#/ Mintri padang ngak bahrau brei thau “Điều chỉnh Quy hoạch padang ngak ban ine Hà Nội tal thun 2030 song pamong tal thun 2050” tui sarak 768 di THủ tướng rajaei. Tui nan, ban ine HN hu tong abih ranh giới HN song 9 tỉnh jaik taphai lac Vĩnh Phúc, Bắc Ninh, Hải Dương, Hưng Yên, Hà Nam, Hòa Bình, Phú Thọ, Thái Nguyên song Bắc Giang.Bruk điều chỉnh Quy hoạch padang ngak ban ine Hà Nội piah pabak ka bruk patagok, bruk khik caga quy hoạch song dak padang bhum, khik caga siam mekre bruk phân bổ ngườn lực di taneh ia, patrun dom bruk oh siam di tuk vak đô thị hóa tal môi trường sống, pabak ka bruk padang ngak samu gauk song pasiam dom mạng lưới hạ tầng kỹt huật song XH.

 # Pa-uan  Tết Trung thu 2016, danakdak Lễ hội mặt nạ ngan saong kadha “Ja Bờm hu baok kadhik mo” meda rah tabiak di Văn Miếu- Quốc Tử Giám- Hà Nội di harei 4/9. Danakdak lac patui bruk jak jeng di dom danakdak pamedeih tagok ilimo mengkan di kapul gam uranaih sáng tạo di thun 2015 ye : gam cih mặt nạ, bui sambai Tết Trung thu”, “gam uranaih ngak tabiak, roh duah rup cih Tết”. Tapa dom bruk pato megru saong trải nghiệm nghệ thuật, kapul caong ngak tabiak sa mblang mein siam ka dom adei sit dalam melam ia bilan baok baoh, pato dom adei thau sahaneng lac urang Viet takre ilimo Viet, pandap Việt.

#/ Tal urak ni, tỉnh Quảng trị hu 100% xã hu bilai y tế song bác sỹ, y tá palei song hu brei thiết bị y tế song dom janih jru bhian pandar rilo. Gam song nan, dom xã tapen jalan negar hu bilai quân y di dom đồn biên phòng hu rik dong patagok bruk ngak, iek glang pren yava, iek ruak ka mik va urang bangsa takik di labik ni. Langiu di bruk iek ruak, tỉnh dok peih bruk brei sổ iek ruak brei saoh ka dom boh sang kan, boh sang sarak kajar, boh sang urang bangsa takik.

# Tui kapul urang njauk jru mek kalik truac tỉnh Kon Tum, urak ini tỉnh ini hu jaik 8.000 urang njaom jru mek kalik truac, dalam nan hu jaik 1.000 urang hu mbaok mesruh tapak di mblang mesruh saong anek hatian di urang hu mbaok mersuh tapak di mblang mesruh kayua ảnh hưởng jru mek kalik truac urak ini daok hu daong yaok bilan. Ngak tui sarak di Đảng, hukumdi karja, dom pakat kapul jak ba hu jaik 5,4 tỉ đồng di dom kapul nyaom, urang hảo tâm daong brei jien padang ngak, ramik pasiam sang anit ranam, iek ruak; tanhi ravang, alin pandap ka dom urang nan.

#/ Pasak dịch vụ bruk ngak tỉnh Đồng Nai bahrau peih labik giao dịch bruk ngak. Hu 25 DN palih ruah tong abih labaih 1.300 urang ngak. Tui panuac khan di pasak dịch vụ bruk ngak tỉnh ĐN, hu 600 urang mai duah bruk ngak di mbang giao dịch, dalam nan hu 406 urang hu tacei jalan ngak. Dom DN taduan hu 239 hồ sơ likau bruk ngak song hu 115 urang hu palih ruah tapak di labik.

#  Meng akaok thun tal ini, tỉnh Bình Thuận hu 727 mbang urang ruak pandiak pabiak darah, rilo jang labaih 3 mbang duk saong dom bilan ini thun 2015. Hu 97 urang ruak takai tangin cambuai; oh ka mbh urang gaok kum A (H5N1, H7N9), Zika. Daok ruak não mô cầu,  hu sa urang metai. Bruk klauk dom janih vắc xin ye BCG, Hib3, sởi… di dom huyện jeng samu saong gloang jang tanut ba tabiak. Urnaih meng 6 - 60 bilan, amaik meneh hadei sa bilan menyum vitamin A hu labaih  97%. Ruak pandiak tabiak darah tagok glaong kayua biến đổi khí hậu saong bruk karei di labik, bhum, thời tiết meda lac dom jalan lagaih ka jamaok ba ruak. Taphia nan, bhapbini takik sangka ngak hacih saat alam moi truong, pametai lăng quăng.

#/ Sở Công thương tỉnh An Giang bahrau peih nyaom darah pasa ba pandap Việt mai palei pala hu angan “Hadh mbaok pandap Việt 2016”.  Ni jeng lac nyaom darah pasa pandap Việt mai palei pala mbang camereip hu peih ngak dalam thun ni, song hu mbaok di 200 nhà sản xuất dalam song langiu tỉnh. Darah pasap mbang ni hu peih ngak tui jalan pablei pandap siêu thị lưu động, hu taneh prong labaih 850 m vuông, pabak ka jiak 9.000 pandap panda hu sản xuất hu angan je, khik caga chất lượng, yaom kaom lagaih yau dom pandap gia dụng, thực phẩm công nghệ, pandap jhik, khan aow, dom janih pandap pandar karei.

Patui di ni dom Khaw tin dunya

# Hukum Lao động barau di Pháp barau hu Tổng thống P.Ô-lăng-đơ mbaoh angan brei tabiak. Hukum Lao động  hu rajaei Pháp ba tabiak meng bilan 2 piah trun takik urang thất nghiệp daok daok di tanut glaong labaih 10% saong hu maong lac sa dalam dom sarak ramik pasiam praong abih di Tổng thống Ô-lăng-đơ. Min, Hukum daok gaok bruk phản đối khang di dom gah công đoàn saong dom nghị sĩ di  đảng Xã hội  cầm quyền, dui tui bruk jalan phản đối biak rilo.

#/ Di ban ine Bangkok, Thái Lan hu rah tabiak parang iek hu angan “ taneh ia, anek menuac song ilamu VN”. Song jiak 100 thaot binguk song labaih 300 tài liệu, pandap panda, parang iek yaih khan dom janih siam gheih di ilamu VN, địa lý tự nhiên, loại hình cư trú, dom janih khan aow, pandap thủ công pet, MEnyim, alat ragam meng kan di dom bangsa VN. Parang iek hu dong ka bhap bini TL thau ka taneh ia VN siam mekre, sron mboh, rap ar tuai damuai, abih di nyu nan lac dalam tuk vak talei pambuak bruk VN- TL daok tagok glaong/.

# Harei 11/8, Vê-nê-xuê-la saong Cô-lôm-bia njauk gauk brei peih veik dom pabah mbang negar di dua taneh ia ka urang nao takai. Dalam panuac ndom hadei mbang ginum biai, Tổng thống Cô-lôm-bia Hoan Ma-nu-en Xan-tốt  Juan Manuel Santos) brei thau, ông saong Tổng thống Vê-nê-xuê-la Ni-cô-lát Ma-đu-rô ( Nicolas Maduro) hu njauk hatai gauk peih 5 bambang negar ka urang nao takai dalam 15 tuk sa harei. Min, kapul biên phòng dua taneh ia jeng khik iek catang. Ini lac sa bruk piah  yam tal peih abih bambang negar di dua taneh ia.