1# Harei kabroi (13/5), Tổng Bí thư Nguyễn Phú Trọng saong Kapul urang QH đơn vị bầu cử ka 1 ban Hà Nội hu dom mbang taom gaok cử tri quận Ba Đình,  Hoàn Kiếm saong Tây Hồ. Ndom biai haong cử tri ka bruk pacang caga tham nhũng, Tổng Bí thư Nguyễn Phú Trọng mboh lac, bruk pachreih tui di bhap bini lac pren khang saong lac makna ba tal dom ak jeng siam mekre dalam bruk pacang caga tham nhũng tukvak tapa. Bruk pacang caga tham nhũng oh njauk klaak meteh dhi, anak tal, daok hu ralo bruk njauk ngak saong ngak khang jang.

2 # Kapul urang  Quốc hội ban raya HCM đơn vị ka  10 dalam beir harei karoi  (13/5), hu var taom gaok  cử tri Quận 8. Ngan song bruk urang jakar , cử tri hu panuac caong pasang iek veik quy trình, brei bruk urang jarka, abih di nyu nan lac urang jakar pakat glong, jhui caik rah tabiak bruk ngak suan hukun patrun hatai jia di bhap bini. Amuk Trương Thị Huyền, daok di  Quận 8 lac

Caong lac dalam brei bruk urang jarka brei hu jalan ngak cambaih laih. Pagap yau bruk mek panuac tong yaom urang jakar ye oh tapa bruk payua  email bo njauk plaik phiếu kín, brei bruk urang jakar brei mek ý kiến njauk hatai halei oh  song hu plaik  phiếu kín”

3# Di tuk jao Giải thưởng ka dom kadha vak ka bruk “Bac megru song ngak tui jalan hadah krah siam mekre di Hồ Chí Minh” mbang ka 1 (2016-2018), Ban Tuyên giáo trung ương  hu jao 8 giải A, 34 giải B, 67 giải C saong 55 giải khuyến khích ka dom kadha vak di 13 asal kadha. Dalam nan, Đài TNVN taduan hu giải đồng hạng ka yaih khan tác phẩm văn học, nghệ thuật, báo chí.

4  # Thun ni,  tỉnh Bình Định kham merat hu  13 xã  mek hu angan palaei pala bahrau, tagok xã padang ngak palei pala bahrau labaih 65 xã. Dalam 13  xã tui kuhria ngak salah bloh bruk padang ngak  palei pala bahrau dalam thun ni rilo abih di huyện Hoài Nhơn hu 4 xã; 2 huyện Phù Cát, Tuy Phước song ban sit  An Nhơn, yaok palei hu  2 xã; dok veik di dom  huyện Phù Mỹ, Tây Sơn song Hoài Ân.

5 # Bộ đội biên phòng tỉnh  Sóc Trăng pambuak bruk haong Kalup kapul gru jru ranaih umo ban sit Vĩnh Châu harei 13/5 hu iek ruak, brei jru ka labaih 200 mbang urang kan kathaot daok di xã Lạc Hòa, ban sit Vĩnh Châu. Kayua raidiuk daok ralo kan kandah, mikva di labik ini bhian njauk dom ruak cảm cúm, ruak klik, tim mạch, pandik talaing talaih, pandik dạ dày, gan thận.

          Patui di ni dom khau tin dunya

6 # Tổng thống Mỹ Đô nan Trăm hu panuac ieu quốc hội brei tapa hukun kadung jien ka rajaei liên bang dahlau di tuk padeih bilan 8 anak tal, meyah oh hu yau nan, dom thượng nghị sỹ njauk dok veik ban ine Oa-sinh-tơn piah ginum biai

7# Gah khik iek bala meng lingik tasik Kling brei thau, labaih 30 menuac metai saong ralo urang karei njauk rambus dalam sa mbang hajan ribuk di melam kabroi di taneh ia ini. Tui nan, hu labaih 40 mbang par hu salih jalan di mblang kapal haoh pakat dunya Đê-li In-đra Gen-đi (Delhi Indira Gandhi) kayua lingik jhak.

          8 # Urang dang akaok Gah  Y tế dunya (WHO) di châu Phi, Mát-si-đi-sô Mô-ét-ti (Matshidiso Moeti) harei kabroi  (13/5) brei thau, jabat ni pataom hu 4.000 liều vác-xin Êbôla piah ba tal dom negar châu Phi này. Tui  ông Mô-ét-ti, bruk klauk jru pacang caga samar hu peih ngak hadei di nan./. 

Thúy Linh/VOV -TPHCM