1./Patui danak dak tangi sua, harei ini(14/6), Quốc hội tangi sua akaok mintri Ilmau, Thể thao saong Du lịch Nguyễn Ngọc Thiện; Akaok Mintri Y tế Nguyễn Thị Kim Tiến saong Akaok Mintri Kế hoạch - Đầu tư Nguyễn Chí Dũng.

2/ # Tapa tui iek mbang tangi sua javap jalei di mbang nyaom ka 3 Quốc hội mbang 14, ong Nguyễn Văn Hào, cử tri di Phường 12, quận Tân Bình, ban raya Hồ Chí Minh brei thau: Hulin mboh dom bruk tangi sua di urang Quốc hội njauk dom bruk bo bhap bini song urang cử tri  caik  hatai. Jalan ba tabiak dalam bruk ngak nong lac biak prong kayua ngak jeng bhum pala drak, dong ka urang nong ngak mbang, tui nan parabha pandap panda tui quy hoạch.

3./# Ủy ban Nhân dân tỉnh Quảng Nam bahrau parabha brei 1,3 tỷ đồng daong ka anek saih dom huyện bhum ceik daok veik sang bac piah ôn thi Trung học phổ thông pakat negar. Ông Hà Thanh Quốc, Giám đốc Sở pato Megru tỉnh Quảng Nam brei thau: urak ini taong abih nek saih di 6 huyện bhum ceik daok hu daong ôn tập di sang bac. Daok anek saih bangsa takik daok hu daong brah, jien mbang huak piah daok veik sang bac ôn tập tal jaik harei pakacah.

4/ # Urak ni, sang bac bangsa gam bab gam dok tỉnh Quảng Ngãi hu labaih 100 anek saih tal 12 lac anek di mik va urang Kor, HRe, Ca Dong…. Daok dalam 6 huyện bhum ceik di tỉnh. Gru Đặng Văn Giữ, Hiệu trưởng sang bac brei thau,  sang dom adei jeng biak kan kandah. Kayua yau nan ye, sang bac hu likau Ủy bhap bini  tỉnh Quảng Ngãi dong jien ka dom adei dok veik sang bac ôn thi, oh caik ka adei halei klak thi .

5./ Urak ini, yaom amriak kalu di dom tỉnh Tây Nguyên gam gam laik yaom, daok meng 77.000 tal 80.000 đồng yaok kilôgram, biar jang meteh dut saong tukvak ini thun bloh. Ini jeng lac yaom biar di abih kuhrai dalam 7 thun mai ini. Urak ini Đăk Lăk hu 28.000 hec ta amriak kalu, jaik dua mbang dut saong quy hoạch tal thun 2020. Amriak kalu laik yaom, dom urang bahrau mesraiy jien piah pala amriak kalu laik tame having akaok, duh hatai.

6/ # Tỉnh Ninh Thuận hu labaih  20.250 boh sang kathaot song  16.649 sang jiak kathaot, dalam nan mik va banga takik hu  11.139 boh sang kan song 5.371 sang jiak si kan. Dalam tỉnh hu 920 boh sang oh ka hu taneh dok, labaih 3.000 sang oh hu taneh pala. Phó Trưởng Ban bangsa tỉnh Ninh Thuận Lê Thanh Hùng brei thau, brei hu labaih 42 ha taneh dok song 1.024 ha taneh pala drak piah dong ka mik va. Hu dom bhum hu taneh min  oh pala drak hu kayua ia hajan yaok thun biak beir, boh sang kan bahrau tách hộ dok kurang taneh dak harei dak tagok, bala meng langik tasik ngak glut jaleih taneh, ngak lihik taneh ngak nong. 

7./Hadei di tuk tỉnh Đồng Nai hu panuac ieu daong blei ralo pabui ka urang raong, rilo doanh nghiệp hu blei mai ka dom bếp ăn tập thể; abih di nyu nan lac, hu doanh nghiệp tut angan sanya blei saong pablei tabiak darak pasar meng 300 tal 350 drei yaok harei, tagok jaik 40% dut saong dahlau daih. Tapon pabui di tỉnh trun hu labaih 400.000 drei dut saong dahlau di tuk peih bruk daong blei. Urak ini yaom pabui di Đồng Nai daok di tanut meng 24.000 – 32.000 đồng/kg. Min tui yaom yau ini, urang raong jeng daok khat.

Patui di ni dom khau tin dunya:

8/ # Thống đốc Gilang pariak karja Hàn Quốc Li Chu Y-ơn  sa mbang tra ndom  tal bruk khik veik sarak pacadu jien padai urak ni piah jhul patagok dalam tuk Mỹ meda tagok yaom jien liba gilang pariak dalam tuk vak anak tal

9./Kadung jien dunya brei thau, nền kinh tế I-ta-li-a meda tagok 1,3% dalam thun ini, glaong jang dut saong kuhria mboh dahlau nan lac 0,8%, meng hu patagok veik khang jang di bhum pandar jien ơ-rô  saong meng sarak jien padai daong brei.  

10 # Jabat tacei pato bruk ngak pahla Liên hợp quốc  brei thau, takik di abih  279 urang metai song yaok ribau urang hu iek ruak di dom  cơ sở y tế di Xu-đăng kayua njom ruak aik chraoh cấp meng di bialn 8-2016 tal urak ni./.