# Patui danak dak mbang nyaom ka 27, mesup harei ini (13/9), Ủy ban Thường vụ Quốc hội brei panuac tangi sua ka pathau khan  di rajaei ka bruk peih ngak Hukum negar,adat,  sarak di Quốc hội.  Ni lac mbang camereip Rajaei pathau khan ka bruk peih ngak hukum negar, adat hukum, pháp lệnh, sarak di Quốc hội yaok thun iek tui pathau khan bruk peih ngak sarak ka 718 di Ủy ban Thường vụ Quốc hội.

# "ASEAN oh lac công xưởng ngak mbang di dunya bo hu thau tal yau ye sa dalam dom libik peih mbaok di rilo ý tưởng barau, sáng tạo di dunya. Meng công nghệ glaong saong gah kinh tế số barau lac dom gah rilo tiềm năng di ASEAN saong tui kuhria meda tagok jang 4 mbang, tagok tal 200 tỷ USD di thun 2025" – nan lac panuac di Thủ tướng Nguyễn Xuân Phúc dalam mbang nyaom toàn thể ka ưu tiên di ASEAN dalam kỷ nguyên cách mạng công nghiệp 4.0 dalam Diễn đàn Kinh tế dunya ka ASEAN (WEF ASEAN) harei kabroi (12/9).

# Njauk thau dom kadha vak angaok thẻ bảo hiểm yau habar lac bruk hu rilo urang ngak caik hatai sangka. Ndom ka dom ký tự vak angaok thẻ bảo hiểm y tế, ong Nguyễn Tất Thao, Phó Trưởng Ban chính sách bảo hiểm y tế, bảo hiểm xã hội Việt Nam brei thau: Mã thẻ bảo  hiểm y tế, angaok mã thẻ nan vak 15 ký tự song hu pabha  tabiak 4 ô piah brei thau ka urang blei bảo hiểm y tế, jeng tapa nan xác định quyền lợi di urang blei bảo hiểm y tế. Dalam nan ô ka 2  hu ký tự meng số song hu vak  số thứ tự meng 1 tal  5, tui nan brei thau tanut quyền lợi bảo hiểm thanh toán.

  # UB bhapbini tỉnh Nghệ An barau taong phạt vi phạm hành chính di gah khik caga alam môi trường di ông Phạm Quốc Bảo, umo 38 thun, daok di phường Quang Trung, ban sit Vinh ngan saong yaom jien phạt tagok tal 175 triệu đồng ka bruk pablei salih pajeng ba ia nerak ngak jhak ka pren yava. Pandap mek hu lac jaik 4 tấn ắc quy chì hu pandar blaoh.

# Meng kreik bilan 8 mbiah tal ni, ruak pandiak tabiak darah tagok samar di dom tỉnh gah kreik negar. Đà Nẵng lac labik hu urang ruak pandiak tabiak drah glong abih di bhum kreik negar ngan song jiak 2.000 mbang urang, patui di nan lac  tỉnh Khánh Hòa 1.500 mbang urang, hu 1 urang metai. Jit ruak panidak tabiak darah di dom tỉnh gah kreik negar meda tagok glong dalam bilan 10 anak tal .

Khaw tin dunya

# Page 12/9, di ban ine Viêng-chăn (Vientiane), Lào, sang bac dua-dua sap Lào-Việt Nam Nguyễn Du di Thành hội ban ine Viêng-chăn( Vientiane)- Lào barau peih thun bac barau 2018-2019. Dalam thun bac barau blaoh, dom anek saih di dom pakat bac di sang bac hu 1.530 adei, dalam nan anek saih lac urang Lào meblah 60%, anek saih lac anek Việt kiều meblah 20%, daok veik lac anek saih urang Việt Nam. 

# Amuk Maria Luisa Carcedo hu pok ngak akaok mintri Y tế negar Tây Ban Nha salih ka  amuk Carmen Monton – urang bahrau likau padeih hadei di tuk njauk cáo buộc đạo văn. Dahlau di tuk muk  Monton tabiak panuac likau padeih bruk, harei 11/9, truyền thông Tây Ban Nha brei thau muk  Carmen Monton đạo văn tal 19  blah dalam 52 blah dalam danak dak roh duah mek bằng thạc sĩ luật di sang bac Đại học Rey Juan Carlos di ban ine Madrid dalam tuk vak  2010 - 2011. Bruk ngak nan lac sa binah dalam dom kadha vak di angaok harak mbao trực tuyến Diario.es dalam nan hu tacei tabiak rilo bruk bleik saleik dalam bằng thạc sĩ di muk, dalam nan hu bruk rilo điểm số dalam tuk bac hu salih  meng panuac “vắng mặt” jeng “thi đậu”.

       # Thị trưởng ban London Sadiq Khan brei thau, meng harei 17/9, cảnh sát London meda pabak 122 cảnh sát tame đội đặc nhiệm pacang caga tội phạm. Bruk ngak praong di kapul ini lac peih dom bruk truy quét, mek khik saong mek dom phao ndao to dhong duah mboh di jalan phố London, aboh di nyu nan lac pataom tame dom urang halei ba tui to dhong dalam rup. Tui ông Sadiq Khan, sa dalam dom makna ngak ka bruk taong paoh rah tabiak dak harei dak jhak lac kayua rajaei kakak trun kadung jien karja di kapul cảnh sát London ngak ka số lượng cảnh sát trun tanut bair abih dalam 20 thun tapa./.