, meng harei 15/12/2016 tal harei 15/3/2017.

#/ Sở Ilamu song Thể thao ban raya Hồ Chí Minh meda dang tabiak jak ba pok jien XH hóa piah peih bruk chuh pháo bingu thun 2017. Dom quận huyện, pok jien peih ngak meng bruk jak ba XH hóa di dom quận, huyện. Tui nan, Tết Dương lịch thun 2017, ban raya peih bruk chuh pháo bingu di 2 labik, labik cuh pháo glong di akaok jalan hầm tapa krong Sài Gòn, song labik cuh pháo bingu beir di mblang bein Đầm Sen. Tuk vak cuh pháo bingu lac 15 minite, meng 00 tuk tal 00 tuk 15 minite harei 1/1/2017.

 #/ Hadei di labaih 3 bilan peih bruk pakacah paneh kadha vọng cổ saong kadha tài tử ka bruk bac megru saong ngak tui jalan hadah krah siam mekre di HCM, ban Cần Thơ hu 11 tác phẩm hu jao giải, dalam nan hu sa giải sa, 2 giải dua, 3 giải klau saong 5 giải khuyến khích. Mban peih bruk taong yaom: dom urang paneh kadha kham merat khai thác meng ralo gah, ralo bruk di anak meta piah ginup pren ngak jeng nhân vật nghệ thuật.

#/ Đà Lạt (Lâm Đồng) song Sa Pa (Lào Cai) bahrau hu mbaok tame top 10 labik mai rivang Châu Á bahrau tagok thun 2017, kayua blah tư vấn du lịch hu angan je TripAdvisor palih rua. Bruk palih ruah ni mai meng panuac di yaok triệu tuai damuai, jeng lac urang pandar ripAdvisor tong yaom ka labik dok, labik mbang, labik main song bruk patagok ka nhu cầu đặt phòng. Yaih khan ka đà Lạt, blah TripAdvisor cih, ni lac labik main biak siam piah tuai damuai padeih takai, bui sambai dalam dom harei. Dok Sapa ban sit dalam iak ngin bak sambo màu song gheih mekre.

 Patui di ini dom khau tin dunya:

#/ Giáng sinh daok mai tal grauk labik di dunya, meng bruk hu mbaok di dom ong taha Nô el, dom phun thông hu tuan gom hadah tanyaik, atau jalan hu pui ralo sambo. Di dom taneh ia, daok hu dom bruk ngak piah salam uan harei giáng sinh.  Menuac sia di dunya jeng daok cang maong saong likau ka sa thun barau 2017 sron mbon salamat saong patuah jamo.

#/ Tổng thống Colombia Juan Manuel Santos (Hoan Ma-un-ên Xan-tốt hu panuac ieu salih jalan ngak dalam bruk mesruh pacang ma túy di dunya kayua hadei di rilo thun ngak, dom negar oh mek hu dom jak jeng prong. Tổng thống Santos ndom lac oh hu bruk tác dụng halei tuk dom urang nong pala phun jru phiel njauk chap kreik, dalam tuk di 8 bang di Mỹ bruk pandar ma túy lac njauk hukum. Ong ndom lac   Colombia lac sa negar hu rilo urang metai di abih kayua bruk mesruh pacang ma túy song negar ni hu panuac lac dunya oh hu jak jeng halei hadei di yaok pluh thun. 

#/ Urang dahlau daih ngak Thủ tướng Bồ Đào Nha Guy-tê-rết harei kabroi 12/12 hu tuyên thệ nhậm chức Tổng thư ký LHQ anak lambaok 193 taneh ia di LHQ, sa kadha praong dahlau di tuk ong tagok pan bruk ini meng harei 1/1 thun tal meng ong Ban Ki mun. Ong Guy-tê-rết, umo 67 thun lac sa chính trị gia hu ilamu di BĐN. Dalam 8 thun ngak Thủ tướng, ong hu taong yaom lac hurilo  rik daong tame bruk salih barau hệ thống jien padai di BĐN saong ba taneh ia ini tame dom taneh ia pandar jien ơ rô./.