#/ Melam 13/12 tui mong di Abu Dhabi, nyaom biai pakat glong dom urang kamei akaok QH dunya mbang ka 11 hu rah tabiak mbang nyaom tamat bruk. Hadei di 2 harei ginum biai, dom urang hu njauk gauk ba tabiak sa tuyên bố chung, Tuyên bố Abu Dhabi. Dahlau di nan, nyaom biai pakat glong dom urang kamei akaok QH dunya mbang ka 11, hu peih 8 mbang ginum biai chuyên đề. Akaok QH Nguyễn Thị Kim Ngân hu kadha vak ndom puac di mbang ginum biai ka 3 ngan saong kadha: “ Jum pataom khik ramik sa dunya khang kajap”.

#/ Jeng dalam harei 13/12, UB bhap bini tỉnh Đắc Lắc tabiak panuac brei thau ka bruk patuh di công an tỉnh ini lac kayua bala rah tabiak langiu hatai caong, oh lac kayua khủng bố, palai pajoa. Bruk patuh khang rah tabiak melam kabroi di labik khik vật chứng (pandap patuh) di Phòng An an ninh điều tra công an tỉnh Đắc Lắc. Bruk patuh nan ngak 3 urang jakar, chiến sĩ công an tỉnh daok ngak bruk di đơn vị metai, 3 urang karei njauk rambuah. Thủ tướng rajaei Nguyễn Xuân Phúc hu ieu phon krah rabha pandik harao hong dom baoh sang jeng yau tacei pato tỉnh Đắc Lắc pataom tame cứu chữa ka dom urang njauk rambuah, ngak ndam metai ka dom urang jakar chiến sĩ metai tui quy định.

#/ Hadei di jiak 3 thun peih ngak danak dak “ Jhul pakhang bruk bac megru luac rai dalam boh sang    but pajaih, bhap bini tal thun 2020”    dalam tỉnh Ninh Thuận urak ni hu 90 kapul pachreih bac song labaih 100 ribau urang, meblah 18% menuac sia dalam tỉnh. Di NT hu rilo boh sang “ but pajaih bac megru” , “ XH bac megru”. Meng rilo jalan ngak, dom pakat kapul pachreih bac dalam tỉnh jak ba hu labaih 11 tỷ đồng, padang kadung jien pachreih bac, jao 36.500 pok jien bac ka anek saih, pok meyaom gru pato, pasiam veuk sang bac tal bac abih tih jiak 5 tỷ đồng.

#/ Tui pasak Dự báo khí tượng thủy văn Trung ương, meng harei 14 tal harei 17/12, mbuan hu ia sua mbiah saong khang angaok dom kraong meng Thừa Thiên- Huế tal Ninh Thuận; mbuan dauk dalam di dom labik dhaong dom tỉnh ban Nam Bộ saong ban raya HCM. Kayua hu ngin Đông Bắc pambuak saong bruk nhiễu động dalam đới gió Đông angaok glaong nan ye dom tỉnh meng Quảng Trị tal Ninh Thuận hu hajan mbiah, hajan khang, hu labik hu hajan biak khang, angaok dom kraong dalam bhum ini mbuan hu ia sua, mbuan glut jaleih haluk.  

#/ Harei kabroi ( 13/12) Kapul ngak bruk di pasak Y tế Dự phòng ban raya Hồ Chí Minh hu nao tal sang bac Tiểu học Tân Xuân, di palei  Mỹ Hòa, xã Xuân Thới Thượng, huyện Hóc Môn piah peih bruk tui iek dịch tễ song xử lý "sruh ruak”  quai bị mbuan si pambak  praong di labik ni. Dahlau di nan, sang bac Tiểu học Tân Xuân hu 16 anek saih ruak quai bị. Sang bac hu khan ka bilac Y tế song pasak  tâm Y tế dự phòng huyện Hóc Môn piah pruh jru hóa chất, khử khuẩn, pathau khan bruk pacang caga mbuan si njom ruak ka anek saih. Ong Huỳnh Minh Vũ, Hiệu trưởng sang bac Tiểu học Tân Xuân brei thau urak ni dom anek saih ruak quai bị hu  mai bac veik, min dok hu rilo anek saih karei dok padeih bac oh thau kayua hagait. 

#/ Anak bruk áp thấp nhiệt đới angaok biển đông, tỉnh Sóc Trăng hu samar peih ralo jalan pacang cakak. Tal tukvak ini, mban Chỉ huy pacang cakak bala saong daong duah urang njauk bala tỉnh Sóc Trăng hu ieu phone taom gaok hu taong abih 349 kapal gaiy gilai ngan saong jaik 2 ribau urang daok taong cap langiu tasik. Dom puk palei tapen tasik hu peih peih ralo jalan ngak yau tacei pato, daong bhap bini pataok sang danaok, pasang iek, kuhria caga jalan panduan ba bhap bini truh dom labik oh an toàn, labik dhaong, mbuan dauk.

#/ Thun ni, tỉnh đồng Tháp hu  peih 16 mbang giao dịch bruk ngak, dong duah bruk ngak, bac bruk ngak,  xuất khẩu lao động ka 3.500 urang, dalam nan jiak 2 ribau urang ngak bruk di negar langiu, rilo di abih lac NHật Bản, Đài Loan song  Malaysia. Bruk peih dom mbang giao dịch bruk ngak hu dong ka rilo urang ngak oh ka hu bruk ngak, daong ka anek saih hu rilo jalan duah bruk ngak     bac bruk ngak song abih di nyu nan lac hu nao ngak bruk di negar lingiu. Tapa dom mbang giao dịch bruk ngak hu dong duah bruk ngak ka dom urang ngak di tỉnh yaok thun.

Patui di ini dom khau tin dunya:

8/ Harei 13/12, QH Ai Cập hu tabiak tối hậu thư ka rajaei taneh ia ini brei padang saong pok tagok sa phiên bản barau di hukum tố tụng hình sự piah jhul samar bruk xét xử dalam dom vụ án khủng bố. Tui dom nghị sỹ Ai Cập, hukum tố tụng hình sự urak ini brei hu pasiam veik tui jalan brei adat dui panak bruk xét xử dom vụ án khủng bố.

 #/ CPC bahrau payua angan 7 ban mekre abih di negar ni piah tame bruk pakacah ban du lịch mekre abih di bhum ASEAN hu peih ngak di Thái Lan thun 201. Dalam tong abih 7 ban ni, CPC cong khin di abih lac ban Xiêm Riệp kayua mbang pakacah thun dahlau ban ni hu palih ruah lac ban mekre abih di bhum ASEAN. Ni lac cố đô di CPC hu rilo bimon kalan klak hu padang labaih 1000 thun dahlau, yaok thun taduan hu yaok triệu tuai  du lịch langiu negar mai rivang main.

#/ Bhap bini Séc dak harei dak takre pah phun thông piah trang trí tuk giáng sinh salih ka bruk blei barau. Jalan ngak barau ini hu daong khik caga thiên nhiên bo oh ngak patrun nao bruk chreih chrai dalam tuk giáng sinh thun ini. Hadei di tuk tuai palih ruah saong đặt blei sa phun thông njauk hatai angaok mạng Internet, công ty dịch vụ hu ba tal sang. Hadei di tuk giáng sinh bloh, phun thông hu ba nao pala veik dalam glai. Ini hu iek lac sa bruk ngak hu makna kayua oh lac daong patak pataom jien padai bo daok lac khik caga môi trường./.