1# Peih ngak bruk bangsa, thun 2017, Mintri ngak nong saong patagok palei pala hu tacei dom palei pala hu tacei dom tỉnh ban rami ramik labik daok tani tanat ka jaik 99 ribau sang “di cư tự do” saong”di dân, tái định cư” dom công trình thủy lợi, thủy điện; rami ramik tani tanit hu ka 22.338 sang (dalam nan hu mikva bhum urang bangsa takik). Dom sang nan hu brei labaih 7.000 ha taneh pala dom janih; labaih 1.000 taneh pala glai saong jaik 1.400 ha taneh ngak puh.

2  # Tỉnh đoàn KapulLiên hiệp dam dara Việt Nam tỉnh Ðắc Nông bahrau peih bruk pok meyaom  sinh viên bangsa takik (DTTS) mek hu  kết quả glong dalam mbang pakacah  THPT negar  song jao pok jien bac g tài năng trẻ tỉnh Ðác Nông thun 2017. Dalam mbang pakacah  THPT negar meng bloh, tỉnh Ðắc Nông hu labaih 400 sinh viên bangsa takik tame di dom sang bac đại học, cao đẳng dalam negar. Di mbang pok meyaom , mban peih bruk jao harak pok meyaom ka  50 sinh viên bangsa takik mek hu  kết quả glong dalam mbangf pakacah  THPT negar thun 2017.

 3 # Chi cục khik iek chất lượng kaya nong, kaya glai saong kaya ikan (Sở ngak nong saong patagok palei pala tỉnh Đắc Lắc) bahrau peih bruk jao limo binai ka dom sang urang bangsa takik kan kathaot daok di xã Dur Kmăl, huyện Krông Ana. Tapa nan, chi cục hu jao 20 drei limo binai ka 20 sang kathaot di palei Buôn Triết, yaok drei trak jaik 200 kg. Yaom jien tapon limo alin hadiah mbang ini lac 368 triệu đồng. Ini lac limo di danak dak bruk ngak negar patrun kathaot khang kajap thun 2017 piah daong ka urang kan kathaot patagok bruk ngak mbang, hu jien mek tame, yam tagok tabiak truh kan kathaot khang kajap.

4 # Tỉnh ủy Gia Lai bahrau taom gaok, pok meyaom jiak 100 urang hu angan je bangsa takik hu rilo rik dong ka bruk  bhap bini jum pataom gauk khik ramik  an ninh negar (ANTQ) thun 2017. Tuk vak tapa urang hu angan je hu patagok bruk ngak di drei, jeng sa pasak jum pataom lac talei pambuak di  Đảng song bhap bini, jeng labik pagam pambak tame di mik va dom bangsa takik.

5# Harei kabroi (14/1), di sang ilamu dam dara ban raya Hồ Chí Minh, Thành Đoàn ban raya tabiak mbaok Bruk Xuân halan hatian thun 2018. Bruk nan hu rah tabiak meng ini tal abih harei 11/2/2018 ka labaih 30 ribau urang di dom sang bac đại học, cao đẳng, học viện saong sang bac THPT dalam ban raya. Kadha praong di bruk thun ini lac 6 danak dak, 4 harei ngak bruk tabung glaong saong 11 bruk ngak praong. Ayut Lê Tấn Lực, sa urang hu mbaok dalam bruk nan chreih chrai brei thau: Adei hu mbaok dalam bruk Xuân halan hatian rilo thun ye,yaok thun hu trun puk palei daong ka mikva ramik sang danaok, ngak dom janih caga mbang. Nan lac sa bruk bui sambai praong di taong abih dom sinh viên ban raya saong tapa nan drei thau hu ril jang ka raidiuk) 

 Patui di ni dom khau tin dunya

6 # Tui kuhria mboh bahrau di abih, hu takik di abih 2 urang metai, 17 urang lihik song 65 urang njauk rambuac dalam mbang megei boh taneh khang   7,1 độ richter rah tabiak di tasik gah merong  Peru harei  14/1. Tui jabat tui iek địa chất Mỹ (USGS), mbang megei boh taneh hu rah tabiak  di  9 tuk  18 minite (harei  14/1. Tâm chấn nyu dalam 36 ki-lô-mét song atah di ban A-ca-ri (Acari) 40 ki-lô-mét mai gah Tây Tây Nam.

 7# Phi-líp-pin bahrau patagok tanut cảnh báo ceik pui tal tanut ka 2 lac tanut kan pasang iek hu, hadei di tuk karja brei thau lac mboh pandiak sraiy meng ceik pui May-ơn (Mayon) dalam tỉnh An-bay (Albay) gah kreh negar Phi-líp-pin cmeda ba tal bruk ceik pui pruh tabiak. May-ơn lac sa dalam dom ceik pui pruh tabiak rilo abih di Phi-líp-pin, nyu daok atah di ban ine Manila 300 ki-lô-mét nao gah Đông Nam. Thun 1814, ceik pui ini hu sa mbang pruh ngak ka labaih 1.200 menuac metai saong dar lihik 3 ban sit

 8 # Sa kapan cao tốc pajeng 27 tuai  du lịch Trung Quốc song dom  thủy thủ  Thái Lan nyu patuh di angaok tasik An-đa-man (Andaman) di gah merong  negar Thái Lan jiak palao Phi-Phi. Khau tin  Thái Lan brei thau, takik di abih 1 urang Thái Lan metai,  16 urang karei njauk rambuac. Urak ni makna di bruk nan dok hu duah thau cambaih laih./.