1# Biar harei 14/12, Phó Thủ tướng Vũ Đức Đam hu taduan raok Phó Thủ tướng, akaok mintri pato megru Hàn Quốc Kim Sang-kon daok rivang saong ngak bruk di Việt Nam. Ông Kim Sang-kon caong khin hu dom pambuak bruk cambaih laih jang haong dom sang bac đại học di Việt Nam piah patagok dom bruk pato pakai trực tuyến bahrau, peih rilo jang pasak pato megru Hàn Quốc, peih khoa pato gru pato sap Hàn dalam dom sang bac đại học…

2 # Di nyaom biai Mban tacei jalan dom gah  di Trung ương ka hacih saat pandap mbang menyum mesup harei ni di Hà Nội, Phó Thủ tướng Vũ Đức Đam hu ndom TAL bruk salih bahrau dalam khik ramik karja ka hacih saat pandap mbang menyum, salih meng dut iek dahlau tapa dut iek hadei

3# Di nyom roya pakat negar dom urang dahlau daih ngak bol lin Việt Nam mbang ka VI, nhiệm kỳ 2017 – 20122 hu plih ruah tabiak mBan Chấp hành khóa VI hu 98 urang. 

4 # # Bahrau ni, bhap bini di xã Cam Tuyền, huyện Cam Lộ, tỉnh Quảng Trị brei thau lac bahrau mboh sa tapon  voọc medhi lac Voọc Chà Vá quý hiếm song tapon  kara jnuk yaok rituh drei 

5# Yaom lac puac bilan paik, min rilo urang pala cà phê di huyện Đăk Hà, tỉnh Kon Tum jeng oh ka pah hu urang paik, nan ye baoh cà phê daok tasak thu angaok phun. Hu oh takik sang tabiak yaom pah labaih 100.000 đồng min oh duah hu menuac piah pah paik baoh cà phê tasak thu angaok phun.

6 # Harei 14/12, Pasak Y tế huyện Ba Tơ, tỉnh Quảng Ngãi taduan gilac  2 urang ruak Hội chứng viêm klik kapan sừng plak tangin, plak takai. Yau nan, hadei di 3 thun joa kandang , meng akaok bilan 12 mbiah tal ni , di huyện Ba Tơ hu 5 urang  njom ruak ni . 

7# Di mbang nyaom ka 5, HĐND tỉnh Đắk Nông (khóa III), bruk hu urang caik hatai sangka di abih nan lac njauk ngak brei cambaih laih bruk di urang jakar ngak “sổ đỏ” suan hukum.

Patui di ni dom khau tin dunya:

8 #Dom urang dang akaok Liên minh châu Âu, dok ginum biai pakat glong di Brussels, brei dui atah tauk vak  trừng phạt kinh tế tame negar  Nga 6 bilan tra.

9 #Melam 14/12, đặc phái viên di Liên hợp quốc Mi-xtu-ra (Staffan de Mistura) ndom lac, dom gah di Xy-ri klaak tapa sa bruk siam lagaih hadei di mbang ginum biai hòa bình ka 8 peih tabiak di Giơ-ne-vơ bahrau tamat harei 14.12

10 # Meng di bilan  9/2018, anek saih Pháp pakat  tiểu học song trung học cơ sở  oh brei pandar phone pang tangin. Mintri pato megru Pháp  ba tabiak bruk ini hadei di tuk  tui iek mboh lac anek saih pandar phone tanign song oh tabiak main dalam tuk padeih padei yau dahlau deih./.